Luk 11:39 - An Bibel Kernewek 20234 (Kernewek Kemmyn)

³⁹ Mes yn-medh an Arloedh dhodho, ‘Lemmyn hwi Fariseow a wolgh an tu a-ves a'n hanaf ha'n skudell, mes war-ji yth owgh leun a ladrans ha droktra.

Luk 11:39 Iomraidhean Croise

Jenesis 6:5

Ha'n Arloedh a welas bos droktra mab-den bras war an nor ha nag o pub mynnas a dybyansow y golonn marnas drog pub dydh oll.

2 Kroniklys 25:2

Ev a wrug an pyth o ewn yn golok an Arloedh, mes a-der a leun golonn.

Salmow 22:13

i a iger aga ganow a-les er ow fynn, kepar ha lew ow skwardya hag owth usa.

Lavarow Koth 26:23

Avel gwedrans ow kenna seth a bri yw gweusyow ter ha tebel golonn.

Lavarow Koth 26:25

Pan gews yn kuv, na grys dhodho, rag yma seyth tra gasadow yn y golonn.

Lavarow Koth 30:12

Yma re yw pur yn aga dewlagas aga honan, mes nyns yns i glanhes a'ga fodredhes.

Yeremia 4:14

A Yerusalem, golgh dha golonn a-dhiworth drogedh, may fi selwys. Pes termyn y hwra dha brederow koeg godriga genes?

Ezekiel 22:25

Hy fennsevigyon yn hy kres yw kepar ha lew owth usa, ow terri preydh; i re dhybris enevow; i re gemmeras tresor ha taklow drudh; i re wrug gwedhwesow pals a-berth ynno.

Ezekiel 22:27

Hy fennsevigyon ynni yw avel bleydhi ow terri preydh, ow skoellya goes dhe dhistrui enevow may kaffons gwayn anewn.

Sefania 3:3

Hy fennsevigyon a-berth ynni yw lewyon owth usa; hy breusysi yw bleydhi an gorthugher; ny asons an eskern bys y'n vorow.

Matthew 15:19

Rag dhiworth an golonn y teu drokprederow: denladh, avoutri, dijastita, ladrans, fals dhustuni ha blasfemi.

Matthew 7:15

‘Bedhewgh war a fals profoesi, neb a dheu dhywgh yn gwisk deves, mes war-ji yth yns i bleydhi ow ravna.

Luk 16:15

Hag ev a leveris dhedha, ‘Hwi yw an re a justifi aga honan a-wel tus, mes Duw a aswonn agas kolonn; rag an dra eksaltys yn mysk tus yw pyth kasadow a-wel Duw.

Luk 7:13

Ha pan y's gwelas, an Arloedh a'n jeva truedh anedhi, hag a leveris dhedhi, ‘Na oel.’

Luk 7:19

ha'ga dannvon dhe'n Arloedh ow leverel, ‘Yw ty an den a dal dos, po ken onan a wortyn?’

Yowann 12:6

Ny leveris hemma rag bos dhodho bern a-barth an voghosogyon, mes rag ev dhe vos lader, hag ev a witha an pors, ha ladra an pyth o gorrys ynno.

Yowann 13:2

Pan esens ow tybri soper, wosa an jowl dhe worra yn kolonn Yudas mab Simon Skaryoth dh'y drayta,

Oberow 5:3

Mes yn-medh Peder, ‘Ananias, prag y lenwis Satnas dha golonn, rag leverel gow dhe'n Spyrys Sans ha kemmeres dhis dha honan rann a bris an tir?

Galatianys 1:14

hag avonsya pella yn yedhowieth ages lies kevoes genev a'm kenedhel vy ha bos tynn dres eghenn rag hengovyow ow hendasow.

2 Timothi 3:5

gans semlans sansoleth mes ow nagha y alloes. Treyl dhiworth an re ma.

Titus 1:15

Pup-tra yw glan dhe'n re yw glan, mes dhe'n re yw legrys ha diskryjyk, nyns yw travyth glan, mes legrys yw ha'ga brys ha'ga howses.

Jamys 4:8

Dewgh nes dhe Dhuw, hag ev a dheu nes dhywgh hwi. Glanhewgh agas diwla, a beghadoryon, ha purhewgh agas kolonn, a dus dewblek agas brys.