Luk 11:24 - An Bibel Kernewek 20234 (Kernewek Kemmyn)

²⁴ ‘Pan dheu spyrys avlan yn-mes a dhen, ev a dremen dre dylleryow sygh ow hwilas powesva ha ny's kyv. Ena yn-medh ev, “My a dhehwel dhe'm chi may teuth vy yn-mes anodho.”

Luk 11:24 Iomraidhean Croise

Job 1:7

An Arloedh a leveris dhe Satnas, ‘A-ble osta devedhys?’ Satnas a worthybis dhe'n Arloedh, ‘A-dhiworth gwandra omma hag ena war an norvys, hag a-dhiworth kerdhes a-dro warnodho.’

Job 2:2

An Arloedh a leveris dhe Satnas, ‘A-ble osta devedhys?’ Satnas a worthybis dhe'n Arloedh, ‘A-dhiworth gwandra omma hag ena war an norvys, hag a-dhiworth kerdhes a-dro warnodho.’

Salmow 63:1

A Dhuw, ty yw ow Duw, my a'th hwither dihwans. Yma syghes dhe'm enev war dha lergh, ow hig a'n jeves hireth ragos, yn tir kras ha sygh ma nag eus dowr.

Lavarow Koth 4:16

Rag ny yllons koska marnas i a wra drogober; aga hosk yw kemmerys dhe-ves marnas i a wra dhe nebonan trebuchya.

Ysay 35:7

An tir poeth a vydh poll kors, ha'n tir sygh a vydh fentynyow dowr. Y'n tyller mayth esa owrgeun ow krowedha, an gwels a vydh kors ha papyrus.

Ysay 44:3

Rag my a dhinwa dowr war an syghtir, ha stredhow war an dor krin; ha my a dhinwa ow spyrys war dha has, hag ow bennath war dha agh.

Ysay 48:22

‘Nyns eus kres’, yn-medh an Arloedh, ‘rag an debeles.’

Mark 5:10

Hag ev a'n pysi meur na's dannvonna yn-kerdh yn-mes a'n pow.

Mark 9:25

Mes pan welas Yesu routh dhe boenya war-barth, ev a rebukyas an spyrys avlan, ow leverel dhodho, ‘Ty spyrys avlavar ha bodhar, my a ergh dhis, deus yn-mes anodho, ha na wra mos ynno namoy.’

Luk 11:25

Ha pan yw devedhys, ev a'n kyv skubys ha tekhes.

Efesianys 2:2

may kerdhsowgh ynna war-lergh gis an bys ma, war-lergh penntern galloes an ayr, an spyrys a ober lemmyn yn mebyon diwostytter;

1 Peder 5:8

Bedhewgh sad, bedhewgh hewoel. Agas eskar an jowl, kepar ha lew owth usa, a gerdh a-dro, ow hwilas nebonan dhe dhevorya.