Luk 11:13 - An Bibel Kernewek 20234 (Kernewek Kemmyn)

¹³ Hwi ytho, ow pos drog, mar kodhowgh ri rohow da dh'agas fleghes, pygemmys moy y re an Tas a nev an Spyrys Sans dhe seul a wovynn orto!’

Luk 11:13 Iomraidhean Croise

Jenesis 8:21

Ha'n Arloedh a vlasas an sawer plegadow, ha'n Arloedh a leveris yn y golonn, ‘Ny wrav vy mollethi an dor namoy drefenn mab-den; rag drog yw bodh kolonn mab-den a-dhia y yowynkneth. Ny wrav namoy gweskel pub tra vew, dell wrug vy.

Salmow 51:5

Otta, yn kammweyth y feuv vy dineythys, hag yn pegh y'm omdhuk ow mamm.

Lavarow Koth 1:23

Koelewgh orth ow heredh; otta! my a dhinwa ow spyrys dhywgh, my a wra ow geryow dhe vos godhvedhys genowgh.

Ysay 49:15

A yll benyn ankevi an flogh orth hy bronn? po fyllel kemmeres truedh a vab hy thorr? I ynwedh a yll ankevi, mes my, ny'th ankovav.

Ezekiel 36:27

My a worr ow Spyrys ynnowgh, ha gul dhywgh kerdhes y'm ordenansow, ha gwaytyas gwitha ow breusow.

Yoel 2:28

Ha wosa hemma my a dhinwa ow spyrys war gig oll, ha'gas mebyon ha'gas myrghes a wra profoesa, ha'gas tus koth a hunros hunrosow ha'gas gwer yowynk a wel gwelesigethow.

Matthew 5:16

Yndella re derlentro agas golow a-rag tus may hwellons agas oberow da ha gordhya agas Tas eus y'n nevow.

Matthew 5:45

may hallowgh hwi bos mebyon agas Tas eus y'n nevow, rag ev a wra dh'y howl drehevel keffrys war an re dhrog ha'n re dha, hag a dhannvon an glaw war an re ewnhynsek ha'n re gammhynsek.

Matthew 6:14

Rag mara kwrewgh gava dhe dus aga hammwriansow, agas Tas a nev a wra gava dhy'hwi ynwedh;

Matthew 6:30

Ytho mar kweth Duw yndella gwels an gwelyow, yw bew hedhyw ha tewlys yn forn a-vorow, a ny wra ev meur dhe voy agas kwetha hwi, A hwi a voghes fydh?

Matthew 6:32

Rag oll an taklow ma, an kenedhlow a's hwila; ha'gas Tas a nev a woer bos edhomm dhywgh a oll an taklow ma.

Matthew 7:11

Hwi, ytho, ow pos drog, mar kodhowgh ri rohow da dh'agas fleghes, pygemmys moy y re agas Tas y'n nevow dhe'n re a wovynn orto!

Luk 11:12

Po mar kovynn oy, a re dhodho skorpyon?

Luk 11:2

Hag ev a leveris dhedha, ‘Pan wrewgh pysi, leverewgh, A Das, sanshes re bo dha hanow; re dheffo dha wlaskor;

Luk 18:7

A ny wra Duw gwirvreus rag y dus dhewisys a gri warnodho dydh ha nos; a vydh ev lent ow kweres dhedha?

Yowann 4:10

Yesu a worthybis ha leverel dhedhi, ‘Mar kodhves ro Duw, ha piw yw neb a lever dhis, “Ro dhymm dhe eva”, ty a wrusses y bysi, hag ev a rossa dhis dowr bew.’

Oberow 2:38

Hag yn-medh Peder dhedha, ‘Kemmerewgh edrek, ha bedhes besydhys kettep penn ahanowgh yn hanow Yesu Krist rag gevyans agas peghosow, ha hwi a wra degemmeres ro an Spyrys Sans.

Romanyon 5:17

Mar reynya mernans dre gammwrians unn den der an unn den na, kemmys moy y hwra reynya yn bewnans an re hag a gemmer palster a'n ras ha'n ro rydh a ewnder der an unn den Yesu Krist.

Romanyon 7:18

Rag y hwonn na drig ynnov travyth da, henn yw y'm kig. Yma parys genev an mynnas, mes kowlwul an da – ny allav.

Romanyon 8:32

Neb na sparyas y Vab y honan mes y'n ros ragon ni oll, a ny vynn ev ri dhyn pup-tra ganso?

Titus 3:3

Rag ni ynwedh o foll, diwostydh, toellys, kethwesyon dhe drokhwansow ha plesours divers, ow pewa yn atti hag avi, kasadow, hag ow kasa an eyl y gila.