Luk 10:31 - An Bibel Kernewek 20234 (Kernewek Kemmyn)

³¹ Ha dre geslamm yth esa neb oferyas ow mos yn-nans y'n fordh na, ha pan y'n gwelas, ev a dremenas a'n eyl tenewen.

Luk 10:31 Iomraidhean Croise

2 Samuel 1:6

Ha'n gour yowynk neb a dherivas orto a leveris, ‘Par happ yth esen war venydh Gilboa, hag ottena Sowl ow poesa war y wuw, ha'n charettow ha'n varghogyon ow tos nes dhodho.

Salmow 142:4

Mir orth ow leuv dhyghow ha gwel, rag nyns eus denvyth a'm aswonno; skovva a fyllis dhymm, nyns eus neb a wittho ow enev.

Salmow 69:20

Mewl re dorras ow holonn, ha paynys bras a'm beus. My a hwilas neb a gemmerra truedh ahanav, mes nyns esa; ha konforters, mes ny's kevis.

Lavarow Koth 21:13

Neb a dhege y dhiwskovarn orth kri an boghosek, ev ynwedh a gri heb bos klewys.

Ekklesiastes 9:11

My a dreylyas dhe weles yn-dann an howl nag yw pup-prys an resegva gwaynys gans an re yw skav, ha nag yw pup-prys an gas gwaynys gans an re yw galloesek, ha nag eus bara dhe'n re yw fur, ha nag eus rychys dhe'n re yw skentel, ha nag eus gras dhe'n re yw sleygh, drefenn bos ha termyn ha chons ow hwarvos dhedha i oll.

Ysay 58:7

A nyns yw ranna dha vara gans an den nownek, ha dri boghosogyon dhiannedh y'th chi; pan welydh den noeth, y gwetha, ha ma na omgudhydh dhiworth dha gig dha honan?

Yeremia 5:31

An brofoesi a brofoes yn fals, an oferysi a wovern herwydh aga awtorita aga honan; ha'm pobel a gar y vos yndella: mes pandr'a wrewgh pan dheu an diwedh?

Hosea 5:1

Klewewgh hemma, a oferysi! Goslowewgh, chi Ysrael! Attendyewgh, A ji an myghtern! An vreus yw er agas pynn, drefenn agas bos antell orth Mispa, ha roes lesys war Tabor.

Hosea 6:9

Ha kepar dell wra bagas a ladron kontrewaytya gour, yndella y hwra bagas a oferysi; ow moldra y'n fordh dhe Shekem, ow kul drogober hegas.

Malaki 1:10

Piw yn agas mysk a wra degea darasow an tempel, ma na enowowgh ow alter yn euver? Nyns ov vy pes da ahanowgh hwi, yn-medh Arloedh an luyow. Ny dhegemmerav offrynn a'gas diwleuv.

Luk 10:30

Yesu a worthybis ow leverel, ‘Yth esa nebonan ow mos yn-nans dhiworth Yerusalem dhe Yeriko hag ev a goedhas yn mysk ladron, hag i a'n destryppyas ha'y weskel, ha mos dhe-ves, orth y asa hanter marow.

Luk 10:32

Hag y'n keth vaner neb Levyas a dheuth dhe'n tyller, ha pan y'n gwelas, ev a dremenas a'n eyl tenewen.

Ruth 2:3

Hag yth eth ha kuntell gesigow y'n gwel war-lergh an vysoryon, ha par happ perghennek an rann na a'n gwel o Boaz, a deylu Elimelek.