Luk 10:28 - An Bibel Kernewek 20234 (Kernewek Kemmyn)

²⁸ Hag ev a leveris dhodho, ‘Ewn y hworthybsys; hemma gwra, ha ty a vew.’

Luk 10:28 Iomraidhean Croise

Nehemia 9:29

Ha ty a's gwarnyas rag aga threylya arta dhe'th lagha. Hwath i a faryas gans bedhekter ha ny obaysons dha worhemmynnow, mes i a beghas erbynn dha vreusow, a re bewnans dhe'n re a's gwith. Mes i a gildennas an skoedh, ha kaleshe aga hilbenn ha ny obaysons.

Lavarow Koth 19:16

Neb a with an gorhemmynn a with y enev; neb a dhispres y fordhow a verow.

Ezekiel 20:11

My a ros dhedha ow ordenansow, ha diskwedhes dhedha ow breusow, rag den mar kwra aga gwitha, ev a vew ynna.

Ezekiel 20:13

Byttegyns chi Ysrael a rebellyas er ow fynn y'n difeythtir. Ny gerdhsons war-lergh ow ordenansow, mes i a dhenaghas ow breusow, kyn fydh bew seul a's gwith; hag i a dhisakras ow sabotys yn feur. Ena yn-medhav, My a dhiver ow honnar warnedha y'n difeythtir, dh'aga howldhistrui.

Ezekiel 20:21

Mes an vebyon a rebellyas er ow fynn. Ny gerdhsons y'm ordenansow, na ny waytsons gul ow breusow, may hwra den bew dredha mara's gwra; i a dhisakras ow sabotys. Ena yn-medhav, My a dhiver ow honnar warnedha, ow kowlwul ow sorr er aga fynn y'n difeythtir.

Levitikus 18:5

Ytho, hwi a syns ow ordenansow vy ha'm breusow vy. Den mar kwra hemma, ev a vew ynna. An Arloedh ov vy.

Matthew 19:17

Yn-medh ev dhodho, ‘Prag y hwovynnydh orthiv a-dro dhe'n dra yw mas? Onan yma neb yw mas. Mar mynnydh mos a-bervedh y'n bewnans na, gwith an gorhemmynnow.’

Mark 12:34

Ha Yesu, ow kweles ev dhe worthybi yn fur, a leveris dhodho, ‘Nyns osta pell a-dhiworth gwlaskor Duw.’ Ha ny lavasa denvyth govynn travyth orto na fella.

Luk 7:43

Simon a worthybis ow leverel, ‘Dell dybav, ev may feu moy gevys dhodho.’ Yn-medh ev dhodho, ‘Ewn re vreussys.’

Romanyon 10:4

Rag Krist yw penn an lagha rag ewnder dhe beub a grys.

Romanyon 3:19

Lemmyn ni a woer, pypynag a lavarro an lagha kewsys yw dhe'n re usi yn-dann an lagha, rag may fo pub ganow deges, ha rag may fo an bys oll yn-dann vreus Duw.

Romanyon 7:10

hag y ferwis vy; an keth gorhemmynn o bewnans dhymm a dheuth ha bos mernans dhymmo vy.

Galatianys 3:12

Nyns yw an lagha selys war fydh, mes, ‘Neb a wrello an oberow a vew ynna.’

Dewteronomi 6:24

An Arloedh a worhemmynnis dhyn gul oll an ordenansow ma, dhe berthi own a'n Arloedh agan Duw, rag may fo yn ta dhyn pub dydh oll, dh'agan gwitha yn few kepar ha hedhyw.