Luk 10:2 - An Bibel Kernewek 20234 (Kernewek Kemmyn)

² Yn-medh ev dhedha, ‘An drevas yw meur, mes an oberwesyon yw boghes; ytho pysewgh Arloedh an drevas may tannvonno gonisysi bys yn y drevas.

Luk 10:2 Iomraidhean Croise

1 Myghternedh 18:22

Ena Elias a leveris dhe'n bobel, ‘My, my ow honan, yw gesys profoes an Arloedh; mes profoesi Baal yw peswar kans ha hanter-kans.

Salmow 68:11

An Arloedh a ros an ger; bagas meur a dhellos an derivas:

Yeremia 3:15

Ha my a re dhywgh bugeledh herwydh ow holonn, hag i a'gas mag gans godhvos ha konvedhes.

Zekaria 11:17

Go-ev an koeg vugel, a forsak an flokk! Re wasko kledha y vregh ha'y lagas dyghow! Re gowlwetthro y vregh, ha re bo y lagas dyghow kowldhellys!

Zekaria 11:5

Aga frenoryon a wra aga ladha ha nyns yns i kablus. An re a wra aga gwertha a lever, ‘Benniges re bo an Arloedh, rych ov vy!’ Aga bugeledh ny gemmerons truedh anedha.

Niverow 11:17

Ha my a dhiyskynn ha kewsel genes ena; ha my a gemmer nebes a'n spyrys eus warnas ha'y worra warnedha; hag i a dheg begh an bobel genes, ma na'n godheffi dha honan.

Niverow 11:29

Mes Moyses a leveris dhodho, ‘A berthydh avi a'm govis vy? A pe pobel oll an Arloedh profoesa, may hworro an Arloedh y spyrys warnedha!’

Matthew 20:1

‘Haval yw gwlaskor nev dhe berghennek tir neb eth yn-mes a-varr myttin rag arveth oberwesyon rag y winlann.

Mark 13:34

Yth yw kepar ha den ow mos yn hyns, neb a asas y ji, hag a ros awtorita dh'y gethwesyon, dhe bubonan y hwel, hag a erghis dhe'n porther a woelyas.

Mark 16:15

Hag ev a leveris dhedha, ‘Ewgh hwi yn oll an bys, ha pregewthewgh an aweyl dhe bub kreatur.

Mark 16:20

Hag yth ethons yn-mes ha pregoth yn pub le, ha'n Arloedh ow kesoberi gansa hag ow fastya an ger der an toknys a wre holya. Amen.

Luk 9:1

Ena ev a elwis an dewdhek war-barth, hag a ros dhedha galloes hag awtorita war oll an dhywolow, ha dhe yaghhe klevesow,

Oberow 11:19

Lemmyn an re a veu skattrys der an anken a hwarva a-dro dhe Stefan a vyajyas bys yn Fenikia ha Kyprus hag Antiogh, heb kewsel an ger marnas unnsel dhe Yedhewon.

Oberow 13:2

Hag i ow kordhya an Arloedh hag ow penys, an Spyrys Sans a leveris, ‘Diberthewgh ragov Barnabas ha Sowl rag an gonis ma's gelwis vy.’

Oberow 13:4

Rakhenna, dannvenys yn-mes gans an Spyrys Sans, i eth yn-nans dhe Selewsia, hag alena i a woelyas dhe Kyprus.

Oberow 20:28

Kemmerewgh with a'gas honan hag a'n para oll ma'gas gorras an Spyrys Sans avel gorwoelysi rag bugelya eglos Duw, a waynyas der y woes y honan.

Oberow 22:21

Ena ev a leveris dhymm, “Ke, rag my a wra dha dhannvon a-bell dhe'n Jentilys.” ’

Oberow 8:4

Lemmyn an re a veu skattrys eth a-derdro, ow pregoth an ger.

1 Korinthianys 12:28

Ha Duw re ordenas y'n eglos, kynsa abesteli, nessa profoesi, tressa dyskadoryon, ena galloes dhe oberi merklys, ena rohow a yaghheans, a ri sokor, a venystra, a dhivers tavosow.

1 Korinthianys 15:10

mes dre ras Duw yth ov vy an pyth hag yth ov, ha nyns o euver y ras orthiv. Yn kontrari, my a lavuryas yn kreffa agessa oll, kyn nag o my, mes gras Duw usi genev.

2 Korinthianys 6:1

Ha ni ow kesoberi, ni a'gas pys ma na dhegemmerrowgh gras Duw yn euver;

Filippianys 2:21

Rag pubonan anedha a hwila aga les aga honan; ny hwilons i les Krist Yesu.

Filippianys 2:25

Mes my a dybis bos res dannvon dhywgh Epafroditus, ow broder, kesoberer ha kessouder ha'gas kannas, ha menyster a'm edhomm,

Filippianys 2:30

rag der ober Krist, ev a dheuth bys yn ankow, ow peryllya y vewnans dhe gollenwel an gweres na yllewgh ri dhymm.

Kolossianys 1:29

Rag hemma, my a lavur, ow strivya gans y oberyans owth oberi ynnov gans nerth.

Kolossianys 4:12

Epafras a'gas dynnergh, onan ahanowgh, kethwas Krist Yesu, ow strivya pup-prys ragowgh yn y bysadow, may seffowgh perfydh ha surhes yn tien y'n bolonjedh oll a Dhuw.

1 Thessalonianys 2:9

Rag hwi a berth kov, a vreder, a'gan lavur ha'gan hwel. Owth oberi dydh ha nos ma na worren begh warnowgh, ni a bregowthas dhywgh aweyl Duw.

1 Thessalonianys 5:12

Lemmyn, ni a'gas pys a vreder, a aswonn an re a lavur yn agas mysk ha neb a'gas hembronk y'n Arloedh ha'gas keski,

2 Thessalonianys 3:1

Wor'tiwedh, a vreder, gwrewgh pysi ragon may hwrello ger an Arloedh spedya ha bos enorys kepar dell wrug vy ynwedh yn agas mysk,

1 Timothi 4:10

Dhe hemma ni a lavur ha strivya, rag yma agan govenek y'n Duw bew, neb yw an Selwador a bub den, hag a gryjygyon dres oll.

2 Timothi 4:5

Mes ty bydh sad yn pup-tra, godhav drog, gwra ober aweyler, kollanw dha venystri.

Filemon 1:1

Powl, prisner a Grist Yesu ha Timothi agan broder, Dhe Filemon, agan karadow ha'gan kesoberer,

Ebrowyon 3:6

mes Krist o len avel Mab dres chi Duw. Ha ni yw y ji mar synsyn agan fydhyans ha goeth yn agan govenek, fyrv dhe'n diwedh.

Diskwedhyans 2:1

‘Dhe el an eglos yn Efesus skrif: Neb a syns an seyth sterenn yn y dhorn dhyghow ha kerdhes yn mysk an seyth kantoler owrek a lever an taklow ma: