Luk 10:16 - An Bibel Kernewek 20234 (Kernewek Kemmyn)

¹⁶ ‘Neb a'gas klew a'm klew vy, ha neb a'gas skon a'm skon vy; ha neb a'm skon vy a'n skon ev neb a'm dannvonas vy.’

Luk 10:16 Iomraidhean Croise

Eksodus 16:7

hag y'n myttin hwi a welvydh golewder an Arloedh, rag ev dhe glewes agas krodhvolyow war an Arloedh. Rag pyth on ni may krodhvolowgh warnan?’

Eksodus 16:8

Ha Moyses a leveris, ‘Pan re an Arloedh dhywgh gorthugherweyth kig dhe dhybri ha myttinweyth bara dhe walgh, rag an Arloedh dhe glewes an krodhvolyow a grodhvolowgh warnodho – pyth on ni? Nyns yw agas krodhvolyow warnan ni mes war an Arloedh.’

Malaki 1:6

Mab a enor y das, ha gwas y vester. Ytho mars ov vy tas, ple'ma ow enor? Mars ov vy mester, ple'ma ow revrons? yn-medh Arloedh an luyow dhywgh, an oferysi, a dhispres ow hanow. Mes hwi a lever, ‘Fatell wrussyn dispresya dha hanow?’

Niverow 14:11

Ha'n Arloedh a leveris dhe Moyses, ‘Pes termyn y hwra an bobel ma ow disenora? Ha pes termyn ny wrons krysi ynnov, yn spit dhe'n toknys oll a wrug yn aga mysk?

Niverow 14:2

Ha mebyon Ysrael oll a grodhvolas war Moyses hag Aron; oll an kuntelles a leveris dhedha, ‘A marwen yn pow Ejyp! Po a marwen y'n gwylvos ma!

Niverow 16:11

Ytho yth yw erbynn an Arloedh ty ha'th kowetha oll dhe omguntell war-barth; pyth yw Aron may krodhvolydh warnodho?’

Matthew 10:40

‘Neb a'gas degemmer hwi, a'm degemmer vy, ha piwpynag a'm degemmerro vy a dhegemmer neb a'm dannvonas.

Matthew 18:5

ha piwpynag a dhegemmerro unn flogh a'n par ma y'm hanow vy, ev a'm degemmer vy.

Mark 9:37

‘Piwpynag a dhegemmerro onan a'n fleghes a'n par ma yn ow hanow vy, a'm degemmer vy, ha piwpynag a'm degemmerro, ny'm degemmer vy, saw ev neb a'm dannvonas.’

Luk 9:48

ha leverel dhedha, ‘Neb a dhegemmerro an flogh ma yn ow hanow vy a'm degemmer vy; ha neb a'm degemmerro vy, a'n degemmer ev neb a'm dannvonas; rag neb yw an byghanna yntredhowgh, meur yw ev.’

Yowann 12:44

Yesu a grias ha leverel, ‘Neb a grys ynnov vy, ny grys ynnov vy mes ynno ev neb a'm dannvonas,

Yowann 12:48

Ev neb a'm nagh, ha na dhegemmer ow geryow, yma dhodho nebonan a wra y vreusi; an ger a gewsis vy, henna a wra y vreusi dydh fin.

Yowann 13:20

Yn hwir, yn hwir y lavarav dhywgh, neb a dhegemmer piwpynag a dhannvenniv a wra ow degemmeres vy, ha neb a'm degemmer vy a dhegemmer neb a'm dannvonas.’

Oberow 5:4

Hag ev heb y wertha, a ny veu dhiso jy, ha wosa y vos gwerthys, a ny veu an mona dhiso jy? Prag y tewlsys an ober ma y'th kolonn? Ny leversys gow dhe dus, mes dhe Dhuw.’

Galatianys 4:14

hag yn despit dhe'n prevyans a veu dhywgh y'm kig, ny wrussowgh hwi dispresya na fia, mes hwi a'm degemmeras kepar hag el a Dhuw, kepar ha Krist Yesu.

1 Thessalonianys 4:8

Rakhenna, neb a skon, ny wra skonya mab-den mes Duw a re y Spyrys Sans dhywgh ynwedh.