Luk 1:8 - An Bibel Kernewek 20234 (Kernewek Kemmyn)

⁸ Y hwarva, pan esa ow menystra avel oferyas yn torn y asrann a-dherag Duw,

Luk 1:8 Iomraidhean Croise

1 Kroniklys 24:19

An re ma o restri aga servis pan dhens yn ji an Arloedh war-lergh an rewlys res dhedha gans Aron aga thas, dell arghsa an Arloedh, Duw Ysrael, dhodho.

1 Kroniklys 24:2

Nadab hag Abihu a verwis kyns aga thas, ha ny's tevo mebyon, ytho Eleazar hag Ithamar a servyas avel oferysi.

2 Kroniklys 11:14

An Levysi re assa aga feurvaow ha'ga ferghennogeth ha re dhothya dhe Yuda ha dhe Yerusalem, drefenn Yeroboam ha'y vebyon re's lettsa a servya avel oferysi an Arloedh,

2 Kroniklys 31:19

ha rag mebyon Aron, an oferysi trigys y'n powdir yn tiredh pubonan a'ga threvow, gwer apoyntys herwydh aga hanow a lesranna rannow dhe bub gorreydh yn mysk an oferysi, ha dhe bubonan omrolys yn mysk an Levysi.

2 Kroniklys 31:2

Hezekia a apoyntyas an oferysi ha'n Levysi dh'aga rannow, rann ha rann, pubonan herwydh y servis, an oferysi ha'n Levysi rag offrynnow leskys hag offrynnow kres, dhe venystra ha dhe aswonn grasow ha gormola yn yetys tyldow an Arloedh.

2 Kroniklys 8:14

Herwydh gorhemmynn Davydh y das, ev a ordenas rannow an oferysi rag aga servis, ha'n Levysi rag aga soedhow a wormola hag a venystra ryb an oferysi avel dever pub-dydhyek dell ve res, ha gwithysi an yetys yn aga rannow rag pub yet; rag yndella y hworhemmynnsa Davydh, gour Duw.

Ezra 6:18

Hag i a settyas an oferysi yn aga rannow, ha'n Levysi yn aga bagasow, rag servis Duw yn Yerusalem, dell yw skrifys yn lyver Moyses.

Eksodus 28:1

Ena doro y'th ogas Aron dha vroder, ha'y vebyon ganso, yn-mes a vebyon Ysrael, dhe'm servya avel oferysi – Aron ha mebyon Aron, Nadab hag Abihu, Eleazar hag Ithamar.

Eksodus 28:41

Ha ty a wra aga gorra war Aron dha vroder, ha war y vebyon ganso, ha'ga untya ha'ga ordena ha'ga sakra, ma'm serfyons avel oferysi.

Eksodus 29:1

Lemmyn, hemm yw an pyth a wredh dh'aga sakra, ma'm serfyons avel oferysi. Kemmer tarow yowynk ha dew hordh dinamm

Eksodus 29:44

My a saker tylda an kuntelles ha'n alter; Aron ynwedh ha'y vebyon my a wra sakra, dhe'm servya avel oferysi.

Eksodus 29:9

ha'ga grogysa gans grogysyow ha kelmi bondow-penn warnedha; ha'n oferyaseth a vydh dhedha der ordenans heb worfenn. Yndellma ty a wra sakra Aron ha'y vebyon.

Eksodus 30:30

Ha ty a wra untya Aron ha'y vebyon, ha'ga sakra, ma'm serfyons avel oferysi.

Niverow 18:7

Ha ty ha'th vebyon genes a wra attendya agas oferyaseth rag pup-tra ow tochya an alter hag a-ji dhe'n groglenn; ha hwi a wra servya. My a re agas oferyaseth yn ro; ha'n estren a dheu ogas a vydh gorrys dhe'n mernans.

Luk 1:5

Yth esa yn dydhyow Herod myghtern Yudi, oferyas, Zakaria y hanow, a asrann Abia, hag y feu dhodho gwreg, onan a vyrghes Aron, ha'y hanow Elisabeth.

Luk 1:7

Nyns esa dhedha flogh, rag bos Elisabeth anvap, ha'n dhew anedha o gyllys pell yn aga dydhyow.