Luk 1:76 - An Bibel Kernewek 20234 (Kernewek Kemmyn)

⁷⁶ Ha ty, flogh, a vydh gelwys profoes an Ughella, rag ty a gerdh a-rag fas an Arloedh, dhe bareusi y fordhow,

Luk 1:76 Iomraidhean Croise

Salmow 87:5

Hag a-dro dhe Sion y fydh leverys, ‘Hemma ha hemma a veu genys ynni’; ha'n Ughella y honan a wra hy fastya.

Malaki 3:1

Otta, my a dhannvon ow hannas, hag ev a wra pareusi an fordh a-ragov! Ha'n Arloedh a hwilowgh a dheu a-dhesempis dh'y dempel; ha kannas an kevambos, a hwensowgh, otta, ev a wra dos, yn-medh Arloedh an luyow.

Malaki 4:5

Awotta my a dhannvon dhywgh Elias an profoes kyns dos dydh an Arloedh, meur hag euthyk.

Matthew 14:5

Ha pan vynnas y ladha, ev a borthas own a'n routh, rag i dh'y synsi avel profoes.

Matthew 21:26

Ha mar leveryn, “A dus”, own a'gan beus a'n routh, rag pubonan a syns Yowann dhe vos profoes.’

Matthew 3:11

My a'gas besydh gans dowr dhe edrega, mes ev neb a dheu war ow lergh yw moy galloesek agesov vy ha'y eskisyow nyns o'ma gwiw dh'aga doen. Ev a'gas besydh gans an Spyrys Sans ha tan.

Matthew 3:3

Rag an den ma yw neb a veu menegys der Ysay an profoes, ow leverel, ‘Lev onan ow kria y'n gwylvos: Pareusewgh fordh an Arloedh, gwrewgh kompes y hynsyow ev.’

Mark 11:32

Mes mar kwren ni leverel, “A dus”, pandra ytho?’ Own a's teva a'n routh; rag pub den a synsi Yowann dhe vos profoes yn tevri.

Luk 1:32

Meur vydh ev, hag ev a vydh gelwys Mab an Ughella; ha'n Arloedh Duw a re dhodho tron y das Davydh,

Luk 1:35

Ha'n el a worthybis dhedhi, ‘An Spyrys Sans a dheu warnas, ha nerth an Ughella a'th worskeus; rakhenna an flogh a vydh genys a vydh gelwys Mab Duw.

Luk 6:35

Mes hwi kerewgh agas eskerens ha gul da ha ri kendon heb gwaytyas attal vytholl, ha meur vydh agas gober, ha hwi a vydh mebyon an Ughella; rag kuv yw ev orth an re nag yw grasek ha'n re dhrog.

Yowann 1:23

Yn-medh ev, ‘My yw lev onan ow kria y'n gwylvos, “Gwra hyns an Arloedh kompes”, dell leveris Ysay an profoes.’

Yowann 1:27

ev yw neb a dheu war ow lergh, ma nag ov vy gwiw dhe dhigelmi kroen y eskis.’

Yowann 3:28

Hwi agas honan a dheg dustuni ahanav, my dhe leverel nag ov vy an Krist, mes dannvenys ov a-dheragdho.

Oberow 16:17

Hag owth holya Powl ha ni, hi a grias, ow leverel, ‘An dus ma yw gwesyon Duw an ughella, neb a bregoth dhywgh fordh selwyans.’