Luk 1:58 - An Bibel Kernewek 20234 (Kernewek Kemmyn)

⁵⁸ Ha'y hentrevogyon ha'y neskerens a glewas an Arloedh dhe dhiskwedhes tregeredh veur dhedhi, hag i a lowenhi gensi.

Luk 1:58 Iomraidhean Croise

Jenesis 19:19

Awotta lemmyn, dha servont re gavas gras y'th wolok ha ty re gressyas dha dregeredh re wruss'ta genev ow sawya ow bewnans; ha ny allav fia dhe'n menydh, rag own a'n droktra dhe'm kemmeres ha my dhe verwel.

Jenesis 21:6

Hag yn-medh Sara, ‘Duw re wrug dhymm hwerthin, ha peub a'm klew a hwerth genev vy.’

Salmow 113:9

Ev a wra dhe'n wreg anvap synsi chi, ha bos mamm lowen a fleghes. Gormelewgh an Arloedh.

Lavarow Koth 23:25

Re bo dha das ha'th vamm lowen, ha re lowenhaho neb a'th omdhuk.

Luk 1:14

ha lowena ha heudhder a vydh dhis, ha lies huni a lowenha yn y enesigeth.

Luk 1:25

‘Yndella re'm dyghtyas an Arloedh y'n dydhyow may hwrug vri ahanav, dhe gemmeres dhe-ves ow mewl yn mysk tus.’

Luk 1:57

Ha'n termyn a veu kowlwrys rag Elisabeth dhe dhineythi, ha hi a dhineythis mab.

Luk 14:12

Ena yn-medh ev dhe'n den a wrussa y elwel, ‘Pan rylli li po soper, na wra gelwel dha gowetha na'th vreder na'th neskerens na'th kentrevogyon rych, rag own i dhe'th elwel arta, hag y fydh dhis attal.

Romanyon 12:15

Lowenhewgh gans an re a lowenha, oelewgh gans an re a oel;

1 Korinthianys 12:26

Mar kodhev unn esel, an eseli oll a wodhev ganso; mars yw enorys unn esel, an eseli oll a lowenha war-barth.