Luk 1:51 - An Bibel Kernewek 20234 (Kernewek Kemmyn)

⁵¹ Ev re dhiskwedhas nerth der y vregh, ev re skattras an re woethus yn preder aga holonn.

Luk 1:51 Iomraidhean Croise

Jenesis 11:8

Ytho an Arloedh a's skattras a-les alena war enep oll an nor, hag i a astelas drehevel an sita.

Jenesis 6:5

Ha'n Arloedh a welas bos droktra mab-den bras war an nor ha nag o pub mynnas a dybyansow y golonn marnas drog pub dydh oll.

Jenesis 8:21

Ha'n Arloedh a vlasas an sawer plegadow, ha'n Arloedh a leveris yn y golonn, ‘Ny wrav vy mollethi an dor namoy drefenn mab-den; rag drog yw bodh kolonn mab-den a-dhia y yowynkneth. Ny wrav namoy gweskel pub tra vew, dell wrug vy.

Salmow 118:15

Yma lev lowender ha selwyans yn tyldow an re wiryon; leuv dhyghow an Arloedh a wra taklow galloesek.

Salmow 33:10

An Arloedh a dhiswra kusul an kenedhlow; ev a dhiswra towlow an poblow.

Salmow 52:9

My a'th wormel bynitha, rag ty dhe wul hemma, ha fydhya a wrav y'th hanow, rag da yw, a-wel dhe'th syns.

Salmow 63:5

Ow enev a vydh kontentys kepar dell ve gans mer ha blonek, ha'm ganow a'th wormel gans diwweus heudhik,

Salmow 89:10

Ty re vrewis Rahab dhe eneworres; ty re skattras dha eskerens gans nerth dha vregh.

Salmow 89:13

Yma dhis bregh alloesek; nerthek yw dha leuv, hag ughel yw dha leuv dhyghow.

Salmow 98:1

Kenewgh dhe'n Arloedh kan nowydh, rag ev re wrug marthusyon. Y leuv dhyghow ha'y vregh sans re wrug budhogoleth ragdho.

Eksodus 18:11

Lemmyn my a woer bos an Arloedh brassa ages duwow oll, ow kul yndella erbynn seul a's dyghtyas yn howtyn.’

Ysay 40:10

Otta, an Arloedh Duw a dheu gans nerth ha'y vregh a rewl ragdho; otta, yma y wober ganso, ha'y werison a-ragdho.

Ysay 51:9

Difun, difun, omwisk yn nerth, A vregh an Arloedh. Difun kepar hag y'n dydhyow koth, henedhow an termyn pell, A ny veu ty hag a droghas Rahab yn temmigow, hag a wanas an dhragon?

Ysay 52:10

An Arloedh re dhislennis y vregh sans a-rag dewlagas an kenedhlow oll, hag oll pennow an norvys a wel selwyans agan Duw.

Ysay 63:12

neb a wrug dh'y vregh gloryus mos orth leuv dhyghow Moyses, ow folsa dowrow a-ragdha, dhe wul ragdho hanow a dhur vys vykken,

Yeremia 49:15

Rag otta, my a'th wra an lyha yn mysk an kenedhlow, ha dispresys gans densys.

Daniel 4:37

Lemmyn yth esov vy, Nebukadnessar, ow praysya, owth ughelhe hag owth enora Myghtern nev, rag gwiryon yw oll y weythresow hag ewn y hynsyow, hag y hwoer iselhe an re a gerdh yn goeth.

Romanyon 1:21

rag kynth aswonnens Duw ny'n gormolens na ny aswonnens grasow dhodho avel Duw, mes euver y teuthons ha bos yn aga thybyansow ha tewlhes veu aga holonn dalsogh.

2 Korinthianys 10:5

ha pub tra woethus hag a sett orth godhvos Duw, hag ow talghenna yn keth pub tybyans rag gul dhodho bos gostydh dhe Grist,

Dewteronomi 4:34

Po a assayas neb duw dhe dhos ha kemmeres dhodho kenedhel dhiworth kenedhel arall dre brovow, der toknys, ha der anethow, ha dre vresel, dre leuv grev ha bregh ystynnys, der euth bras kepar ha pup-tra a wrug dhywgh an Arloedh agas Duw yn Ejyp a-wel dhis?

1 Peder 5:5

Y'n keth vaner, hwi, a dus yowynk, bedhewgh gostydh dhe'n henavogyon, ha pubonan gwiskewgh uvelder an eyl dh'y gila, rag ‘Duw a sett orth tus woethus, mes dhe dus uvel, y re ev gras.’

Diskwedhyans 18:8

Rakhenna, yn unn jydh y teu hy flaow, ankow, hag ahwer, ha divoetter, ha gans tan hi a vydh leskys, rag bos krev an Arloedh Duw neb a's breus.’