Luk 1:48 - An Bibel Kernewek 20234 (Kernewek Kemmyn)

⁴⁸ rag ev re viras war uvelder y vaghteth. Rag otta, alemma rag oll an henedhow a'm gelow gwynnvys;

Luk 1:48 Iomraidhean Croise

Jenesis 30:13

Yn-medh Lea, ‘Gwynn ow bys, rag benynes a'm gelow gwynnvys’; ytho hi a elwis y hanow Asher.

2 Samuel 7:8

Lemmyn lavar yndella dhe'm gwas Davydh: Yndellma y lever Arloedh an luyow: my a'th kemmeras dhiworth an beurva, dhiworth holya an deves, dhe vos rewler war ow fobel, war Ysrael;

Salmow 102:17

Ev a wra vri a bysadow an den noeth, ha ny dhispres aga fysadow.

Salmow 136:23

neb a borthas kov ahanan yn agan iselder, rag y dregeredh a dhur bys vykken;

Salmow 138:6

Rag ughel yw an Arloedh, hwath ev a wra vri a'n re isel, mes a bellder ev a aswonn an re woethus.

Salmow 72:17

Re dhurryo y hanow bys vykken; re bo y hanow fastys hedre vo an howl. Ena tus a omvennik dredho; an kenedhlow oll a'n gelow gwynnvys.

Ysay 66:2

Oll an taklow ma ow leuv a's gwrug, ha dhymmo vy yw oll an taklow ma, yn-medh an Arloedh. Hemm yw an den a wrav vri anodho, an den truan, trogh y spyrys, neb a gren orth ow ger.

Malaki 3:12

Ena oll an kenedhlow a wra agas gelwel gwynnvys, drefenn hwi dhe vos gwlas dhesiradow, yn-medh Arloedh an luyow.

Luk 1:28

Ha'n el a dheuth a-bervedh dhedhi ha leverel, ‘Hayl, leun a ras, an Arloedh genes. Bennigys os yn mysk benynes.’

Luk 1:42

ha hi a grias gans kri ughel, ‘Bennigys osta yn mysk benynes, ha bennigys yw frut dha vrys.

Luk 1:45

Ha gwynn hy bys neb a grysis y fedha kollenwys an taklow a veu leverys dhedhi dhiworth an Arloedh.’

Luk 1:49

rag ev neb yw galloesek re wrug oberow meur ragov, ha sans yw y hanow ev,

Luk 11:27

Y hwarva, hag ev ow leverel hemma, unn venyn y'n routh dhe dhrehevel hy lev ha leverel dhodho, ‘Gwynnvys an dorr a'th tug ha'n dhiwvronn a'th vagas!’

1 Samuel 1:11

Ha hi a ambosas ambos ha leverel, ‘A Arloedh an luyow, mar mirydh dhe wir war alar dha vaghteth, ha perthi kov ahanav, ha ny ankevydh dha vaghteth, mes ri dhe'th vaghteth mab, ena my a'n re dhe'n Arloedh oll dydhyow y vewnans, ha ny wra altenn vyth tochya y benn.’

1 Samuel 2:8

Ev a dhrehav an den gwann yn-mes a'n doust; ev a dhrehav an boghosek yn-mes a'n lusuek, dh'aga settya gans pennsevigyon, ha gul dhedha erita tron a enor. Rag yma selyow an norvys dhe'n Arloedh, hag ev re settyas an norvys warnedha.