Luk 1:32 - An Bibel Kernewek 20234 (Kernewek Kemmyn)

³² Meur vydh ev, hag ev a vydh gelwys Mab an Ughella; ha'n Arloedh Duw a re dhodho tron y das Davydh,

Luk 1:32 Iomraidhean Croise

2 Samuel 7:16

Dha ji ha'th vyghterneth a vydh fastys bys vykken a-dheragov; dha dron a vydh fastys bys vykken.

Salmow 132:11

An Arloedh re dos ti yn gwiryonedh dhe Davydh; ny wra ev treylya dhiworto: ‘Onan a'n frut a'th korf a worrav war dha se.

Salmow 132:12

Mar kwra dha fleghes synsi ow hevambos, ha'm dustuniow a dhyskav dhedha, aga fleghes ynwedh bynitha a vydh esedhys war dha dron.’

Ysay 16:5

Ena tron a vydh fastys yn tregeredh, ha warnedhi yth esedh yn gwirder yn tylda Davydh, nebonan a vreus hag a hwila gwirvreus, hag a fisten dhe wul ewnder.

Yeremia 17:25

ena yth enter dhe yetow an sita ma myghternedh ha pennsevigyon esedhys war dron Davydh, ow marghogeth yn charettow ha war vergh, i ha'ga fennsevigyon, gwer Yuda, hag annedhysi Yerusalem; ha'n sita ma a vydh annedhys bys vykken.

Yeremia 22:2

ha lavar, Klew ger an Arloedh, A vyghtern Yuda esedhys war dron Davydh, ty ha'th servysi ha dha bobel neb a enter a-ji dhe'n yetow ma:

Daniel 2:44

Hag yn dydhyow an vyghternedh ma, y hwra Duw an nevow drehevel gwlaskor na vydh nevra diswrys, ha ny vydh hy myghternsys gesys dhe gen bobel. Hi a wra terri dhe demmyn ha distrui oll an ruvanethow ma, ha pesya bys vykken.

Matthew 1:1

Lyver linyeth Yesu Krist mab Davydh mab Abraham.

Matthew 12:42

Myghternes an dhyghowbarth a sev y'n vreus gans an henedh ma ha'y dhampnya, rag hi a dheuth dhiworth pennow an bys dhe glewes furneth Solomon, hag ottomma neppyth yw moy ages Solomon.

Matthew 28:18

Ha Yesu a dheuth, ha kewsel dhedha, ow leverel, ‘Pub galloes yn nev ha war an nor re beu res dhymm.

Matthew 3:11

My a'gas besydh gans dowr dhe edrega, mes ev neb a dheu war ow lergh yw moy galloesek agesov vy ha'y eskisyow nyns o'ma gwiw dh'aga doen. Ev a'gas besydh gans an Spyrys Sans ha tan.

Mark 14:61

Mes ev a dewis, ha ny worthybis travyth. Arta an arghoferyas a wovynnas orto ha leverel dhodho, ‘Osta jy an Krist, Mab an Benniges?’

Mark 5:7

hag a armas gans lev ughel ha leverel, ‘Pandr'a vynnydh tejy genev vy, Yesu, ty Vab an Duw Ughella? My a'th konjor a-barth Duw, na wrylli ow thormentya.’

Luk 1:15

Rag ev a vydh meur a-dherag an Arloedh, ha gwin ha diwes ny wra ev dhe eva mann, ha lenwys vydh ev a'n Spyrys Sans, ha henna dhiworth brys y vamm,

Luk 1:35

Ha'n el a worthybis dhedhi, ‘An Spyrys Sans a dheu warnas, ha nerth an Ughella a'th worskeus; rakhenna an flogh a vydh genys a vydh gelwys Mab Duw.

Luk 1:76

Ha ty, flogh, a vydh gelwys profoes an Ughella, rag ty a gerdh a-rag fas an Arloedh, dhe bareusi y fordhow,

Luk 3:16

Yowann a worthybis, ow leverel dhedha i oll, ‘My dhe wir a'gas besydh gans dowr; mes nebonan yw kreffa agesov vy a dheu, ma nag ov vy gwiw dhe dhigelmi kroen y eskisyow. Ev a'gas besydh y'n Spyrys Sans ha tan.

Luk 6:35

Mes hwi kerewgh agas eskerens ha gul da ha ri kendon heb gwaytyas attal vytholl, ha meur vydh agas gober, ha hwi a vydh mebyon an Ughella; rag kuv yw ev orth an re nag yw grasek ha'n re dhrog.

Yowann 12:34

Ytho an routh a worthybis dhodho, ‘Ni re glewas y'n lagha, Krist dhe besya bynitha; ha fatell leverowgh y tal Mab an den dhe vos drehevys? Piw yw an “Mab an den” ma?’

Yowann 6:69

Ha ni a grys, hag a woer ty dhe vos an Sans a Dhuw.’

Oberow 16:17

Hag owth holya Powl ha ni, hi a grias, ow leverel, ‘An dus ma yw gwesyon Duw an ughella, neb a bregoth dhywgh fordh selwyans.’

Oberow 2:30

Rakhenna, ow pos profoes hag ow kodhvos y tos Duw dhodho y hwre ev settya frut y dhiwglun war y se,

Oberow 2:36

Rakhenna, godhvydhes oll chi Ysrael diogel, Duw re'n gwrug hag Arloedh ha Krist, an keth Yesu ma a growssowgh hwi.’

Oberow 7:48

Mes ny drig an Ughella yn annedhow gwrys gans diwla; dell lever an profoes,

Romanyon 1:4

hag a veu henwys Mab Duw yn nerth war-lergh Spyrys sansoleth dre dhasserghyans an re varow, Yesu Krist agan Arloedh;

Diskwedhyans 3:7

‘Ha dhe el an eglos yn Filadelfia skrif: An taklow ma a lever neb yw sans, neb yw gwir, neb a'n jeves alhwedh Davydh, neb a iger, ha denvyth ny dhege, ha degea ha denvyth ny iger: