Luk 1:15 - An Bibel Kernewek 20234 (Kernewek Kemmyn)

¹⁵ Rag ev a vydh meur a-dherag an Arloedh, ha gwin ha diwes ny wra ev dhe eva mann, ha lenwys vydh ev a'n Spyrys Sans, ha henna dhiworth brys y vamm,

Luk 1:15 Iomraidhean Croise

Jenesis 12:2

Ha my a vynn dha wul kenedhel vras, ha my a'th vennik ha gul dha hanow meur y vri, ha ty a vydh bennath:

Jenesis 48:19

Mes y das a naghas ha leverel, ‘My a woer, ow mab, my a woer. Ev ynwedh a dheu ha bos pobel, hag ev ynwedh a vydh bras; mes y vroder yowynka a vydh brassa agesso, ha'y has a vydh kenedhlow pals.’

1 Kroniklys 17:8

ha my re beu genes plepynag yth ythys, ha my re droghas dhe-ves oll dha eskerens a-dheragos; ha my a wra ragos hanow meur kepar ha hanow tus veur an norvys.

1 Kroniklys 29:12

Rychys ha glori a dheu dhiworthis, ha ty a rewl pup-tra, hag y'th leuv yma krevder ha nerth. Y'th leuv yma an galloes dhe veurhe ha dhe grevhe pup-tra.

Salmow 22:9

Mes ty yw neb a'm kemmeras mes a'n brys; ty a'm gwithas saw war dhiwvronn ow mamm.

Yeremia 1:5

‘Kyns my dhe'th formya y'n dorr my a'th aswonnis; ha kyns ty dhe dhos yn-mes a'n brys my a'th sakras, ha'th worra dhe vos profoes dhe'n kenedhlow.’

Yeremia 35:6

Mes i a worthybis, ‘Ny evyn gwin vytholl, rag agan tas Yonadab mab Rekab a worhemmynnis dhyn, “Nevra ny evowgh gwin, na hwi na'gas fleghes;

Levitikus 10:9

‘Na wrewgh hwi, naneyl ty na'th vebyon, eva gwin na korev pan entrowgh yn tylda an kuntelles, ma na verwowgh. Ordenans vydh bys vykken der agas henedhow,

Zekaria 9:15

hag Arloedh an luyow a vydh skoes warnedha. I a wra dybri, ha stankya yn-nans an veyn-dowlbrenn. I a wra eva ha garma kepar ha gans gwin, ha bos lenwys avel bolla-offrynn, avel kern an alter.

Luk 1:14

ha lowena ha heudhder a vydh dhis, ha lies huni a lowenha yn y enesigeth.

Luk 7:28

Rag my a lever dhywgh, yn mysk an re genys a venynes nyns eus nagonan brassa ages Yowann Besydhyer; mes neb yw lyha yn gwlaskor Duw yw brassa agesso ev.’

Luk 7:33

Rag Yowann Besydhyer a dheuth heb dybri bara nag eva gwin, ha hwi a lever, “Yma dyowl ganso.”

Yowann 5:35

Ev a veu lugarn ow leski hag ow splanna, ha hwi a vynnas bos pur lowen pols yn y wolow.

Oberow 2:4

hag i oll a veu lenwys a'n Spyrys Sans ha dalleth kewsel yn yethow erell, dell ros an Spyrys dhedha galloes dhe gewsel.

Galatianys 1:15

Byttegyns pan vynnas Duw, neb a'm dibarthas a-dhia vrys ow mamm ha'm gelwel der y ras,

Efesianys 5:18

Ha na vedhewgh medhow dre win, mayth eus fowt rewl, mes bedhewgh lenwys a'n Spyrys,

Yoshua 3:7

An Arloedh a leveris dhe Yoshua, ‘An jydh ma my a dhalleth dha veurhe yn dewlagas oll Ysrael, hag i a woer my dhe vos genes, par dell esen vy gans Moyses.

Yoshua 4:14

Y'n jydh na an Arloedh a veurhas Yoshua yn golok oll Ysrael; hag i a berthi own anodho dell berthens own a Moyses, oll dydhyow y vewnans.