Luk 1:13 - An Bibel Kernewek 20234 (Kernewek Kemmyn)

¹³ An el a leveris dhodho, ‘Na borth own, Zakaria, rag klewys re beu dha bysadow, ha'th wreg Elisabeth a dhineyth mab dhis, ha ty a'n henow Yowann;

Luk 1:13 Iomraidhean Croise

Jenesis 17:10

Hemm yw ow hevambos a wre'ta y witha, yntra my ha hwi ha'th has war dha lergh. Pub gorreydh ahanowgh a vydh trodreghys

Jenesis 17:19

Hag yn-medh Duw, ‘Sara dha wreg a dhineyth mab, ha ty a elow y hanow Ysak, ha my a fast ow hevambos ganso avel kevambos bys vykken rag y has war y lergh.

Jenesis 18:14

Eus travyth re gales rag an Arloedh? Y'n termyn apoyntys, my a dhehwel dhis, y'n vlydhen a dheu, hag y fydh dhe Sara mab.’

Jenesis 25:21

Hag Ysak a bysis war an Arloedh rag y wreg, rag anvap o hi, ha'n Arloedh a glewas y bysadow ha Rebeka y wreg a gonsevyas,

Salmow 113:9

Ev a wra dhe'n wreg anvap synsi chi, ha bos mamm lowen a fleghes. Gormelewgh an Arloedh.

Salmow 118:21

My a ras dhis, rag ty re worthybis dhymm ha ty re dheuth ha bos ow selwyans.

Ysay 8:3

My a dheuth nes dhe'n brofoeses, ha hi a omdhuk ha dineythi mab. Ena an Arloedh a leveris dhymm, Hanw e Maher-shalal-hash-baz;

Daniel 10:12

Hag y leveris dhymm, ‘Na borth own, Daniel, rag a-dhia'n kynsa dydh may hworrsys dha vrys dhe gonvedhes, hag omuvelhe a-rag dha Dhuw, re beu klewys dha eryow, ha devedhys ov drefenn dha eryow.

Hosea 1:4

An Arloedh a leveris dhodho, ‘Hanw e Yezreel, rag hwath pols byghan kessydhya a wrav chi Yehu drefenn ladhva Yezreel, ha gorra diwedh dhe vyghterneth chi Ysrael.

Hosea 1:6

Hi a omdhuk arta, ha dineythi myrgh. An Arloedh a leveris dhodho, ‘Hanw hi Lo-ruhama, rag ny gemmerav vy truedh a ji Ysrael byth moy, na ny wrav vy aga gava mann.

Matthew 1:21

Ha hi a dhineyth mab, ha ty a'n henow Yesu; rag ev a saw y bobel dhiworth aga feghosow.’

Matthew 14:27

Mes a-dhesempis Yesu a gewsis dhedha, ‘Gwellhewgh agas cher, my yw; na berthewgh own.’

Matthew 28:5

Mes an el a worthybis, ha leverel dhe'n benynes, ‘Na berthewgh own, rag my a woer hwi dhe hwilas Yesu neb a veu krowsys.

Mark 16:6

Mes ev a leveris dhedha, ‘Na berthewgh own; hwi a hwila Yesu a Nazareth neb a veu krowsys; drehevys yw, nyns usi omma; awotta'n tyller ma'n gorrsons.

Luk 1:14

ha lowena ha heudhder a vydh dhis, ha lies huni a lowenha yn y enesigeth.

Luk 1:30

Ha'n el a leveris dhedhi, ‘Na borth own, Maria, rag ty re gavas gras gans Duw.

Luk 2:21

Ha pan esa eth dydh kowlwrys rag y drodreghi, ev a veu henwys Yesu, an hanow res gans an el kyns ev dhe vos konsevys y'n brys.

Oberow 10:31

ha leverel, “Kornelius, dha bysadow re beu klewys ha'th alusenow re beu kovhes dherag Duw.

Breusysi 6:23

Mes an Arloedh a leveris dhodho, ‘Kres re bo dhis; na borth own, ny verwydh.’

1 Samuel 2:21

Ha'n Arloedh a visityas Hanna; hi a omdhuk ha dineythi tri mab ha diw vyrgh. Ha'n maw Samuel a devis yn lok an Arloedh.