Levitikus 9:23 - An Bibel Kernewek 20234 (Kernewek Kemmyn)

²³ Ha Moyses hag Aron eth a-berth yn tylda an kuntelles ha dos yn-mes ha benniga an bobel, ha glori an Arloedh a omdhiskwedhas dhe oll an bobel.

Levitikus 9:23 Iomraidhean Croise

2 Kroniklys 7:1

Pan worfennas Solomon y bysadow, tan a dhiyskynnas a nev hag a loskas an offrynn leskys ha'n sakrifisow; ha glori an Arloedh a lenwis an tempel.

Eksodus 16:10

Ha dell gewsi Aron dhe'n kuntelles oll a vebyon Ysrael, i a viras war-tu ha'n gwylvos, hag otta, golewder an Arloedh a omdhiskwedhas y'n gommolenn.

Eksodus 39:43

Ha Moyses a welas oll an ober, hag otta, i re'n gwrussa; dell worhemmynnsa an Arloedh, yndella i re'n gwrussa. Ha Moyses a's bennigas.

Levitikus 9:4

Hag ynwedh ojyon ha hordh rag offrynnow kres dhe sakrifia dherag an Arloedh, hag offrynn greun kemmyskys gans oyl, rag hedhyw an Arloedh a omdhiskwedh dhywgh.” ’

Levitikus 9:6

Hag yn-medh Moyses, ‘Hemm yw an pyth a erghis an Arloedh may hwrellewgh, ha glori an Arloedh a vydh owth omdhiskwedhes dhywgh.’

Niverow 14:10

Mes oll an kuntelles a vynnas aga labydha gans meyn. Ena golewder an Arloedh a omdhiskwedhas yn tylda an kuntelles a-rag mebyon Ysrael oll.

Niverow 16:19

Ena Koragh a guntellas oll an kuntelles er aga fynn dhe dharas tylda an kuntelles. Ha golewder an Arloedh a omdhiskwedhas dhe'n kuntelles oll.

Niverow 16:42

Ha pan veu kuntellys an kuntelles erbynn Moyses hag erbynn Aron, i a dreylyas war-tu ha tylda an kuntelles; hag otta, an gommolenn a'n kudhas, ha golewder an Arloedh a omdhiskwedhas.