Levitikus 8:30 - An Bibel Kernewek 20234 (Kernewek Kemmyn)

³⁰ Ha Moyses a gemmeras rann a oyl an untyans hag a'n goes esa war an alter ha'y skoellya war Aron ha war y dhillas, ha war y vebyon ha war dhillas y vebyon ganso; hag ev a sanshas Aron, ha'y dhillas, ha'y vebyon, ha dillas y vebyon ganso.

Levitikus 8:30 Iomraidhean Croise

Eksodus 28:2

Ha ty a wra gwiskasow sans a-barth Aron dha vroder, rag gordhyans ha rag tekter.

Eksodus 29:21

Ena ty a gemmer neppyth a'n goes usi war an alter, hag a oyl an untyans, ha'ga skoellya war Aron ha war y wiskasow, ha war y vebyon ha war wiskasow y vebyon ganso; hag ev ha'y wiskasow a vydh sans, ha'y vebyon ha gwiskasow y vebyon ganso.

Eksodus 30:30

Ha ty a wra untya Aron ha'y vebyon, ha'ga sakra, ma'm serfyons avel oferysi.

Ysay 61:1

Yma Spyrys an Arloedh Duw warnav, drefenn an Arloedh dhe'm untya dhe dhri nowodhow da dhe'n re uvel. Ev re'm dannvonas dhe lystenna an re trogh aga holonn, dhe dhisklerya livreson dhe gethyon, ha delivrans dhiworth tewlder rag prisnoryon;

Ysay 61:3

dhe brovia rag an re a gyn yn Sion ha dhe ri dhedha tulyfant teg yn le lusu, oyl lowena yn le kynvann, ha mantell gormola yn le spyrys digolonnek; may fons gelwys derow gwiryonedh, plansva an Arloedh, may fo y glori diskwedhys.

Levitikus 10:3

Ena yn-medh Moyses dhe Aron, ‘Hemm yw an pyth a gewsis an Arloedh anodho, ow leverel, “My a vydh sanshes der an re a dheu nes dhymm, ha my a vydh glorifiys dherag oll an bobel.” ’ Hag Aron a dewis.

Levitikus 7:35

Hemm yw rann Aron ha rann y vebyon a'n offrynnow dre dan a'n Arloedh, y'n jydh may fons profys dhe servya an Arloedh avel oferysi.

Levitikus 7:36

An Arloedh a erghis hemma dhe vos res dhedha gans mebyon Ysrael y'n jydh may hwrug aga untya, avel ordenans bys vykken dres aga henedhow.

Levitikus 8:12

Hag ev a dhinewis rann a oyl an untyans war benn Aron ha'y untya dh'y sanshe.

Niverow 3:3

an re ma yw henwyn mebyon Aron, an oferysi untys, a ordenas dhe servya avel oferysi.

Ebrowyon 2:11

Rag ev neb a sansha, ha'n re yw sanshes, yw oll a'n unn devedhyans. Henn yw prag na'n jeves meth dh'aga gelwel breder,

1 Peder 1:2

dewisys war-lergh ragwodhvos Duw an T as, yn sansheans an Spyrys, dhe wostytter ha skoellyans goes Yesu Krist: Gras ha kres re bo palshes dhywgh hwi.

1 Yowann 2:27

Mes an untyans re gevsowgh ganso a drig ynnowgh ha ny'gas beus edhomm a dhyskans gans denvyth: mes par dell wra an keth untyans ma agas dyski a-dro dhe bup-tra, ha'n untyans yw gwir, ha nyns yw gow, trigewgh ynno, dell re'gas dyskas.

Diskwedhyans 7:14

Ha my a leveris dhodho, ‘Ow arloedh, ty a woer.’ Hag yn-medh ev dhymm, ‘An re ma yw neb a dheuth yn-mes a anken meur, ha re wolghas aga fowsyow ha'ga gwynnhe yn goes an Oen.