Levitikus 8:13 - An Bibel Kernewek 20234 (Kernewek Kemmyn)

¹³ Ha Moyses a dhros mebyon Aron ha'ga gwiska yn powsyow, ha'ga grogysa gans grogys ha kelmi bondow-penn warnedha, dell erghis an Arloedh dhe Moyses.

Levitikus 8:13 Iomraidhean Croise

Salmow 132:9

Bedhes dha oferysi gwiskys yn ewnder, ha gwres dha syns garma yn lowen.

Eksodus 40:13

ha gorra war Aron an gwiskas sans, ha ty a wra y untya ha'y sakra, ma'm serfyo avel oferyas.

Eksodus 40:16

Yndella y hwrug Moyses, herwydh oll a worhemmynnis an Arloedh dhodho, yndella ev a wrug.

Ysay 61:10

My a lowenha yn feur y'n Arloedh, ow enev a vydh heudhik y'm Duw, drefenn ev dhe'm kwetha gans dillas a selwyans ha'm kudha yn goen ewnder, kepar dell wra gour pries a omwisk yn tulyfant oferyas, ha kepar dell wra benyn bries hy omafina gans hy gemmweyth.

Ysay 61:6

Hwi a vydh gelwys oferysi an Arloedh, ha hwi a vydh henwys menystrys agan Duw. Hwi a dheber rychys an kenedhlow, ha bostya yn aga glori.

Ezekiel 42:14

Pan dheu an oferysi a-ji, nyns ons yn-mes dhiworth an tyller sans bys y'n klos a-ves, mes ena i a sett aga dillas may fenystrons ynna, rag sans yns; i a wisk dillas arall kyns mos dhe dyller an bobel.’

Levitikus 10:5

Ytho, i a dheuth nes ha'ga doen, gwiskys yn aga fowsyow, yn-mes a'n kamp, dell leveris Moyses.

Levitikus 8:21

Hag ev a wolghas an pottys ha'n garrow yn dowr, ha Moyses a loskas an hordh dien war an alter avel offrynn leskys, sawer plegadow, offrynn dre dan dhe'n Arloedh, dell erghis an Arloedh dhe Moyses.

1 Peder 2:5

Ha hwi ynwedh, kepar ha meyn bew, omdhrehevewgh hwi dhe vos chi spyrysel, oferyaseth sans, dhe offrynna sakrifisow spyrysel kemmeradow dhe Dhuw dre Yesu Krist.

1 Peder 2:9

Mes hwi yw agh dhewisys, oferyaseth ryel, kenedhel sans, pobel arbennik dhodho, may hyllowgh deklarya an gwriansow marthys a neb a'gas gelwys yn-mes a dewlder a-bervedh yn y wolow marthys.

Diskwedhyans 1:6

ha'gan gul gwlaskor, oferysi dhe Dhuw y Das; dhodho ev re bo gordhyans ha galloes trank heb worfenn. Amen.

Diskwedhyans 5:10

ha ty a's gwrug gwlaskor hag oferysi dh'agan Duw, hag i a wra reynya war an norvys.’