Levitikus 7:34 - An Bibel Kernewek 20234 (Kernewek Kemmyn)

³⁴ Rag my re gemmeras bronn an offrynn gwevys ha mordhos an offrynn drehevys dhiworth mebyon Ysrael, dhiworth sakrifisow aga offrynnow kres ha'ga ri dhe Aron an oferyas ha'y vebyon der ordenans bys vykken dhiworth mebyon Ysrael.

Levitikus 7:34 Iomraidhean Croise

Eksodus 29:26

Ha ty a gemmer bronn an hordh a urdhyans Aron ha'y gwevya avel offrynn gwevys a-rag an Arloedh; hag y fydh dha rann.

Eksodus 29:9

ha'ga grogysa gans grogysyow ha kelmi bondow-penn warnedha; ha'n oferyaseth a vydh dhedha der ordenans heb worfenn. Yndellma ty a wra sakra Aron ha'y vebyon.

Levitikus 3:17

Y fydh ordenans bys vykken der agas henedhow, der oll agas trigvaow, ma na dhypprowgh naneyl blonek vytholl na goes vytholl.

Levitikus 7:33

Yn mysk mebyon Aron, neb a offrynn goes an offrynnow kres ha'n blonek a gemmer an vordhos dhyghow avel y rann.

Niverow 5:9

Pub offrynn, oll an rohow sans a vebyon Ysrael, hag a dhrons dhe'n oferyas, a vydh dhodho.

Niverow 6:20

Ha'n oferyas a wra aga gwevya rag offrynn gwevys a-rag an Arloedh; i yw rann sans dhe'n oferyas, war-barth gans an vronn a vydh gwevys ha'n vordhos a vydh drehevys; ha wosa henna an naziryas a yll eva gwin.

Niverow 8:11

Hag Aron a wra profya an Levysi a-rag an Arloedh, offrynn gwevys a-dhiworth mebyon Ysrael, may fons sakrys dhe wul servis an Arloedh.

Dewteronomi 18:3

Hemma a vydh dever dhe'n oferysi dhiworth an bobel, dhiworth an re a sakrifi sakrifis, kyn fo ojyon po oen: an riyas a re dhe'n oferyas an skoedh, an dhiwvogh, ha'n agenn.