Levitikus 7:18 - An Bibel Kernewek 20234 (Kernewek Kemmyn)

¹⁸ Ha mars eus neppyth a gig sakrifis y offrynnow kres dybrys an tressa dydh, ny vydh degemmerys na ny vydh reknys dhe neb a'n offrynn, ha ny vydh reknys dhodho; avel offrynn dhiworth neb a'n offrynn. Avlan vydh ha neb a'n deber a vydh kablus a'y gammweyth.

Levitikus 7:18 Iomraidhean Croise

Lavarow Koth 15:8

Sakrifis an debeles yw tra gasadow dhe'n Arloedh, mes pysadow an re ewnhynsek yw y dhelit.

Ysay 65:4

usi owth esedha yn mysk an bedhow, hag ow koelya dres nos yn tylleryow kevrin; usi ow tybri kig mogh, hag yma kowl avlan yn aga lestri.

Ysay 66:3

Ladher ojyon yw kepar ha ladher gour; neb a sakrifi davas yw avello ev neb a derr konna ki; neb a dhrehav offrynn greun yw avello ev neb a offrynn goes hogh; neb a offrynn rann kovadh a frankynkys yw avello ev neb a vennik idol. I re dhewisas aga fordhow, hag yn aga thaklow kasadow aga enev y'n jeves delit.

Yeremia 14:10

Yndellma y lever an Arloedh dh'y bobel: Yn hwir i re garas gwandra, ny fronnsons aga threys, yndella ny's degemmer an Arloedh; lemmyn ev a wra perthi kov a'ga drogoberow, ha kessydhya aga feghosow.

Yeremia 14:12

Pan wrons penys, ny glewav aga kri; ha pan offrons offrynn leskys hag offrynn greun, ny's degemmerav: mes my a's distru der an kledha, ha gans an divoetter, ha gans an pla.

Ezekiel 18:20

An enev a begh a verow; mab ny dheg anewnder an tas, ha tas ny dheg anewnder an mab; ewnder an den gwiryon a vydh warnodho, ha sherewynsi an tebelwas a vydh warnodho.

Hosea 8:13

I a sakrifi rohow dhymmo vy, i a dheber an kig; mes an Arloedh ny gemmer plesour ynna. Lemmyn ev a berth kov a'ga sherewneth, ha kessydhya aga feghosow: dhe Ejyp y tehwelons.

Levitikus 10:17

‘Prag na wrussowgh hwi dybri an offrynn pegh y'n tyller sans? rag yth yw an moyha sans, res dhywgh dhe berthi kammweyth an kuntelles ha gul dehwelyans ragdha dherag an Arloedh.

Levitikus 10:19

Yn-medh Aron dhe Moyses. ‘Otta, hedhyw i re offrynnas aga offrynn pegh ha'ga offrynn leskys dherag an Arloedh; mes taklow avel henna re hwarva dhymmo vy. Mar kwrellen dybri an offrynn pegh hedhyw, a via ev kemmeradow yn golok an Arloedh?’

Levitikus 11:41

Ha pub kreatur a hes war an dor yw pyth kasadow. Ny vydh dybrys.

Levitikus 17:16

Mes mar ny'n golgh na badhya y gig, ev a dheg y gammweyth.

Levitikus 19:5

Pan sakrifiowgh sakrifis offrynnow kres dhe'n Arloedh, hwi a'n offrynn may kyffowgh favour.

Levitikus 20:17

Mar kemmer gour y hwoer, myrgh y das, po myrgh y vamm, ha gweles hy noethedh, ha mar kwel hi y noethedh ev, meth yw, hag i a vydh treghys dhe-ves a wel mebyon aga fobel. Ev re dhiskudhas noethedh y hwoer. Ev a dheg y gammweyth.

Levitikus 20:19

Ha ny wre'ta diskudha noethedh hwoer dha vamm, na hwoer dha das, rag ev a dhiskudh y gares ogas. I a dheg aga hammweyth.

Levitikus 22:16

na'ga gasa dhe berthi kammweyth kammwrians pan dhebrons aga thaklow sans, rag an Arloedh ov vy, neb a wra aga sanshe.

Levitikus 22:23

Ty a yll offrynna ojyon po oen gans esel re hir po re vyghan rag offrynn bolonjedhek, mes ny vydh kemmeradow rag ambos.

Levitikus 22:25

Dhiworth dorn alyon ny wrewgh hwi offrynna boes dha Dhuw a'n keth bestes ma, rag bos fowtow ha nammow ynna. Ny vydhons kemmeradow ragowgh.

Levitikus 5:17

Ha mar pegh den ha gul neppyth erbynn onan a worhemmynnow an Arloedh na dal bos gwrys, kyn fo heb y wodhvos, kablus vydh, hag ev a dheg an blam a'y gammweyth.

Levitikus 7:19

Ny vydh dybrys kig re dochyas neppyth avlan. Leskys vydh dre dan. Mes an kig arall – pub den glan a yll dybri an kig na.

Amos 5:22

Ha kyn offrynnowgh dhymm agas offrynnow kowlleskys ha'gas offrynnow greun, ny vynnav aga degemmeres; hag offrynnow kres a'gas bestes peskys, ny wrav vy mires warnedha.

Malaki 1:10

Piw yn agas mysk a wra degea darasow an tempel, ma na enowowgh ow alter yn euver? Nyns ov vy pes da ahanowgh hwi, yn-medh Arloedh an luyow. Ny dhegemmerav offrynn a'gas diwleuv.

Malaki 1:13

Ha hwi a lever, ‘Awotta, ass yw skwithus!’ ha hwi a wra y dhispresya, yn-medh Arloedh an luyow. Pan dhrowgh hwi best ledrys, hag evredh, ha klav, ha'ga dri avel offrynn, a vynnav aga resseva a'gas diwleuv? yn-medh an Arloedh.

Niverow 18:27

Ha'gas offrynn drehevys a vydh reknys dhywgh kepar dell ve greun an leur-drushya, hag avel leunder an winwask.

Luk 16:15

Hag ev a leveris dhedha, ‘Hwi yw an re a justifi aga honan a-wel tus, mes Duw a aswonn agas kolonn; rag an dra eksaltys yn mysk tus yw pyth kasadow a-wel Duw.

Romanyon 4:11

Ev a'n jeva an tokyn a drodreghyans a-wosa, sel a'n ewnder a'n jevo seulabrys dre fydh hag ev hwath antrodreghys; may fo gwrys tas peub eus ow krysi kyn fo antrodreghys; may fo ewnder akontys dhedha i ynwedh.

Ebrowyon 9:28

yndellma Krist, wosa bos offrynnys unnweyth dhe berthi peghosow lies huni, a wra omdhiskwedhes rag nessa gweyth, na vydh rag dilea pegh, mes rag selwyans dhe'n re a wra y waytyas gans mall.

1 Peder 2:24

Ev y honan a borthas agan peghosow y'n prenn, may hwryllyn ni, marow dhe beghosow, bewa dhe ewnder. Gans y woliow sawys vewgh hwi.