Levitikus 7:12 - An Bibel Kernewek 20234 (Kernewek Kemmyn)

¹² Mara'n offrynn avel grasyans, ev a offrynn gans sakrifis an grasyans tesennow rond a vara heb goell kemmyskys gans oyl, ha tesennow tanow a vara heb goell urys gans oyl, ha tesennow rond a vleus fin kemmyskys gans oyl.

Levitikus 7:12 Iomraidhean Croise

2 Kroniklys 29:31

Ena Hezekia a leveris, ‘Lemmyn sakrys owgh dhe'n Arloedh; dewgh nes, ha drewgh sakrifisow hag offrynnow grasyans rag chi an Arloedh.’ An kuntelles a dhros sakrifisow hag offrynnow grasyans hag oll a's tevo kolonn volonjedhek a dhros offrynnow leskys.

2 Kroniklys 33:16

Ev a ewnhas alter an Arloedh hag a offrynnas warnedhi sakrifisow kres ha grasow; hag ev a worhemmynnis dhe Yuda servya an Arloedh, Duw Ysrael.

Nehemia 12:43

Ha'n jydh na i a offrynnas sakrifisow bras ha lowenhe. Rag Duw a wrug dhedha lowenhe gans lowena bras; ha'n benynes ha'n fleghes a lowenhas ynwedh. Ha heudhder Yerusalem a veu klewys y'n pellder.

Salmow 107:8

A krassens i dhe'n Arloedh y dregeredh, ha'y varthusyon rag mebyon den!

Salmow 116:17

My a offrynn dhis sakrifis a rasyans ha gelwel war hanow an Arloedh.

Salmow 50:23

Neb a offrynn an sakrifis a rasyans a wra ow gordhya; ha dhe neb a wra y fordh yn ewn my a dhiskwa selwyans Duw.’

Yeremia 33:11

lev lowender ha heudhder, lev an gour pries ha lev an venyn bries, lev an re a lever, hag i ow tri offrynnow grasyans yn chi an Arloedh: ‘Gormelewgh Arloedh an luyow, rag an Arloedh yw da, rag y dregeredh a dhur bys vykken.’ Rag my a dreyl kethneth an tir kepar hag y'n dalleth, yn-medh an Arloedh.

Hosea 14:2

Kemmerewgh genowgh hwi geryow, ha dehwelewgh dhe'n Arloedh. Leverewgh dhodho, ‘Gav pub kammhynseth, ha degemmer an pyth yw da, rag may attyllyn frut agan diwweus.

Levitikus 2:4

Ha mar tredh offrynn greun pebys y'n forn, y fydh ev tesennow rond a vara heb goell a vleus fin kemmyskys gans oyl, po tesennow tanow a vara heb goell urys gans oyl.

Levitikus 2:5

Ha mars yw dha offrynn pebys war ven-pobas, ev a vydh a vleus fin heb goell, kemmyskys gans oyl.

Levitikus 22:29

Ha pan offrynnowgh sakrifis grasyans dhe'n Arloedh, offrynnowgh ev yn fordh may fo kemmeradow.

Levitikus 6:16

Hag Aron ha'y vebyon a dheber an remenant avel bara heb goell yn tyller sans. Yn klos tylda an kuntelles y hwrons y dhybri.

Levitikus 7:15

Ha'n kig a'y sakrifis kres rag grasyans a vydh dybrys an keth jydh mayth yw offrynnys. Ny as ev travyth anodho bys y'n myttin.

Amos 4:5

offrynnewgh sakrifis a rasyans gans bara goell ha gelwewgh tus dhe offrynnow bolonjedhek, deklaryewgh i; rag hemm yw agas bodh, A vebyon Ysrael, yn-medh an Arloedh Duw.

Niverow 6:15

ha kanstell a vara heb goell, tesennow rond a vleus fin kemmyskys gans oyl, ha tesennow tanow heb goell urys gans oyl, ha'ga offrynn greun ha'ga offrynnow diwes.

Luk 17:16

hag ev a goedhas war y fas orth treys Yesu ha grassa dhodho. Samaritan o ev.

Luk 17:18

A ny veu kevys marnas an alyon ma ow tehweles dhe ri glori dhe Dhuw?’

Romanyon 1:21

rag kynth aswonnens Duw ny'n gormolens na ny aswonnens grasow dhodho avel Duw, mes euver y teuthons ha bos yn aga thybyansow ha tewlhes veu aga holonn dalsogh.

Efesianys 5:20

prest ow krassa pup-tra yn hanow agan Arloedh Yesu Krist dhe Dhuw an Tas.

Ebrowyon 13:15

Dredho ytho, offrynnyn heb lett sakrifis a wordhyans dhe Dhuw, henn yw frut diwweus a wormel y hanow.

1 Peder 2:5

Ha hwi ynwedh, kepar ha meyn bew, omdhrehevewgh hwi dhe vos chi spyrysel, oferyaseth sans, dhe offrynna sakrifisow spyrysel kemmeradow dhe Dhuw dre Yesu Krist.