Levitikus 6:17 - An Bibel Kernewek 20234 (Kernewek Kemmyn)

¹⁷ Ny vydh pebys gans goell. My re'n ros dhedha avel aga rann a'm offrynnow dre dan. An moyha sans yw, kepar ha'n offrynn pegh ha'n offrynn kammweyth.

Levitikus 6:17 Iomraidhean Croise

Eksodus 29:37

Seyth dydh ty a wra prenedh rag an alter, ha'y sakra, ha'n alter a vydh an moyha sans; pynag a docchyo an alter a dheu ha bos sans.

Eksodus 40:10

Ynwedh ty a wra untya alter an offrynnow leskys ha'y daffar oll, ha sakra an alter; ha'n alter a vydh an moyha sans.

Levitikus 10:16

Ena Moyses a hwilas a-dro dhe vogh an offrynn pegh, hag otta, leskys veu, ha serrys veu gans Eleazar hag Ithamar, mebyon Aron o gesys, ow leverel,

Levitikus 2:11

Ny vydh offrynn vyth a wre'ta dri dhe'n Arloedh gwrys gans goell; rag ny wrewgh leski goell na mel vyth yn offrynn dre dan dhe'n Arloedh.

Levitikus 2:3

Ha remenant an offrynn a vydh dhe Aron ha'y vebyon, tra an moyha sans a'n offrynnow dre dan dhe'n Arloedh.

Levitikus 6:25

Kows orth Aron ha'y vebyon ow leverel: Hemm yw lagha an offrynn pegh. Y'n tyller mayth yw ledhys an offrynn leskys, y fydh an offrynn pegh ledhys dherag an Arloedh. An moyha sans yw.

Levitikus 6:26

An oferyas neb a'n offrynn rag pegh, a'n deber. Y fydh dybrys yn tyller sans, yn klos tylda an kuntelles.

Levitikus 6:29

Pub gorreydh yn mysk an oferysi a'n deber. An moyha sans yw.

Levitikus 7:1

Hemm yw lagha an offrynn kammweyth. An moyha sans yw.

Levitikus 7:6

Pub gorreydh yn mysk an oferysi a dheber anodho. Y fydh dybrys yn tyller sans. An moyha sans yw.

Levitikus 7:7

Kepar dell yw an offrynn pegh, yndella yth yw an offrynn kammweyth. Yma an keth lagha ragdha aga dew. An oferyas a wra dehwelyans dredha a's pew.

1 Peder 2:22

‘Ny wrug peghadow, ha ny veu toell kevys war y anow.’