Levitikus 5:7 - An Bibel Kernewek 20234 (Kernewek Kemmyn)

⁷ Ha mar nyns eus yn y leuv pygans lowr rag oen, ev a dhre, avel offrynn kammweyth rag an pegh a wrug, diw durenn po diw golomm yowynk dhe'n Arloedh, onan rag offrynn pegh ha'y ben rag offrynn leskys.

Levitikus 5:7 Iomraidhean Croise

Levitikus 12:6

Ha pan vo kowlwrys dydhyow hy glanheans rag mab po rag myrgh, hi a dhre oen unn bloedh rag offrynn leskys, ha kolomm yowynk po turenn rag offrynn pegh bys yn daras tylda an kuntelles, dhe'n oferyas.

Levitikus 12:8

Ha mar nyns eus yn hy leuv pygans lowr rag oen, hi a dhre diw durenn po diw golomm yowynk, an eyl rag offrynn leskys ha'y ben rag offrynn pegh, ha'n oferyas a wra dehwelyans rygdhi, ha hi a vydh glan.

Levitikus 14:30

Hag ev a offrynn onan a'n turennow po a'n kelemmi yowynk, par dell eus yn y leuv pygans lowr dh'aga havoes,

Levitikus 14:31

an eyl rag offrynn pegh ha'y ben rag offrynn leskys, gans an offrynn greun, ha'n oferyas a wra dehwelyans rag neb a dal bos glanhes dherag an Arloedh.

Levitikus 15:30

Ha'n oferyas a offrynn an eyl rag offrynn pegh ha'y ben rag offrynn leskys, ha'n oferyas a wra dehwelyans rygdhi dherag an Arloedh, rag dyllans hy avlander.

Levitikus 16:5

Hag ev a gemmer dew vogh dhiworth kuntelles mebyon Ysrael rag offrynn pegh hag unn hordh rag offrynn leskys.

Levitikus 27:8

Ha mars yw re voghosek dhe ri dha reknans, gwra y settya a-rag an oferyas, ha'n oferyas a'n reken war-lergh pygans neb a wrug an ambos.

Levitikus 5:11

Mes mar nyns eus yn y leuv pygans lowr rag diw durenn po diw golomm yowynk, ev a dhre y offrynn rag an pegh a wrug, unn degves rann a efa a vleus fin rag offrynn pegh. Ny worr oyl warnodho, ha ny worr frankynkys warnodho, rag offrynn pegh yw.

Levitikus 7:1

Hemm yw lagha an offrynn kammweyth. An moyha sans yw.

Levitikus 9:3

Ha ty a gews orth mebyon Ysrael, ow leverel, “Kemmer bogh rag offrynn pegh, ha leugh hag oen, unn bloedh aga oes ha heb namm, rag offrynn leskys.

Niverow 5:6

‘Lavar dhe vebyon Ysrael, Pan wra gour po benyn pegh pynag yw usys dhe vos gwrys gans tus, ha bos dislel dhe'n Arloedh, ha'n den na yw kablus,

Niverow 6:10

Y'n ethves dydh ev a dhre diw durenn po diw golomm yowynk dhe'n oferyas dhe dharas tylda an kuntelles,

Niverow 6:11

ha'n oferyas a wra profya an eyl rag offrynn pegh ha'y ben rag offrynn leskys, ha gul prenedh ragdho, rag ev a beghas dre reson an korf marow. Hag ev a wra sakra y benn an keth jydh na,

Matthew 10:16

‘Awotta, my a'gas dannvon yn-mes avel deves yn mysk bleydhi; rakhenna bedhewgh fur avel serf ha gwiryon avel kelemmi.

Matthew 21:12

Ha Yesu a entras y'n tempel hag a dewlis yn-mes oll an re esa ow kwertha hag ow prena y'n tempel hag ev a dhomhwelis moesow an arghansoryon hag esedhow an re esa ow kwertha kelemmi,

Matthew 3:16

Ha Yesu pan o besydhys a sevis yn-bann yn-mes a'n dowr dihwans; hag otta, an nevow a veu igerys dhodho, hag ev a welas Spyrys Duw ow tiyskynna avel kolomm hag ow tos warnodho;

Luk 2:24

ha dhe offrynna sakrifis war-lergh an pyth yw leverys yn lagha an Arloedh, ‘Kopel a durennow po diw golommenn yowynk.’

2 Korinthianys 8:12

Rag mars usi an frethter ena seulabrys, kemmeradow yw herwydh pygans den, a-der herwydh an pyth nag eus ganso.