Levitikus 5:16 - An Bibel Kernewek 20234 (Kernewek Kemmyn)

¹⁶ Hag ev a wra amendya an kamm re wrug dhe'n taklow sans ha keworra pympes rann dhodho ha'y ri dhe'n oferyas; ha'n oferyas a wra dehwelyans ragdho gans hordh an offrynn kammweyth, hag y fydh gevys dhodho.

Levitikus 5:16 Iomraidhean Croise

Salmow 69:4

Moy es blewennow ow fenn yw an re a'm kas heb ken; lies yw an re a vynn ow distrui, ow fals eskerens. An pyth na wrug vy y ladra, a wrav vy y daskorr?

Eksodus 22:1

Gour mar lader ojyon po davas, ha'y ladha po y wertha, ev a wra tyli pymp ojyon rag ojyon ha peder davas rag davas.

Levitikus 22:14

Ha den mar teber tra sans heb y wodhvos, ev a geworr an pympes rann a'y dalvosogeth dhodho, ha ri an dra sans dhe'n oferyas.

Levitikus 27:13

Mes mar mynn ev y dhasprena, ev a geworr pympes rann moy dhe'n reknans.

Levitikus 27:15

Ha mar mynn neb a'n sakras dasprena y ji, ev a geworr dhodho pympes rann moy a'n mona war-lergh dha reknans, hag ev a'n pew arta.

Levitikus 27:27

Ha mars yw best avlan, ev a'n daspren war-lergh dha reknans, hag ev a geworr pympes rann moy dhodho; po, mar nyns yw dasprenys, y fydh gwerthys war-lergh dha reknans.

Levitikus 27:31

Gour mar mynn dasprena rann y dega, ev a geworr dhodho unn pympes rann moy.

Levitikus 4:20

Hag ev a wra gans an lodhen kepar dell wrug gans an lodhen rag an offrynn pegh; yndella y hwra ev gans hemma. Ha'n oferyas a wra dehwelyans ragdha, ha gevys vydh dhedha.

Levitikus 4:26

Hag ev a lesk oll y vlonek war an alter kepar ha blonek sakrifis an offrynnow kres, ha'n oferyas a wra dehwelyans ragdho rag y begh, ha gevys vydh dhodho.

Levitikus 5:10

Hag ev a brof an nessa rag offrynn leskys herwydh an rewlys, ha'n oferyas a wra dehwelyans ragdho rag y begh re beghas, hag y fydh gevys dhodho.

Levitikus 5:13

Ha'n oferyas a wra dehwelyans ragdho rag y begh a beghas yn onan a'n taklow ma, ha gevys vydh dhodho. Ha'n remenant a vydh rag an oferyas, kepar ha'n offrynn greun.

Levitikus 5:6

Hag ev a dhre y offrynn kammweyth dhe'n Arloedh rag an pegh re wrug, davas venow a'n flokk, oen po mynn a'n gever rag offrynn pegh ha'n oferyas a wra dehwelyans ragdho rag y begh.

Levitikus 7:2

Y'n tyller may ladhons an offrynn leskys y ladhons an offrynn kammweyth; hag ev a skoell an goes a-dro war an alter.

Niverow 5:7

ev a avow y begh hag a wrug; hag ev a wra leun dhaskorrans a'y gammweyth, ow keworra pympes rann dhodho, orth y ri dhe neb a wrug an kammweyth.

Niverow 5:8

Mes mar ny'n jeves an gour neskar may fo gwrys dhodho daskorrans rag an kammweyth, an daskorrans rag an kammweyth a wra mos dhe'n Arloedh rag an oferyas, war-barth gans hordh an prenedh, ganso may fo gwrys prenedh ragdho.

Luk 19:8

Mes Zakkeus a sevis ha leverel dhe'n Arloedh, ‘Otta, hanter ow fythow, Arloedh, my a re dhe'n voghosogyon, ha mar kwrugavy kemmeres neppyth a nebonan dre frows, my a'n daskorr pedergweyth.’

Oberow 26:20

mes my a dherivas yn kynsa dhe'n re na yn Damaskus hag ena yn Yerusalem ha dres oll an pow a Yudi, y koedh dhedha kemmeres edrek ha treylya dhe Dhuw, ow kul oberow dhe edrek.

1 Samuel 6:3

Hag i a leveris, ‘Mar tannvenowgh dhe-ves argh Duw Ysrael, na's dannvenewgh gwag, mes res yw dhywgh dannvon dhodho offrynn kammweyth ynwedh. Ena hwi a vydh sawys hag y fydh godhvedhys dhywgh prag nag yw y dhorn treylys a-dhiworthowgh.’