Levitikus 5:15 - An Bibel Kernewek 20234 (Kernewek Kemmyn)

¹⁵ Mar kwra nebonan neppyth dislel ha pegha heb y wodhvos yn taklow sans an Arloedh, ev a dhre y offrynn kammweyth dhe'n Arloedh, hordh heb namm a'n flokk, talvesys genes a dhew shekel arghans, war-lergh shekel an sentri, avel offrynn kammweyth.

Levitikus 5:15 Iomraidhean Croise

2 Myghternedh 12:16

Ny veu an arghans dhiworth an offrynnow kammweyth ha'n offrynnow pegh dres a-berth y'n chi an Arloedh; an oferysi a's pewas.

Ezra 10:19

I a ros aga leuv dhe worra a-denewen aga gwragedh; ha rag aga hammweyth i a offrynnas hordh a'n deves avel offrynn kammweyth.

Eksodus 30:13

Peub a dremen dhe'n re reknys seulabrys a re hanter shekel, war-lergh shekel an sentri (an shekel yw ugens gera), hanter shekel profys dhe'n Arloedh.

Ezekiel 40:39

Yn portal an yet yth esa diw voes, onan yn pub tenewen, mayth esa ledhys an offrynnow leskys, an offrynnow pegh, ha'n offrynnow kammweyth.

Levitikus 1:10

Ha mars yw y offrynn a'n flokk, deves po gever, rag sakrifis leskys, ev a dhre best gorow heb namm.

Levitikus 1:3

Mars yw y offrynn offrynn leskys a'n gwarthek, offrynnes ev best gorow heb namm: gwres ev y offrynna orth daras tylda an kuntelles, may kaffo favour dherag an Arloedh.

Levitikus 14:12

Ha'n oferyas a gemmer onan a'n eyn gorow ha'y offrynna rag offrynn kammweyth, ha'n log a oyl, ha'ga gwevya rag offrynn gwevys dherag an Arloedh.

Levitikus 27:3

dha reknans rag gorreydh a ugens bloedh bys yn tri-ugens bloedh y oes a vydh hanter-kans shekel arghans, war-lergh shekel an sentri.

Levitikus 4:2

Kows orth mebyon Ysrael ow leverel: Mar pegh neb den heb y wodhvos erbynn onan a worhemmynnow an Arloedh, ow kul neppyth na dal bos gwrys,

Levitikus 5:14

Ha'n Arloedh a gewsis orth Moyses, ow leverel:

Levitikus 5:16

Hag ev a wra amendya an kamm re wrug dhe'n taklow sans ha keworra pympes rann dhodho ha'y ri dhe'n oferyas; ha'n oferyas a wra dehwelyans ragdho gans hordh an offrynn kammweyth, hag y fydh gevys dhodho.

Levitikus 5:18

Hag ev a dhre dhe'n oferyas hordh heb namm a'n flokk, talvesys genes a bris an offrynn kammweyth; ha'n oferyas a wra dehwelyans ragdho rag an pegh gwrys ganso heb y wodhvos, hag y fydh gevys dhodho.

Levitikus 6:6

Hag ev a dhre y offrynn kammweyth dhe'n Arloedh, hordh heb namm a'n flokk, talvesys genes, rag offrynn kammweyth, dhe'n oferyas.

Levitikus 7:1

Hemm yw lagha an offrynn kammweyth. An moyha sans yw.

Levitikus 7:6

Pub gorreydh yn mysk an oferysi a dheber anodho. Y fydh dybrys yn tyller sans. An moyha sans yw.

Niverow 15:24

ena mar peu gwrys heb y wodhvos ha heb godhvos an kuntelles, an kuntelles oll a wra offrynna unn tarow yowynk rag offrynn leskys, sawer plegadow dhe'n Arloedh, gans y offrynn greun ha'y offrynn diwes, war-lergh an devosow usadow, hag unn bogh rag offrynn pegh.

Niverow 5:5

An Arloedh a leveris dhe Moyses,

Niverow 5:8

Mes mar ny'n jeves an gour neskar may fo gwrys dhodho daskorrans rag an kammweyth, an daskorrans rag an kammweyth a wra mos dhe'n Arloedh rag an oferyas, war-barth gans hordh an prenedh, ganso may fo gwrys prenedh ragdho.

Dewteronomi 12:26

Byttegyns dha daklow sans a'th eus, ha'th ambosow, ty a's kemmer ha dos dhe'n tyller a wra an Arloedh y dhewis.

1 Samuel 6:3

Hag i a leveris, ‘Mar tannvenowgh dhe-ves argh Duw Ysrael, na's dannvenewgh gwag, mes res yw dhywgh dannvon dhodho offrynn kammweyth ynwedh. Ena hwi a vydh sawys hag y fydh godhvedhys dhywgh prag nag yw y dhorn treylys a-dhiworthowgh.’