Levitikus 5:13 - An Bibel Kernewek 20234 (Kernewek Kemmyn)

¹³ Ha'n oferyas a wra dehwelyans ragdho rag y begh a beghas yn onan a'n taklow ma, ha gevys vydh dhodho. Ha'n remenant a vydh rag an oferyas, kepar ha'n offrynn greun.

Levitikus 5:13 Iomraidhean Croise

Hosea 4:8

I a dheber pegh ow fobel, ha hwansek yns dh'aga hammhynseth.

Levitikus 2:10

Ha remenant an offrynn a vydh dhe Aron ha'y vebyon: tra an moyha sans a'n offrynnow gwrys dre dan dhe'n Arloedh.

Levitikus 2:3

Ha remenant an offrynn a vydh dhe Aron ha'y vebyon, tra an moyha sans a'n offrynnow dre dan dhe'n Arloedh.

Levitikus 4:20

Hag ev a wra gans an lodhen kepar dell wrug gans an lodhen rag an offrynn pegh; yndella y hwra ev gans hemma. Ha'n oferyas a wra dehwelyans ragdha, ha gevys vydh dhedha.

Levitikus 4:26

Hag ev a lesk oll y vlonek war an alter kepar ha blonek sakrifis an offrynnow kres, ha'n oferyas a wra dehwelyans ragdho rag y begh, ha gevys vydh dhodho.

Levitikus 4:31

Hag ev a gemmer dhe-ves oll y vlonek, dell yw an blonek kemmerys dhe-ves dhiworth sakrifis an offrynnow kres, ha'n oferyas a'n lesk war an alter, sawer plegadow dhe'n Arloedh, ha'n oferyas a wra dehwelyans ragdho, ha gevys vydh dhodho.

Levitikus 5:10

Hag ev a brof an nessa rag offrynn leskys herwydh an rewlys, ha'n oferyas a wra dehwelyans ragdho rag y begh re beghas, hag y fydh gevys dhodho.

Levitikus 5:12

Ena, ev a'n dre dhe'n oferyas, ha'n oferyas a gemmer y dhornas anodho avel rann govadh, ha'y leski war an alter, war an offrynnow dre dan dhe'n Arloedh. Offrynn pegh yw.

Levitikus 5:14

Ha'n Arloedh a gewsis orth Moyses, ow leverel:

Levitikus 5:16

Hag ev a wra amendya an kamm re wrug dhe'n taklow sans ha keworra pympes rann dhodho ha'y ri dhe'n oferyas; ha'n oferyas a wra dehwelyans ragdho gans hordh an offrynn kammweyth, hag y fydh gevys dhodho.

Levitikus 5:4

Po mar te nebonan, ow kewsel yn tibreder gans y dhiwweus, ev dhe wul drog po da, pypynag a lavarro den yn tibreder, hag a vo kelys dhiworto, pan wodhvo a-dro dhodho kablus vydh yn y gever.

Levitikus 5:5

Pan vo kablus yn neb onan a'n taklow ma, ev a gonfess an dra may peghas.

Levitikus 5:6

Hag ev a dhre y offrynn kammweyth dhe'n Arloedh rag an pegh re wrug, davas venow a'n flokk, oen po mynn a'n gever rag offrynn pegh ha'n oferyas a wra dehwelyans ragdho rag y begh.

Levitikus 7:6

Pub gorreydh yn mysk an oferysi a dheber anodho. Y fydh dybrys yn tyller sans. An moyha sans yw.

1 Korinthianys 9:13

A ny wodhowgh hwi an re arvethys y'n tempel dhe gavoes aga boes dhiworth an tempel, ha'n re ow servya orth an alter dhe gevrenna an pyth re beu offrynnys?

1 Samuel 2:28

My a'n dewisas mes a oll loethow Ysrael dhe vos ow oferyas, dhe vones yn-bann dhe'm alter, dhe leski ynkys, dhe wiska efod a-dheragov; ha my a ros dhe ji dha das oll an offrynnow gwrys gans tan gans tus Ysrael.