Levitikus 4:6 - An Bibel Kernewek 20234 (Kernewek Kemmyn)

⁶ Ha'n oferyas a drogh y vys y'n goes ha skoellya rann a'n goes seythgweyth dherag an Arloedh, a-rag vayl an sentri.

Levitikus 4:6 Iomraidhean Croise

Eksodus 40:21

hag ev a dhros an argh a-ji dhe'n tabernakel, ha settya vayl an groglenn, ha kudha argh an dustuni, dell worhemmynnsa an Arloedh dhe Moyses.

Eksodus 40:26

Hag ev a worras an alter owrek yn tylda an kuntelles a-rag an vayl,

Levitikus 14:16

ha'n oferyas a drogh y vys dyghow y'n oyl usi yn y balv gledh ha skoellya rann a'n oyl gans y vys seythgweyth dherag an Arloedh.

Levitikus 14:18

Ha'n oferyas a worr remenant an oyl usi yn y balv war benn neb a dal bos glanhes; ha'n oferyas a wra dehwelyans ragdho dherag an Arloedh.

Levitikus 14:27

ha'n oferyas a skoell rann a'n oyl usi yn y palv gledh gans bys y leuv dhyghow seythgweyth dherag an Arloedh;

Levitikus 14:7

Hag ev a'n skoell seythgweyth war neb a dal bos glanhes ha desta y vos glan, ha delivra an edhen vew dhe wari y'n gwel igor.

Levitikus 16:14

Hag ev a gemmer rann goes an lodhen ha'y skoellya gans y vys war an dregeredhva troha'n howldrevel, hag ev a skoell rann an goes gans y vys dherag an dregeredhva seythgweyth.

Levitikus 16:19

Hag ev a skoell rann an goes warnodho seythgweyth gans y vys, ha'y lanhe ha'y sanshe dhiworth avlander mebyon Ysrael.

Levitikus 25:8

Ha ty a reken ragos seyth sabot a vlydhynyow, seythgweyth seyth blydhen; ha termyn seyth sabot a vlydhynyow a vydh ragos naw blydhen ha dew-ugens.

Levitikus 26:18

Ha mar ny vynnowgh koela orthiv yn spit dhe hemma, my a vynn agas kessydhya seythgweyth moy rag agas peghosow.

Levitikus 26:24

ena my ynwedh a gerdh kontrari dhywgh hwi, ha'gas kessydhya seythgweyth rag agas peghosow,

Levitikus 26:28

ena my ynwedh a gerdh kontrari dhywgh hwi, ha my ynwedh a wra agas kessydhya seythgweyth rag agas peghosow.

Levitikus 4:17

ha'n oferyas a drogh y vys y'n goes ha'y skoellya seythgweyth dherag an Arloedh dherag an vayl.

Levitikus 4:25

Ha'n oferyas a gemmer rann a woes an offrynn pegh gans y vys ha'y worra war gern alter an offrynn leskys ha dinewi y woes war woeles alter an offrynn leskys.

Levitikus 4:30

Ha'n oferyas a gemmer rann a'y woes gans y vys ha'y worra war gern alter an offrynn leskys, ha dinewi oll an goes war woeles an alter.

Levitikus 4:34

Ha'n oferyas a gemmer rann a woes an offrynn pegh gans y vys ha'y worra war gern alter an offrynn leskys, ha dinewi oll an goes war woeles an alter.

Levitikus 8:11

Hag ev a skoellyas rann anodho war an alter seythgweyth hag untya an alter hag oll an lestri anodho, ha'n wolghell ha'y sel, dh'aga sanshe.

Levitikus 8:15

Hag ev a'n ladhas; ha Moyses a gemmeras an goes ha'y worra gans y vys war gern an alter a-dro ha purhe an alter ha dinewi an goes war woeles an alter, dhe wul dehwelyans warnodho.

Levitikus 9:9

Ha mebyon Aron a dhros an goes dhodho hag ev a droghyas y vys y'n goes ha'y worra war gern an alter ha dinewi an goes war woeles an alter.

Niverow 19:4

hag Eleazar an oferyas a wra kemmeres nebes a'y goes gans y vys, ha skoellya neppyth a'y goes war du a-rag tylda an kuntelles seythgweyth.

Yoshua 6:4

gans seyth oferyas ow toen seyth hirgorn a gern hordhes a-dherag an argh. Ha'n seythves dydh hwi a geskerdh a-dro dhe'n sita seythgweyth, ha'n oferysi ow hwytha an hirgern.

Yoshua 6:8

Wosa Yoshua dhe ri an gorhemmynn ma dhe'n lu, an seyth oferyas ow toen an seyth hirgorn a gern hordhes a-rag an Arloedh eth yn-rag, ow hwytha an hirgern; argh kevambos an Arloedh a's siwyas.