Levitikus 4:35 - An Bibel Kernewek 20234 (Kernewek Kemmyn)

³⁵ Hag ev a gemmer dhe-ves oll an blonek dell yw kemmerys blonek an oen dhiworth sakrifis an offrynnow kres, ha'n oferyas a'n lesk war an alter, gans an offrynnow gwrys dre dan dhe'n Arloedh; ha'n oferyas a wra dehwelyans rag y begh re wrug ev, hag y fydh gevys dhodho.

Levitikus 4:35 Iomraidhean Croise

Levitikus 12:8

Ha mar nyns eus yn hy leuv pygans lowr rag oen, hi a dhre diw durenn po diw golomm yowynk, an eyl rag offrynn leskys ha'y ben rag offrynn pegh, ha'n oferyas a wra dehwelyans rygdhi, ha hi a vydh glan.

Levitikus 14:18

Ha'n oferyas a worr remenant an oyl usi yn y balv war benn neb a dal bos glanhes; ha'n oferyas a wra dehwelyans ragdho dherag an Arloedh.

Levitikus 14:53

Hag ev a dhelirv an edhen vew yn-mes a'n sita y'n gwel igor, ha gul dehwelyans rag an chi, ha glan vydh.

Levitikus 15:15

Ha'n oferyas a's offrynn, an eyl rag offrynn pegh ha'y ben rag offrynn leskys, ha'n oferyas a wra dehwelyans ragdho dherag an Arloedh rag y sygerans.

Levitikus 19:22

Ha'n oferyas a wra dehwelyans ragdho gans hordh an offrynn kammweyth dherag an Arloedh rag y begh re wrug, ha'n pegh re wrug a vydh gevys dhodho.

Levitikus 4:20

Hag ev a wra gans an lodhen kepar dell wrug gans an lodhen rag an offrynn pegh; yndella y hwra ev gans hemma. Ha'n oferyas a wra dehwelyans ragdha, ha gevys vydh dhedha.

Levitikus 4:26

Hag ev a lesk oll y vlonek war an alter kepar ha blonek sakrifis an offrynnow kres, ha'n oferyas a wra dehwelyans ragdho rag y begh, ha gevys vydh dhodho.

Levitikus 5:10

Hag ev a brof an nessa rag offrynn leskys herwydh an rewlys, ha'n oferyas a wra dehwelyans ragdho rag y begh re beghas, hag y fydh gevys dhodho.

Levitikus 5:13

Ha'n oferyas a wra dehwelyans ragdho rag y begh a beghas yn onan a'n taklow ma, ha gevys vydh dhodho. Ha'n remenant a vydh rag an oferyas, kepar ha'n offrynn greun.

Levitikus 5:6

Hag ev a dhre y offrynn kammweyth dhe'n Arloedh rag an pegh re wrug, davas venow a'n flokk, oen po mynn a'n gever rag offrynn pegh ha'n oferyas a wra dehwelyans ragdho rag y begh.

Levitikus 6:7

Ha'n oferyas a wra dehwelyans ragdho dherag an Arloedh hag y fydh gevys dhodho pypynag a wrug ow kammwul.

Levitikus 9:7

Hag yn-medh Moyses dhe Aron, ‘Ke bys y'n alter hag offrynn dha offrynn pegh, ha'th offrynn leskys ha gul dehwelyans a-barth dhis dha honan hag a-barth an bobel, ha gwra offrynn an bobel, ha gul dehwelyans ragdha, dell erghis an Arloedh.’

Niverow 15:25

Ha'n oferyas a wra prenedh dhe'n kuntelles oll a vebyon Ysrael hag y fydh gevys dhedha; drefenn y vos kammwrians gwrys heb y wodhvos, hag i re dhros aga offrynn, offrynn dre dan dhe'n Arloedh, ha'ga offrynn pegh a-rag an Arloedh, rag aga hammweyth.

Niverow 15:28

Ha'n oferyas a wra prenedh a-rag an Arloedh rag an den a wra kammwrians heb y wodhvos, pan begh heb y wodhvos, rag prenedh ragdho; hag y fydh gevys dhodho.

Romanyon 10:4

Rag Krist yw penn an lagha rag ewnder dhe beub a grys.

Romanyon 4:25

neb a veu res dhe'n mernans drefenn agan drogoberow ha drehevys rag may fen ni kevys ewn.

Romanyon 8:1

Lemmyn nyns eus dampnya rag an re usi yn Krist Yesu.

2 Korinthianys 5:21

A-barth dhyn ni ev a wrug dhodho, neb na wodhva pegh, bos pegh, may teffen ni ha bos ewnder Duw ynno ev.

Efesianys 5:2

ha kerdhewgh yn kerensa, kepar dell wrug Krist agas kara hag omri y honan ragon ni yn offrynn ha sakrifis dhe Dhuw, sawer plegadow.

Kolossianys 1:14

yn neb y'gan beus daspren, gevyans peghosow.

Ebrowyon 1:3

neb yw dewynnyans golewder Duw ha gwir imaj y substans, ow mentena traow oll der an ger a'y nerth. Pan wrussa glanheans peghosow, ev a esedhas orth leuv dhyghow an Meuredh y'n tylleryow ughel,

Ebrowyon 4:14

Ytho, a-ban y'gan beus arghoferyas meur re dremenas der an nevow, Yesu, Mab Duw, synsyn fast agan professyans.

Ebrowyon 7:26

Rag gwiw o bos dhyn arghoferyas a'n par na, sans, divlam, andhefolys, diberthys a'n beghadoryon, ughelhes a-ugh an nevow.

Ebrowyon 9:14

pygemmys moy y hwra goes Krist, neb a omoffrynnas heb namm dhe Dhuw der an Spyrys nevra a dhur, golghi agas kowses dhiworth oberow marow dhe servya an Duw bew.

1 Peder 2:22

‘Ny wrug peghadow, ha ny veu toell kevys war y anow.’

1 Peder 2:24

Ev y honan a borthas agan peghosow y'n prenn, may hwryllyn ni, marow dhe beghosow, bewa dhe ewnder. Gans y woliow sawys vewgh hwi.

1 Peder 3:18

Rag Krist a wodhevis unnweyth rag peghosow, den gwiryon rag tus kammhynsek, ma'gas drollo dhe Dhuw, ledhys y'n kig mes bewhes y'n spyrys;

1 Yowann 1:7

Mes mar kerdhyn y'n golewder dell usi ev y'n golewder, ni a'gan beus kowethyans an eyl gans y gila, ha goes Yesu Krist a'gan golgh a bub peghes.

1 Yowann 2:2

Hag ev yw dehwelyans rag agan peghosow: ha nyns yw unnsel rag agan peghosow ni, mes ynwedh rag peghosow an bys oll.