Levitikus 4:31 - An Bibel Kernewek 20234 (Kernewek Kemmyn)

³¹ Hag ev a gemmer dhe-ves oll y vlonek, dell yw an blonek kemmerys dhe-ves dhiworth sakrifis an offrynnow kres, ha'n oferyas a'n lesk war an alter, sawer plegadow dhe'n Arloedh, ha'n oferyas a wra dehwelyans ragdho, ha gevys vydh dhodho.

Levitikus 4:31 Iomraidhean Croise

Jenesis 8:21

Ha'n Arloedh a vlasas an sawer plegadow, ha'n Arloedh a leveris yn y golonn, ‘Ny wrav vy mollethi an dor namoy drefenn mab-den; rag drog yw bodh kolonn mab-den a-dhia y yowynkneth. Ny wrav namoy gweskel pub tra vew, dell wrug vy.

Ezra 6:10

mayth offrynnons sakrifisow plegadow dhe Dhuw an nev, ha pysi rag bewnans an myghtern, ha dh'y vebyon.

Job 42:8

Rakhenna kemmerewgh lemmyn dhywgh seyth tarow ha seyth hordh ha mos dhe'm gwas Job hag offrynna ragowgh offrynn leskys, ha'm gwas Job a bys ragowgh ha my a dhegemmer y bysadow, ha ny'gas dyghtyav herwydh agas follenep; rag ny gewssowgh ahanav an pyth yw ewn, kepar dell wrug ow gwas Job.’

Eksodus 29:18

ha leski an hordh dien war an alter; yth yw offrynn leskys dhe'n Arloedh; yth yw sawer plegadow, offrynn dre dan dhe'n Arloedh.

Ysay 42:21

Da o gans an Arloedh, dre reson y ewnder, moghhe an lagha ha'y gul gloryus.

Ysay 53:10

Mes an Arloedh a vynnas y vrewi; ha gul dhodho godhevel; mar kwra dh'y enev bos offrynn kammweyth, ev a wel y has, ha gul dh'y dhydhyow bos hir, ha bodh an Arloedh a sewen yn y leuv.

Levitikus 1:13

Mes ev a wolgh an pottys ha'n garrow gans dowr; ha'n oferyas a dhre oll anodho ha'y leski war an alter. Sakrifis leskys yw, offrynn dre dan, sawer plegadow dhe'n Arloedh.

Levitikus 1:17

Ev a'n skward der an eskelli mes ny wra y ranna yn tien, ha'n oferyas a'n lesk war an alter, war an prenn usi war an tan. Sakrifis leskys yw, offrynn dre dan, sawer plegadow dhe'n Arloedh.

Levitikus 1:9

Mes y bottys ha'y arrow ev a's golgh yn dowr; ha'n oferyas a lesk pup-tra oll war an alter avel offrynn leskys, offrynn dre dan, sawer plegadow dhe'n Arloedh.

Levitikus 14:18

Ha'n oferyas a worr remenant an oyl usi yn y balv war benn neb a dal bos glanhes; ha'n oferyas a wra dehwelyans ragdho dherag an Arloedh.

Levitikus 15:15

Ha'n oferyas a's offrynn, an eyl rag offrynn pegh ha'y ben rag offrynn leskys, ha'n oferyas a wra dehwelyans ragdho dherag an Arloedh rag y sygerans.

Levitikus 19:22

Ha'n oferyas a wra dehwelyans ragdho gans hordh an offrynn kammweyth dherag an Arloedh rag y begh re wrug, ha'n pegh re wrug a vydh gevys dhodho.

Levitikus 2:2

Hag ev a'n dre dhe vebyon Aron, an oferysi, hag ev a gemmer dornas a'y vleus fin ha'y oyl gans oll y frankynkys, ha'n oferyas a lesk rann govadh anodho war an alter, offrynn dre dan, sawer plegadow dhe'n Arloedh.

Levitikus 2:9

Ha'n oferyas a gemmer rann govadh an offrynn greun ha'y leski war an alter, offrynn dre dan, sawer plegadow dhe'n Arloedh.

Levitikus 4:19

Hag ev a gemmer oll y vlonek dhiworto ha'y leski war an alter

Levitikus 4:26

Hag ev a lesk oll y vlonek war an alter kepar ha blonek sakrifis an offrynnow kres, ha'n oferyas a wra dehwelyans ragdho rag y begh, ha gevys vydh dhodho.

Levitikus 4:35

Hag ev a gemmer dhe-ves oll an blonek dell yw kemmerys blonek an oen dhiworth sakrifis an offrynnow kres, ha'n oferyas a'n lesk war an alter, gans an offrynnow gwrys dre dan dhe'n Arloedh; ha'n oferyas a wra dehwelyans rag y begh re wrug ev, hag y fydh gevys dhodho.

Levitikus 5:10

Hag ev a brof an nessa rag offrynn leskys herwydh an rewlys, ha'n oferyas a wra dehwelyans ragdho rag y begh re beghas, hag y fydh gevys dhodho.

Levitikus 5:6

Hag ev a dhre y offrynn kammweyth dhe'n Arloedh rag an pegh re wrug, davas venow a'n flokk, oen po mynn a'n gever rag offrynn pegh ha'n oferyas a wra dehwelyans ragdho rag y begh.

Levitikus 8:21

Hag ev a wolghas an pottys ha'n garrow yn dowr, ha Moyses a loskas an hordh dien war an alter avel offrynn leskys, sawer plegadow, offrynn dre dan dhe'n Arloedh, dell erghis an Arloedh dhe Moyses.

Niverow 15:25

Ha'n oferyas a wra prenedh dhe'n kuntelles oll a vebyon Ysrael hag y fydh gevys dhedha; drefenn y vos kammwrians gwrys heb y wodhvos, hag i re dhros aga offrynn, offrynn dre dan dhe'n Arloedh, ha'ga offrynn pegh a-rag an Arloedh, rag aga hammweyth.

Matthew 3:17

hag awotta lev yn-mes a'n nevow ow leverel, ‘Hemm yw ow Mab karadow, mayth usi ynno ow delit.’

Efesianys 5:2

ha kerdhewgh yn kerensa, kepar dell wrug Krist agas kara hag omri y honan ragon ni yn offrynn ha sakrifis dhe Dhuw, sawer plegadow.

Ebrowyon 1:3

neb yw dewynnyans golewder Duw ha gwir imaj y substans, ow mentena traow oll der an ger a'y nerth. Pan wrussa glanheans peghosow, ev a esedhas orth leuv dhyghow an Meuredh y'n tylleryow ughel,

Ebrowyon 10:12

Mes pan offrynnsa Krist unn sakrifis rag peghosow bys vykken, ‘ev a esedhas orth leuv dhyghow Duw’,

Ebrowyon 10:14

Rag der unn offrynn ev re berfydhhas bys vykken an re yw sanshes.

Ebrowyon 9:12

ev a entras, unnweyth rag oll, dhe'n tyller sans le na gemmeras goes gever na leughi, mes y woes y honan, yndellma ow kavoes daspren bys vykken.

1 Yowann 1:7

Mes mar kerdhyn y'n golewder dell usi ev y'n golewder, ni a'gan beus kowethyans an eyl gans y gila, ha goes Yesu Krist a'gan golgh a bub peghes.

Diskwedhyans 5:9

Ha kan nowydh a ganons i, ow leverel, ‘Gwiw osta dhe gemmeres an rol, hag igeri an selyow, rag ty a veu ledhys ha re dhasprensys tus dhe Dhuw gans dha woes yn-mes a bub loeth, ha yeth, ha pobel, ha kenedhel;