Levitikus 4:3 - An Bibel Kernewek 20234 (Kernewek Kemmyn)

³ mars yw an oferyas untys neb a begh, yndella ow kul an bobel dhe vos kablus, dres ev dhe'n Arloedh rag y begh re beghas tarow yowynk heb namm, rag offrynn pegh.

Levitikus 4:3 Iomraidhean Croise

2 Kroniklys 29:21

I a dhros seyth tarow, seyth hordh, seyth oen, ha seyth bogh avel offrynn pegh rag an wlaskor, rag an sentri ha rag Yuda. Ev a worhemmynnis dhe'n oferysi, mebyon Aron, aga offrynna war alter an Arloedh.

Ezra 8:35

Ena mebyon an divroedh, o devedhys mes a'n gethneth, a offrynnas offrynnow leskys dhe Dhuw Ysrael, dewdhek lodhen rag oll Ysrael, hwetek hordh ha peswar-ugens, seytek oen ha tri-ugens, ha dewdhek bogh avel offrynn pegh: oll an re ma o offrynn leskys dhe'n Arloedh.

Eksodus 29:14

Mes kig an lodhen, ha'y groghen, ha'y deyl, ty a gowllesk a-ves a'n kamp; offrynn pegh yw.

Eksodus 29:21

Ena ty a gemmer neppyth a'n goes usi war an alter, hag a oyl an untyans, ha'ga skoellya war Aron ha war y wiskasow, ha war y vebyon ha war wiskasow y vebyon ganso; hag ev ha'y wiskasow a vydh sans, ha'y vebyon ha gwiskasow y vebyon ganso.

Eksodus 29:7

Ha ty a gemmer oyl an untyans ha'y dhiveri war y benn ha'y untya.

Eksodus 30:10

Aron a wra prenedh war hy hern unnweyth y'n vlydhen; gans goes offrynn pegh an prenedh ev a wra prenedh ragdho unnweyth y'n vlydhen der agas henedhow; yth yw an moyha sans dhe'n Arloedh.

Ezekiel 40:39

Yn portal an yet yth esa diw voes, onan yn pub tenewen, mayth esa ledhys an offrynnow leskys, an offrynnow pegh, ha'n offrynnow kammweyth.

Ezekiel 43:19

ty a re tarow rag offrynn pegh dhe'n oferysi leviek a has Sadok, an re a dheu nes dhe venystra dhymm.

Ezekiel 44:27

Y'n jydh may teu y'n sentri, y'n klos a-bervedh, dhe venystra y'n sentri, ev a offrynn y offrynn pegh, yn-medh an Arloedh Duw.

Levitikus 1:10

Ha mars yw y offrynn a'n flokk, deves po gever, rag sakrifis leskys, ev a dhre best gorow heb namm.

Levitikus 1:3

Mars yw y offrynn offrynn leskys a'n gwarthek, offrynnes ev best gorow heb namm: gwres ev y offrynna orth daras tylda an kuntelles, may kaffo favour dherag an Arloedh.

Levitikus 16:11

Hag Aron a dhre an lodhen rag an offrynn pegh yw ragdho ev, ha gul dehwelyans ragdho ev ha rag y ji ha ladha an lodhen rag an offrynn pegh yw ragdho ev

Levitikus 16:3

Mes yndella y teu Aron a-ji dhe'n tyller sans: gans tarow yowynk rag offrynn pegh ha hordh rag offrynn leskys.

Levitikus 16:5

Hag ev a gemmer dew vogh dhiworth kuntelles mebyon Ysrael rag offrynn pegh hag unn hordh rag offrynn leskys.

Levitikus 16:6

Hag Aron a offrynn lodhen an offrynn pegh ragdho ev y honan, ha gul dehwelyans ragdho ev ha rag y ji.

Levitikus 4:14

pan vo godhvedhys an pegh re wrussons, an gemmynieth a dhre tarow yowynk avel offrynn pegh, ha'y dhri dherag tylda an kuntelles.

Levitikus 4:23

po mar teu an pegh re beghas dh'y wodhvos, ev a dhre y offrynn, bogh, gorow heb namm,

Levitikus 4:28

pan dheu dh'y wodhvos an pegh re beghas, ev a dhre y offrynn, mynn a'n gever, onan benow heb namm, rag y begh re beghas.

Levitikus 4:5

Ha'n oferyas untys a gemmer rann a woes an lodhen ha'y dhri dhe dylda an kuntelles,

Levitikus 5:6

Hag ev a dhre y offrynn kammweyth dhe'n Arloedh rag an pegh re wrug, davas venow a'n flokk, oen po mynn a'n gever rag offrynn pegh ha'n oferyas a wra dehwelyans ragdho rag y begh.

Levitikus 6:18

Pub gorreydh yn mysk fleghes Aron a dheber anodho. Ordenans vydh bys vykken der agas henedhow dhiworth offrynnow dre dan dhe'n Arloedh. Piwpynag a's tocchyo a vydh sans.

Levitikus 8:12

Hag ev a dhinewis rann a oyl an untyans war benn Aron ha'y untya dh'y sanshe.

Levitikus 9:2

Hag ev a leveris dhe Aron, ‘Kemmer leugh yowynk rag offrynn pegh ha hordh rag offrynn leskys, heb namm aga dew, ha'ga offrynna dherag an Arloedh.

Levitikus 9:3

Ha ty a gews orth mebyon Ysrael, ow leverel, “Kemmer bogh rag offrynn pegh, ha leugh hag oen, unn bloedh aga oes ha heb namm, rag offrynn leskys.

Niverow 16:22

Hag i a goedhas war aga fas, ha leverel, ‘A Dhuw, Duw spyrysyon kig oll, mar pegh unn den, a vydhydh serrys gans an kuntelles oll?’

Niverow 8:8

Ena gas i dhe gemmeres tarow yowynk ha'y offrynn greun a vleus fin kemmyskys gans oyl, ha ty a gemmer tarow yowynk arall rag offrynn pegh.

Romanyon 8:3

Rag an pyth a veu an lagha dialloes dh'y wul, rag hy bos gwann der an kig, Duw y honan re wrug, ow tannvon y Vab y honan yn hevelep kig a begh, dhe vos offrynn pegh, hag yndella ev a dhampnyas pegh y'n kig,

2 Korinthianys 5:21

A-barth dhyn ni ev a wrug dhodho, neb na wodhva pegh, bos pegh, may teffen ni ha bos ewnder Duw ynno ev.

Ebrowyon 5:3

Ha rakhemma, y tegoedh dhodho offrynna sakrifis rag peghosow ragdho ev y honan keffrys ha'n bobel.

Ebrowyon 9:12

ev a entras, unnweyth rag oll, dhe'n tyller sans le na gemmeras goes gever na leughi, mes y woes y honan, yndellma ow kavoes daspren bys vykken.