Levitikus 4:27 - An Bibel Kernewek 20234 (Kernewek Kemmyn)

²⁷ Ha mar pegh nebonan a bobel an pow heb y wodhvos, ow kul neppyth erbynn gorhemmynnow an Arloedh, taklow na dal bos gwrys, ha kablus yw,

Levitikus 4:27 Iomraidhean Croise

Salmow 19:13

Gwith dha was ynwedh rag peghosow bolder; na wrens i maystri warnav! Ena divlam vydhav, ha my a vydh glan a gammweyth meur.

Eksodus 12:49

Y fydh unn lagha rag an genesik ha rag an alyon usi trigys yntredhowgh.

Ezekiel 45:17

Dever an pennsevik a vydh ri an offrynnow leskys, offrynnow greun, hag offrynnow diwes y'n goelyow, y'n loeryow nowydh hag y'n sabotys, oll an goelyow apoyntys a ji Ysrael; ev a brovi an offrynnow pegh, an offrynnow greun, an offrynnow leskys, ha'n offrynnow kres, dhe wul prenedh rag chi Ysrael.

Ezekiel 45:20

Ty a wra yndella yn seythves dydh an mis rag gour a beghas heb y wodhvos, po dre sempledh ty a wra prenedh rag an tempel.

Levitikus 4:13

Ha mar pegh kuntelles kowal Ysrael heb y wodhvos, ha kelys yw an dra dhiworth lagasow an gemmynieth, ha mar kwrussons neppyth erbynn neb onan a worhemmynnow an Arloedh, taklow na dal bos gwrys, ha mars yns i kablus;

Levitikus 4:2

Kows orth mebyon Ysrael ow leverel: Mar pegh neb den heb y wodhvos erbynn onan a worhemmynnow an Arloedh, ow kul neppyth na dal bos gwrys,

Levitikus 4:22

Pan begh rewler ha gul neppyth heb y wodhvos erbynn neb onan a worhemmynnow an Arloedh y Dhuw, taklow na dal bos gwrys, ha kablus yw,

Levitikus 5:17

Ha mar pegh den ha gul neppyth erbynn onan a worhemmynnow an Arloedh na dal bos gwrys, kyn fo heb y wodhvos, kablus vydh, hag ev a dheg an blam a'y gammweyth.

Levitikus 9:15

Hag ev a dhros offrynn an bobel, ha kemmeres bogh offrynn pegh an bobel ha'y ladha ha'y offrynna rag pegh, kepar ha'n kynsa.

Niverow 15:16

Unn lagha hag unn rewl a vydh ragowgh hwi ha rag an alyon a wodrik genowgh.

Niverow 15:22

Mes mar kammwrewgh heb y wodhvos, ha mar ny wrewgh oll an gorhemmynnow ma re gewsis an Arloedh dhe Moyses,

Niverow 15:27

Mar pegh nebonan heb y wodhvos, ev a brof mynn benow unn bloedh rag offrynn pegh.

Niverow 15:29

Ty a' fydh unn lagha rag neb a gammwra heb y wodhvos rag an den yw genesik yn mysk mebyon Ysrael, ha rag an alyon usi trigys yn aga mysk yntredha.

Niverow 5:6

‘Lavar dhe vebyon Ysrael, Pan wra gour po benyn pegh pynag yw usys dhe vos gwrys gans tus, ha bos dislel dhe'n Arloedh, ha'n den na yw kablus,