Levitikus 4:22 - An Bibel Kernewek 20234 (Kernewek Kemmyn)

²² Pan begh rewler ha gul neppyth heb y wodhvos erbynn neb onan a worhemmynnow an Arloedh y Dhuw, taklow na dal bos gwrys, ha kablus yw,

Levitikus 4:22 Iomraidhean Croise

Salmow 19:13

Gwith dha was ynwedh rag peghosow bolder; na wrens i maystri warnav! Ena divlam vydhav, ha my a vydh glan a gammweyth meur.

Eksodus 18:21

Dhe voy, dewis gwer abel yn-mes a'n bobel oll, neb a berth own Dhuw, gwer a yllir aga threstya ha kas gansa falswober; ha gorr gwer a'n par ma a-ugh an bobel avel rewloryon a vilyow, a gansow, a hanter-kansow hag a dhegow.

Ekklesiastes 5:6

Na as dha anow dhe wul dhe'th kig pegha; na lavar a-rag an gannas, ‘Kammgemmeryans veu.’ Prag y hwredh dhe Dhuw bos serrys orthis may tistrua ev ober dha dhiwla?

Levitikus 4:13

Ha mar pegh kuntelles kowal Ysrael heb y wodhvos, ha kelys yw an dra dhiworth lagasow an gemmynieth, ha mar kwrussons neppyth erbynn neb onan a worhemmynnow an Arloedh, taklow na dal bos gwrys, ha mars yns i kablus;

Levitikus 4:2

Kows orth mebyon Ysrael ow leverel: Mar pegh neb den heb y wodhvos erbynn onan a worhemmynnow an Arloedh, ow kul neppyth na dal bos gwrys,

Levitikus 4:27

Ha mar pegh nebonan a bobel an pow heb y wodhvos, ow kul neppyth erbynn gorhemmynnow an Arloedh, taklow na dal bos gwrys, ha kablus yw,

Levitikus 5:17

Ha mar pegh den ha gul neppyth erbynn onan a worhemmynnow an Arloedh na dal bos gwrys, kyn fo heb y wodhvos, kablus vydh, hag ev a dheg an blam a'y gammweyth.

Niverow 15:22

Mes mar kammwrewgh heb y wodhvos, ha mar ny wrewgh oll an gorhemmynnow ma re gewsis an Arloedh dhe Moyses,

Niverow 15:24

ena mar peu gwrys heb y wodhvos ha heb godhvos an kuntelles, an kuntelles oll a wra offrynna unn tarow yowynk rag offrynn leskys, sawer plegadow dhe'n Arloedh, gans y offrynn greun ha'y offrynn diwes, war-lergh an devosow usadow, hag unn bogh rag offrynn pegh.

Niverow 16:2

hag i a sevis a-rag Moyses gans niver a vebyon Ysrael, dew kans ha hanter-kans hembrenkyas a'n gemmynieth, dewisys a'n kuntelles, gerys-da;

Niverow 31:13

Moyses, hag Eleazar an oferyas, ha hembrenkysi oll an kuntelles, eth yn-rag dhe vetya gansa yn-mes a'n kamp.

Niverow 32:2

Ytho mebyon Gad ha mebyon Rewben a dheuth ha leverel dhe Moyses ha dhe Eleazar an oferyas ha dhe hembrenkysi an kuntelles,

Niverow 35:11

ena ty a dhewis sitys dhe vos sitys meneghi ragowgh, may fio di an denledhyas neb a lattho heb mynnas.