Levitikus 4:21 - An Bibel Kernewek 20234 (Kernewek Kemmyn)

²¹ Hag ev a gemmer an lodhen yn-mes a'n kamp ha'y leski dell loskas an kynsa tarow. Offrynn pegh yw rag an gemmynieth.

Levitikus 4:21 Iomraidhean Croise

Ezra 8:35

Ena mebyon an divroedh, o devedhys mes a'n gethneth, a offrynnas offrynnow leskys dhe Dhuw Ysrael, dewdhek lodhen rag oll Ysrael, hwetek hordh ha peswar-ugens, seytek oen ha tri-ugens, ha dewdhek bogh avel offrynn pegh: oll an re ma o offrynn leskys dhe'n Arloedh.

Eksodus 29:14

Mes kig an lodhen, ha'y groghen, ha'y deyl, ty a gowllesk a-ves a'n kamp; offrynn pegh yw.

Ezekiel 45:22

Y'n jydh na an pennsevik a brovi tarow avel offrynn pegh ragdho ev y honan ha rag oll an bobel.

Levitikus 16:15

Ena ev a ladh bogh an offrynn pegh yw rag an bobel, ha dri y woes a-ji dhe'n vayl, ha gul an keth tra gans an goes na dell wrug gans goes an lodhen, ha'y skoellya war an dregeredhva, ha dherag an dregeredhva.

Levitikus 16:21

Hag Aron a worr y dhiwleuv war benn an bogh bew ha konfessya warnodho kammweythresow oll mebyon Ysrael hag oll aga threuspassow, oll aga feghosow, orth aga gorra war benn an bogh, hag ev a'n dannvon dhe-ves dre leuv gour yw parys, bys y'n difeythtir.

Levitikus 16:27

Ha lodhen an offrynn pegh, ha bogh an offrynn pegh may feu aga goes dres a-bervedh dhe wul dehwelyans y'n tyller sans, a vydh degys yn-mes a'n kamp, hag i a gowllesk aga kreghyn gans aga hig ha'ga hawgh.

Levitikus 4:13

Ha mar pegh kuntelles kowal Ysrael heb y wodhvos, ha kelys yw an dra dhiworth lagasow an gemmynieth, ha mar kwrussons neppyth erbynn neb onan a worhemmynnow an Arloedh, taklow na dal bos gwrys, ha mars yns i kablus;

Levitikus 4:20

Hag ev a wra gans an lodhen kepar dell wrug gans an lodhen rag an offrynn pegh; yndella y hwra ev gans hemma. Ha'n oferyas a wra dehwelyans ragdha, ha gevys vydh dhedha.

Levitikus 6:11

Ena ev a dhiwisk y dhillas ha gwiska dillas arall ha doen an lusu yn-mes a'n kamp bys yn tyller glan.

Levitikus 6:23

Pub offrynn greun a'n oferyas a vydh kowlleskys. Ny vydh dybrys.

Levitikus 8:17

Mes ev a gowlloskas an lodhen, y gneus ha'y gig ha'y gawgh, yn-mes a'n kamp, dell erghis an Arloedh dhe Moyses.

Niverow 15:24

ena mar peu gwrys heb y wodhvos ha heb godhvos an kuntelles, an kuntelles oll a wra offrynna unn tarow yowynk rag offrynn leskys, sawer plegadow dhe'n Arloedh, gans y offrynn greun ha'y offrynn diwes, war-lergh an devosow usadow, hag unn bogh rag offrynn pegh.

Matthew 20:28

kepar dell na dheuth Mab an den dhe vos servys mes dhe servya, ha dhe ri y vewnans avel daspren rag lies.’

2 Korinthianys 5:21

A-barth dhyn ni ev a wrug dhodho, neb na wodhva pegh, bos pegh, may teffen ni ha bos ewnder Duw ynno ev.

Ebrowyon 13:11

Rag korfow an enyvales na, ha'ga goes kyrghys a-ji dhe'n sentri gans an arghoferyas yn sakrifis rag peghosow, yw leskys yn-mes a'n kamp.