Levitikus 4:2 - An Bibel Kernewek 20234 (Kernewek Kemmyn)

² Kows orth mebyon Ysrael ow leverel: Mar pegh neb den heb y wodhvos erbynn onan a worhemmynnow an Arloedh, ow kul neppyth na dal bos gwrys,

Levitikus 4:2 Iomraidhean Croise

Jenesis 20:9

Ena Abimelek a elwis Abraham ha leverel dhodho, ‘Pandr'a wruss'ta gul dhyn ni, ha fatell beghis vy er dha bynn, may hwruss'ta dri pegh meur warnav vy ha war ow gwlaskor? Ty re wrug dhymmo vy taklow na dalvia bos gwrys.’

Salmow 19:12

Piw a woer konvedhes y gammweythresow? Glanha vy dhiworth ow feghosow kudh.

Salmow 19:13

Gwith dha was ynwedh rag peghosow bolder; na wrens i maystri warnav! Ena divlam vydhav, ha my a vydh glan a gammweyth meur.

Ekklesiastes 5:6

Na as dha anow dhe wul dhe'th kig pegha; na lavar a-rag an gannas, ‘Kammgemmeryans veu.’ Prag y hwredh dhe Dhuw bos serrys orthis may tistrua ev ober dha dhiwla?

Levitikus 22:14

Ha den mar teber tra sans heb y wodhvos, ev a geworr an pympes rann a'y dalvosogeth dhodho, ha ri an dra sans dhe'n oferyas.

Levitikus 4:1

Ha'n Arloedh a gewsis orth Moyses ow leverel,

Levitikus 4:13

Ha mar pegh kuntelles kowal Ysrael heb y wodhvos, ha kelys yw an dra dhiworth lagasow an gemmynieth, ha mar kwrussons neppyth erbynn neb onan a worhemmynnow an Arloedh, taklow na dal bos gwrys, ha mars yns i kablus;

Levitikus 4:22

Pan begh rewler ha gul neppyth heb y wodhvos erbynn neb onan a worhemmynnow an Arloedh y Dhuw, taklow na dal bos gwrys, ha kablus yw,

Levitikus 4:27

Ha mar pegh nebonan a bobel an pow heb y wodhvos, ow kul neppyth erbynn gorhemmynnow an Arloedh, taklow na dal bos gwrys, ha kablus yw,

Niverow 35:11

ena ty a dhewis sitys dhe vos sitys meneghi ragowgh, may fio di an denledhyas neb a lattho heb mynnas.

Dewteronomi 19:4

Hemm yw an rewl rag an ladher neb a fi bys di rag may fewo, neb a weskis y gentrevek dre wall ha neb na'n kasas kyns:

1 Timothi 1:13

kyn hwren vy blasfemya kyns, ha helghya, hag arvedh. Mes my a gavas tregeredh, rag my a wrug hemma heb godhvos, yn diskryjyans.

Ebrowyon 5:2

Ev a yll dyghtya yn hwar an re yw heb godhvos ha kellys yn aga fordh, drefenn y vos y honan settys a-dro gans gwannder.

Ebrowyon 9:7

mes a-ji dhe'n nessa, nyns a marnas an arghoferyas, hag ev marnas unnweyth y'n vlydhen, ha nyns a heb kemmeres goes hag a offrynn ragdho y honan, ha rag peghosow an bobel gwrys dre wall.

Jamys 3:10

Yn-mes a'n keth ganow y teu ha bennath ha molleth. Nyns yw gwiw, ow breder, an taklow ma dhe hwarvos yndella.

1 Samuel 14:27

Mes ny glewas Yonathan y das pan jarjyas ev an bobel gans an ti; hag ev a ystynnas an lorgh esa yn y dhorn, ha troghya an bleyn yn kribenn vel, ha gorra y leuv dh'y anow; ha'y lagas a veu splannhes.