Levitikus 4:18 - An Bibel Kernewek 20234 (Kernewek Kemmyn)

¹⁸ Hag ev a worr rann a'n goes war gern an alter usi dherag an Arloedh, usi yn tylda an kuntelles, ha dinewi oll an goes war woeles alter an offrynn leskys, orth daras tylda an kuntelles.

Levitikus 4:18 Iomraidhean Croise

2 Kroniklys 29:22

Ytho i a ladhas an terewi, ha'n oferysi a dhegemmeras an goes ha'y skoellya orth an alter; i a ladhas an hordhes ha'ga goes a veu skoellys orth an alter; i a ladhas an eyn ynwedh ha'ga goes a veu skoellys orth an alter.

Eksodus 29:12

ha kemmeres rann a woes an lodhen ha'y worra war gern an alter gans dha vys, ha rann arall an goes ty a wra diveri war woeles an alter.

Eksodus 30:10

Aron a wra prenedh war hy hern unnweyth y'n vlydhen; gans goes offrynn pegh an prenedh ev a wra prenedh ragdho unnweyth y'n vlydhen der agas henedhow; yth yw an moyha sans dhe'n Arloedh.

Levitikus 4:25

Ha'n oferyas a gemmer rann a woes an offrynn pegh gans y vys ha'y worra war gern alter an offrynn leskys ha dinewi y woes war woeles alter an offrynn leskys.

Levitikus 4:30

Ha'n oferyas a gemmer rann a'y woes gans y vys ha'y worra war gern alter an offrynn leskys, ha dinewi oll an goes war woeles an alter.

Levitikus 4:34

Ha'n oferyas a gemmer rann a woes an offrynn pegh gans y vys ha'y worra war gern alter an offrynn leskys, ha dinewi oll an goes war woeles an alter.

Levitikus 4:7

Ha'n oferyas a worr rann a'n goes war gern alter an ynkys hweg dherag an Arloedh usi yn tylda an kuntelles, ha dinewi oll goes an lodhen war woeles alter an offrynn leskys, orth daras tylda an kuntelles.

Levitikus 5:9

Hag ev a skoell rann a woes an offrynn pegh war denewen an alter, ha remenant an goes a vydh gweskys yn-mes war woeles an alter. Offrynn pegh yw.

Levitikus 6:30

Ha ny vydh dybrys offrynn pegh vyth mayth yw dres an goes anodho a-ji dhe dylda an kuntelles dhe wul dehwelyans y'n tyller sans. Leskys vydh y'n tan.

Levitikus 8:15

Hag ev a'n ladhas; ha Moyses a gemmeras an goes ha'y worra gans y vys war gern an alter a-dro ha purhe an alter ha dinewi an goes war woeles an alter, dhe wul dehwelyans warnodho.

Levitikus 9:9

Ha mebyon Aron a dhros an goes dhodho hag ev a droghyas y vys y'n goes ha'y worra war gern an alter ha dinewi an goes war woeles an alter.