Levitikus 4:15 - An Bibel Kernewek 20234 (Kernewek Kemmyn)

¹⁵ Ha henavogyon an kuntelles a worr aga diwleuv war benn an lodhen dherag an Arloedh, ha'n tarow a vydh ledhys dherag an Arloedh.

Levitikus 4:15 Iomraidhean Croise

2 Kroniklys 29:23

Ena an boghes rag an offrynn pegh a veu dres a-rag an myghtern ha'n kuntelles, hag i a worras aga diwleuv warnedha.

Eksodus 24:1

Hag ev a leveris dhe Moyses, ‘Yskynn dhe'n Arloedh, ty hag Aron, Nadab, hag Abihu, ha deg ha tri-ugens dhiworth henavogyon Ysrael, ha gordhya a-bell.

Eksodus 24:9

Ena Moyses hag Aron, Nadab, hag Abihu, ha'n deg ha tri-ugens dhiworth henavogyon Ysrael a yskynnas,

Levitikus 1:3

Mars yw y offrynn offrynn leskys a'n gwarthek, offrynnes ev best gorow heb namm: gwres ev y offrynna orth daras tylda an kuntelles, may kaffo favour dherag an Arloedh.

Levitikus 1:4

Ev a worr y leuv war benn an sakrifis leskys, ha kemmeradow vydh ragdho, dhe wul dehwelyans ragdho.

Levitikus 16:21

Hag Aron a worr y dhiwleuv war benn an bogh bew ha konfessya warnodho kammweythresow oll mebyon Ysrael hag oll aga threuspassow, oll aga feghosow, orth aga gorra war benn an bogh, hag ev a'n dannvon dhe-ves dre leuv gour yw parys, bys y'n difeythtir.

Levitikus 4:16

Ha'n oferyas untys a dhre rann a woes an lodhen dhe dylda an kuntelles,

Levitikus 4:4

Hag ev a dhre an lodhen dhe dharas tylda an kuntelles dherag an Arloedh ha gorra y leuv war benn an lodhen ha ladha an lodhen dherag an Arloedh.

Levitikus 8:14

Hag ev a dhros an lodhen rag an offrynn pegh, hag Aron ha'y vebyon a worras aga diwleuv war benn lodhen an offrynn pegh.

Levitikus 8:18

Hag ev a dhros hordh an offrynn leskys, hag Aron ha'y vebyon a worras aga diwleuv war benn an hordh.

Levitikus 8:22

Hag ev a dhros an hordh arall, hordh an urdhyans, hag Aron ha'y vebyon a worras aga diwleuv war benn an hordh.

Niverow 11:16

Ha'n Arloedh a leveris dhe Moyses, ‘Kuntell dhymm deg gour ha tri-ugens a henavogyon Ysrael, hag a wodhes bos henavogyon an bobel ha soedhogyon a-ughta; ha doro i dhe dylda an kuntelles, ha'ga gasa dhe sevel ena genes.

Niverow 11:25

Ena an Arloedh a dhiyskynnas y'n gommolenn ha kewsel orto, ha kemmeres neppyth a'n spyrys esa warnodho ha'y worra war an deg henavek ha tri-ugens; ha pan bowesas an spyrys warnedha, i a brofoesas. Mes ny wrussons yndellma namoy.

Niverow 8:10

Pan dhredh an Levysi a-rag an Arloedh, mebyon Ysrael a worr aga diwleuv war an Levysi.

Niverow 8:12

Ena an Levysi a worr aga diwleuv war benn an terewi; ha ty a wra profya an eyl rag offrynn pegh ha'y gila rag offrynn dre dan dhe'n Arloedh, rag gul prenedh a-barth an Levysi.