Levitikus 4:13 - An Bibel Kernewek 20234 (Kernewek Kemmyn)

¹³ Ha mar pegh kuntelles kowal Ysrael heb y wodhvos, ha kelys yw an dra dhiworth lagasow an gemmynieth, ha mar kwrussons neppyth erbynn neb onan a worhemmynnow an Arloedh, taklow na dal bos gwrys, ha mars yns i kablus;

Levitikus 4:13 Iomraidhean Croise

Ezra 10:19

I a ros aga leuv dhe worra a-denewen aga gwragedh; ha rag aga hammweyth i a offrynnas hordh a'n deves avel offrynn kammweyth.

Salmow 19:13

Gwith dha was ynwedh rag peghosow bolder; na wrens i maystri warnav! Ena divlam vydhav, ha my a vydh glan a gammweyth meur.

Ezekiel 45:22

Y'n jydh na an pennsevik a brovi tarow avel offrynn pegh ragdho ev y honan ha rag oll an bobel.

Hosea 5:15

My a wra mos ha dehweles dhe'm tyller, bys mayth aswonnons aga offens, ha hwilas ow fas; yn aga ahwer i a'm hwila dihwans.

Levitikus 16:5

Hag ev a gemmer dew vogh dhiworth kuntelles mebyon Ysrael rag offrynn pegh hag unn hordh rag offrynn leskys.

Levitikus 4:21

Hag ev a gemmer an lodhen yn-mes a'n kamp ha'y leski dell loskas an kynsa tarow. Offrynn pegh yw rag an gemmynieth.

Levitikus 5:17

Ha mar pegh den ha gul neppyth erbynn onan a worhemmynnow an Arloedh na dal bos gwrys, kyn fo heb y wodhvos, kablus vydh, hag ev a dheg an blam a'y gammweyth.

Levitikus 6:4

ena, drefenn ev dhe begha ha bos kablus, res vydh dhodho restorya an pyth a ladras dre nerth po an pyth a gavas der arwask po an pyth a veu res dhodho dhe witha po an pyth kellys a gavas,

Niverow 15:22

Mes mar kammwrewgh heb y wodhvos, ha mar ny wrewgh oll an gorhemmynnow ma re gewsis an Arloedh dhe Moyses,

1 Korinthianys 11:27

Rakhenna, piwpynag a dheppro an bara po a effo hanaf an Arloedh yn fordh anwiw, kablus vydh a gorf hag a woes an Arloedh.

1 Timothi 1:13

kyn hwren vy blasfemya kyns, ha helghya, hag arvedh. Mes my a gavas tregeredh, rag my a wrug hemma heb godhvos, yn diskryjyans.

Yoshua 7:11

Ysrael re beghas; i re dreuspassyas erbynn ow hevambos a worhemmynnis dhedha. I re gemmeras re a'n taklow sakrys dhe dhistruyans; i re's ladras, ha'ga hudha, orth aga gorra gans aga lestri aga honan.