Levitikus 3:9 - An Bibel Kernewek 20234 (Kernewek Kemmyn)

⁹ Hag yn-mes a sakrifis an offrynn kres ev a dhre offrynn gwrys dre dan dhe'n Arloedh; y vlonek, an lost blonegek kowal kemmerys dhe-ves ogas dhe askorn an keyn, ha'n blonek a worher an pottys hag oll an blonek usi war an pottys.

Levitikus 3:9 Iomraidhean Croise

2 Samuel 6:17

I a dhros argh an Arloedh a-ji, ha'y settya yn hy le, yn kres an tylda re dhrehavsa Davydh rygdhi; ha Davydh a offrynnas offrynnow leskys hag offrynnow kres dherag an Arloedh.

1 Myghternedh 3:15

Ena Solomon a dhifunas; hunros o. Ev a dheuth dhe Yerusalem le may sevis a-rag argh kevambos an Arloedh. Ev a offrynnas offrynnow leskys hag offrynnow kres, ha provia gwledh rag oll y wesyon.

1 Myghternedh 8:63

Solomon a offrynnas avel offrynn kres dhe'n Arloedh dew warn ugens a ojyon ha hwegh-ugens mil a dheves. Ytho an myghtern hag oll an Ysraelysi a sakras chi an Arloedh.

1 Myghternedh 8:64

An keth jydh na an myghtern a sakras kres an klos esa a-rag chi an Arloedh; rag ena ev a offrynnas offrynn leskys ha'n offrynn greun, ha blonek offrynn kres, drefenn bos re vyghan an alter a vrons esa a-rag an Arloedh rag degemmeres an offrynnow leskys ha'n offrynn greun ha blonek an offrynn kres.

1 Kroniklys 16:1

I a dhros argh Duw, ha'y settya a-ji dhe'n tylda re dhrehavsa Davydh rygdhi; hag i a offrynnas offrynnow leskys hag offrynnow kres dherag Duw.

Eksodus 29:22

Ty a gemmer ynwedh blonek an hordh, ha'n lost blonegek, ha'n blonek a worher an pottys, ha stagell an avi, ha'n dhiw loneth ha'n blonek usi warnedha, ha'n vordhos dhyghow (rag yth yw hordh an urdhyans),

Lavarow Koth 23:26

Ow mab, ro dhymmo vy dha golonn, ha gwithes dha dhewlagas ow fordhow.

Ysay 53:10

Mes an Arloedh a vynnas y vrewi; ha gul dhodho godhevel; mar kwra dh'y enev bos offrynn kammweyth, ev a wel y has, ha gul dh'y dhydhyow bos hir, ha bodh an Arloedh a sewen yn y leuv.

Levitikus 17:5

Hemm yw, may trollo mebyon Ysrael aga sakrifisow a sakrifions y'n gwel igor, orth aga thri dhe'n Arloedh, dhe dharas tylda an kuntelles, dhe'n oferyas, ha'ga sakrifia avel offrynnow kres dhe'n Arloedh.

Levitikus 7:3

Hag ev a offrynn oll an blonek anodho, an lost blonegek ha'n blonek a worher an pottys.

Levitikus 8:25

Hag ev a gemmeras an blonek ha'n lost blonegek, hag oll an blonek war an pottys, ha stagell an avi ha'n dhiwloneth ha'ga blonek ha'n vordhos dhyghow.

Levitikus 9:19

ha blonek an ojyon ha'n hordh, – an lost blonegek, ha'n pyth a worher an pottys, ha'n dhiwloneth ha stagell an avi.

Niverow 7:88

hag oll an gwarthek rag an sakrifis a offrynnow kres peswar tarow warn ugens, an hordhes tri-ugens, an boghes tri-ugens, an eyn unn bloedh tri-ugens. Hemm o offrynn an sakrans rag an alter pan veu untys.

1 Samuel 10:8

Ha ty a wra mos yn-nans a-ragov dhe Gilgal, hag otta, my a dheu yn-nans dhiso jy, dhe offrynna offrynnow leskys, dhe offrynna offrynnow kres. Gorta seyth dydh bys pan dhov dhis, ha my a dhiskwa dhis pandr'a wredh.’