Levitikus 3:17 - An Bibel Kernewek 20234 (Kernewek Kemmyn)

¹⁷ Y fydh ordenans bys vykken der agas henedhow, der oll agas trigvaow, ma na dhypprowgh naneyl blonek vytholl na goes vytholl.

Levitikus 3:17 Iomraidhean Croise

Jenesis 9:4

Mes kig hag ynno y vewnans, henn yw y woes, ny wrewgh y dhybri.

2 Kroniklys 29:35

Yth esa myns bras a offrynnow leskys, war-barth gans blonek an offrynnow kres, hag yth esa offrynnow diwes rag an offrynnow leskys. Yndella servis chi an Arloedh a veu daswrys.

Nehemia 8:10

Yn eur na ev a leveris dhedha, ‘Kewgh, dybrewgh an blonek, hag evewgh an gwin hweg ha dannvenewgh rannow dhodho ev na'n jeves travyth parys ragdho. Sans yw an jydh ma dh'agan Arloedh: na bedhewgh grevys, rag lowena an Arloedh yw agas nerth.’

Eksodus 27:21

Yn tylda an kuntelles, a-ves dhe'n vayl usi a-rag an dustuni, Aron ha'y vebyon a wra y witha a'n gorthugher dhe'n myttin a-rag an Arloedh. Y fydh ordenans bys vykken dhe vebyon Ysrael der aga henedhow.

Eksodus 28:43

Hag i a vydh war Aron ha war y vebyon pan ons a-ji dhe dylda an kuntelles, po pan dhons ogas dhe'n alter dhe venystra y'n tyller sans; ma na dhokkons kabel warnedha aga honan ha merwel. Hemma a vydh ordenans bys vykken ragdho ev ha'y dhiyskynnysi war y lergh.

Ezekiel 33:25

Rakhenna, lavar dhedha, Yndellma y lever an Arloedh Duw: Hwi a dheber kig gans an goes, ha drehevel agas dewlagas dh'agas idolys, ha skoellya goes. A eritowgh an tir?

Ezekiel 44:15

Mes an oferysi leviek, mebyon Sadok, an re a withas charj a'm sentri pan eth mebyon Ysrael yn sowdhan dhiworthiv, i a dheu nes dhymm dhe'm servya, hag i a sev a-ragov dhe offrynna dhymm blonek ha goes, yn-medh an Arloedh Duw.

Ezekiel 44:7

ow tri y'n sentri estrenyon, antrodreghys aga holonn, hag antrodreghys aga hig, ow tefola ow chi, owth offrynna dhymm ow boes, an blonek ha'n goes. Hwi re dorras ow hevambos, yn oll agas taklow kasadow.

Levitikus 10:15

I a dhre mordhos an offrynn drehevys ha'n vronn wevys gans an offrynnow a vlonek gwrys dre dan, dhe wevya rag offrynn gwevys dherag an Arloedh, hag y fydh dhiso jy ha dhe'th vebyon genes avel ordenans bys vykken, dell erghis an Arloedh.

Levitikus 10:9

‘Na wrewgh hwi, naneyl ty na'th vebyon, eva gwin na korev pan entrowgh yn tylda an kuntelles, ma na verwowgh. Ordenans vydh bys vykken der agas henedhow,

Levitikus 16:29

Ha hemma a vydh ordenans ragowgh bys vykken: y'n seythves mis, yn degves dydh an mis, hwi a omjasti ha ny wrewgh ober vyth, naneyl genesik nag alyon trigys yn agas mysk,

Levitikus 16:34

Ha hemma a vydh ordenans bys vykken ragowgh, dhe wul dehwelyans rag mebyon Ysrael rag oll aga feghosow unnweyth y'n vlydhen. Hag ev a wrug dell erghis an Arloedh dhe Moyses.

Levitikus 17:7

Ytho ny wrons i na fella sakrifia aga sakrifisow dhe jevanow-gaver may horyons war aga lergh. Hemma a vydh ordenans bys vykken ragdha der oll aga henedhow.

Levitikus 19:26

Ny wrewgh hwi dybri travyth gans goes. Ny wrewgh hwi dewinieth na koela orth koelyek.

Levitikus 23:14

Ha ny wrewgh hwi dybri na bara nag ys rostys na pennow-ys glas bys y'n jydh may trowgh offrynn dh'agas Duw. Ordenans vydh bys vykken der agas henedhow, yn oll agas trigvaow.

Levitikus 23:21

Ha hwi a dheklar y'n keth jydh na, y fydh kuntelles sans ragowgh; ny wrewgh hwi ober arvethys. Ordenans yw bys vykken yn oll agas trigvaow, der agas henedhow.

Levitikus 24:3

A-ves dhe vayl an dustuni, yn tylda an kuntelles, y hwra Aron y ordena prest, dhiworth gorthugher bys y'n myttin dherag an Arloedh. Y fydh ordenans bys vykken der agas henedhow.

Levitikus 24:9

Hag ev a vydh dhe Aron ha'y vebyon, hag i a'n deber yn tyller sans, rag an moyha sans yw dhodho a offrynnow dre dan dhe'n Arloedh, kevambos bys vykken.

Levitikus 3:16

Ha'n oferyas a's lesk war an alter avel boes, offrynn dre dan avel sawer plegadow. Oll an blonek a vydh rag an Arloedh.

Levitikus 4:1

Ha'n Arloedh a gewsis orth Moyses ow leverel,

Levitikus 6:15

Hag ev a gemmer dornas anodho, a vleus fin an offrynn greun ha'y oyl hag oll y frankynkys usi war an offrynn greun, ha'y leski war an alter, y rann govadh, sawer plegadow dhe'n Arloedh.

Levitikus 6:18

Pub gorreydh yn mysk fleghes Aron a dheber anodho. Ordenans vydh bys vykken der agas henedhow dhiworth offrynnow dre dan dhe'n Arloedh. Piwpynag a's tocchyo a vydh sans.

Levitikus 6:22

Ha'n oferyas a'y vebyon a vo untys yn le y das a wra y offrynna. Ordenans bys vykken yw dhe'n Arloedh; y fydh kowlleskys.

Levitikus 7:23

Kows orth mebyon Ysrael ow leverel: Na wrewgh hwi dybri blonek a sort vyth, ojyon, davas, na gaver.

Levitikus 7:34

Rag my re gemmeras bronn an offrynn gwevys ha mordhos an offrynn drehevys dhiworth mebyon Ysrael, dhiworth sakrifisow aga offrynnow kres ha'ga ri dhe Aron an oferyas ha'y vebyon der ordenans bys vykken dhiworth mebyon Ysrael.

Levitikus 7:36

An Arloedh a erghis hemma dhe vos res dhedha gans mebyon Ysrael y'n jydh may hwrug aga untya, avel ordenans bys vykken dres aga henedhow.

Niverow 19:21

Hag y fydh ordenans bys vykken ragdha. Ev neb a skoell an dowr a lanheans a wra golghi y dhillas; hag ev neb a doch an dowr a lanheans a vydh avlan bys an gorthugher.

Matthew 16:24

Ena Yesu a leveris dh'y dhyskyblon, ‘Mar mynn nebonan dos war ow lergh, gwres ev nagha y honan ha kemmeres y grows yn-bann hag ow holya.

Matthew 26:28

rag hemm yw ow goes a'n kevambos nowydh yw skoellys rag lies dhe dhehwelyans peghosow.

Oberow 15:29

goheles boes sakrifiys dhe idolys, ha goes, ha taklow tegys, ha dijastita; ha hwi owth omwitha orth an re ma, hwi a wra yn ta. Farwell.’

Efesianys 1:7

yn neb y'gan beus daspren der y woes, gevyans peghosow, war-lergh rychys y ras

Efesianys 5:26

ma's gwrella sans, orth hy glanhe dre wolghas an dowr der an ger,

Dewteronomi 12:16

Saw unnsel an goes ny dhebrowgh; hwi a'n dinwa war an tir avel dowr.

Dewteronomi 12:23

Saw bydh sur na dhybrydh an goes, rag an goes yw an enev, ha ny dhybrydh an enev gans an kig.

Dewteronomi 12:24

Na wra y dhybri; ty a'n dinwa war an leur avel dowr.

Dewteronomi 15:23

Saw y woes ny dhybrydh; ty a'n dinwa war an gweres avel dowr.

Dewteronomi 32:14

leth kowlys a vughes ha leth a dheves, gans blonek eyn, ha hordhes megys yn Bashan, ha gever, gans an gwella gwaneth, hag a woes grappys ty a evas gwin ewynek.

1 Timothi 4:4

Rag da yw pub kreatur a Dhuw, ha nyns yw res gorra travyth dhe-ves, mars yw degemmerys gans grasyans,