Levitikus 3:1 - An Bibel Kernewek 20234 (Kernewek Kemmyn)

¹ Ha mars yw y offrynn sakrifis a'n offrynn kres, mara'n dre a'n chatel, mars yw gorow po benow, ev a dhre best heb namm dherag an Arloedh.

Levitikus 3:1 Iomraidhean Croise

1 Kroniklys 21:26

Davydh a dhrehevis alter ena dhe'n Arloedh ha sakrifia offrynnow leskys hag offrynnow kres. Ev a elwis war an Arloedh, hag ev a'n gorthybis dre dan a nev war alter an offrynn leskys.

Eksodus 20:24

Alter a dhor ty a wra dhymm ha sakrifia warnedhi dha offrynnow leskys hag offrynnow kres, dha dheves ha'th oghen; yn pub le may hwrylliv ow hanow dhe vos kovhes, my a wra dos dhis ha'th venniga.

Eksodus 24:5

Hag ev a dhannvonas gwer yowynk a vebyon Ysrael, neb a offrynnas offrynnow leskys ha sakrifia offrynnow kres a lodhnow dhe'n Arloedh.

Eksodus 29:28

Y fydh rag Aron ha'y vebyon avel ordenans bys vykken dhiworth mebyon Ysrael, rag yth yw offrynn, hag y fydh offrynn gans mebyon Ysrael dhiworth sakrifisow aga offrynnow kres, offrynn dhe'n Arloedh.

Lavarow Koth 7:14

‘Yma genev an kig gesys dhiworth sakrifisow ow offrynn kres; hag y'n jydh hedhyw re dylis ow ambosow;

Ezekiel 43:27

Wosa gorfenna an dydhyow ma, ena an oferysi a wra agas offrynnow leskys ha'gas offrynnow kres war an alter; ha my a's degemmer, yn-medh an Arloedh Duw.

Ezekiel 45:15

hag unn dhavas dhiworth pub flokk a dhew kans dhiworth peurvaow dowrhes Ysrael. Hemm yw rag an offrynn greun, ha'n offrynn leskys ha'n offrynn kres, dhe wul prenedh ragdha, yn-medh an Arloedh.

Levitikus 1:10

Ha mars yw y offrynn a'n flokk, deves po gever, rag sakrifis leskys, ev a dhre best gorow heb namm.

Levitikus 1:3

Mars yw y offrynn offrynn leskys a'n gwarthek, offrynnes ev best gorow heb namm: gwres ev y offrynna orth daras tylda an kuntelles, may kaffo favour dherag an Arloedh.

Levitikus 17:5

Hemm yw, may trollo mebyon Ysrael aga sakrifisow a sakrifions y'n gwel igor, orth aga thri dhe'n Arloedh, dhe dharas tylda an kuntelles, dhe'n oferyas, ha'ga sakrifia avel offrynnow kres dhe'n Arloedh.

Levitikus 3:6

Ha'y offrynn rag sakrifis offrynn kres dhe'n Arloedh, mars yw yn-mes a'n flokk, gorow po benow, ev a dhre best heb namm.

Levitikus 9:18

Hag ev a ladhas ynwedh an ojyon ha'n hordh rag sakrifis offrynnow kres, o a-barth an bobel; ha mebyon Aron a dhros dhodho an goes, hag ev a'n skoellyas war an alter a-dro,

Levitikus 9:4

Hag ynwedh ojyon ha hordh rag offrynnow kres dhe sakrifia dherag an Arloedh, hag offrynn greun kemmyskys gans oyl, rag hedhyw an Arloedh a omdhiskwedh dhywgh.” ’

Amos 5:22

Ha kyn offrynnowgh dhymm agas offrynnow kowlleskys ha'gas offrynnow greun, ny vynnav aga degemmeres; hag offrynnow kres a'gas bestes peskys, ny wrav vy mires warnedha.

Malaki 1:14

Mollothek yw an toeller a'n jeves gorow y'n gre ha dedhewi y ri, hag ena ev a sakrifi dhe'n Arloedh neppyth gans namm warnodho. Rag myghtern meur ov vy, yn-medh Arloedh an luyow, ha'm hanow yw ownys yn mysk an kenedhlow.

Malaki 1:8

Pan dhrowgh bestes dall dhe sakrifia, a nyns yw henna drog? Pan offrynnowgh evredh ha klav, a nyns yw henna drog? Roy ev dhe'th wovernour! A vydh ev pes da ahanas? A wra dha resseva? yn-medh Arloedh an luyow.

Niverow 15:8

Ha pan bareusydh tarow yowynk dhe'n offrynn leskys, po sakrifis rag kollenwel ambos, po rag offrynnow kres dhe'n Arloedh,

Niverow 6:14

hag ev a dhre y offrynn dhe'n Arloedh, unn oen gorow a unn bloedh heb namm rag offrynn leskys, hag unn oenes benow a unn bloedh heb namm avel offrynn pegh, hag unn hordh heb namm avel offrynn kres,

Niverow 7:17

ha rag an sakrifis a offrynnow kres, dew ojyon, pymp hordh, pymp bogh, ha pymp oen unn bloedh. Hemm o offrynn Nahshon mab Amminadab.

Niverow 7:59

ha rag an sakrifis a offrynnow kres, dew ojyon, pymp hordh, pymp bogh, ha pymp oen unn bloedh. Hemm o offrynn Gamaliel mab Pedasur.

Dewteronomi 12:27

Ty a wra dha offrynnow leskys, an goes ha'n kig, war alter an Arloedh dha Dhuw; ha goes dha sakrifisow a vydh dinewys war alter an Arloedh dha Dhuw, mes an kig y tybrydh.

Kolossianys 1:20

ha dredho dhe unnverhe pup-tra dhodho, po taklow war an nor po taklow y'n nevow, ow kul kres dre woes y grows.

Ebrowyon 10:22

nesyn gans kolonn wir yn surneth leun a fydh, agan kolonn purhes glan a debelgowses ha'gan korf golghys gans dowr pur.

1 Yowann 1:3

an pyth re welsyn ha re glewsyn a dherivyn orthowgh ynwedh, rag ma'gas bo kowethyans genen: hag yn hwir yma agan kowethyans ni gans an Tas ha gans y Vab, Yesu Krist.

Breusysi 20:26

Ena oll mebyon Ysrael, an lu dien, a dhehwelis dhe Bethel, hag a oelas, owth esedha ena a-rag an Arloedh, ow penys an jydh na bys y'n gorthugher. Ena i a offrynnas offrynnow leskys hag offrynnow kres a-rag an Arloedh.

Breusysi 21:4

Ternos a-varr an bobel a sevis, hag a dhrehevis alter ena, hag a offrynnas offrynnow leskys hag offrynnow kres.