Levitikus 27:30 - An Bibel Kernewek 20234 (Kernewek Kemmyn)

³⁰ Oll dega an tir, has an tir po frut an gwydh kyn fo, a vydh dhe'n Arloedh. Sans yw dhe'n Arloedh.

Levitikus 27:30 Iomraidhean Croise

Jenesis 14:20

Ha benniges re bo Duw Ughella neb a dhaskorras dha eskerens a-berth yn dha dhorn.’ Hag ev a ros dhodho dega a bup-tra.

Jenesis 28:22

ha'n men ma a wrugavy y settya yn-bann avel peulven a vydh chi Duw; hag a bup-tra a redh dhymm, my a re dhis an dega.’

Jenesis 47:24

Ha peskweyth may fo trevas, hwi a re an pympes rann dhe Faro, ha gwitha peder rann ragowgh hwi rag hasa y'n park ha rag boes ragowgh hwi ha'n re yn agas chiow, ha rag boes rag agas fleghes

Jenesis 47:26

Ytho Yosep a wrug hemma ordenans bys y'n jydh hedhyw a-dro dhe bow Ejyp: Faro dhe gavoes an pympes rann. Saw tir an oferysi yn unnsel ny goedhas dhe Faro.

2 Kroniklys 31:12

Yn lel i a dhug ynno an kevrohow, an degedhow ha'n taklow re bia sakrys. An pennsoedhek neb a'n jevo charj warnedha o Konania an Levyas, gans y vroder Shimei avel an nessa dhodho;

Nehemia 12:44

Y'n jydh na, gwer a veu apoyntys dhe gavoes charj a'n roumys rag an proviansow, an offrynnow, an kynsa frut ha'n degedhow, dhe guntell ynna dhiworth an gwelyow a-dro dhe'n trevow an rannow erghys der an lagha rag an oferysi ha'n Levysi; rag Yuda a lowenhas drefenn an oferysi ha'n Levysi esa ow menystra.

Nehemia 13:12

Ena oll Yuda a dhros an dega a ys, gwin nowydh, hag oyl dhe'n gwithvaow.

Nehemia 13:5

a dharbarsa dhodho chambour bras may hwithsens ynno kyns-lemmyn an offrynnow greun, an frankynkys, ha'n lestri, ha'n degedhow a ys, gwin nowydh hag oyl, ragsettys rag an Levysi, an ganoryon ha'n borthoryon, ha'n kevrohow rag an oferysi.

Levitikus 27:29

Den vytholl a vo sakrys dhe dhistruyans, ny vydh dasprenys. Ev a vydh gorrys dhe'n mernans.

Levitikus 27:31

Gour mar mynn dasprena rann y dega, ev a geworr dhodho unn pympes rann moy.

Matthew 23:23

‘Go-hwi, skribys ha Fariseow, falswesyon, rag hwi a wra degevi menta ha fenogel ha kumin ha gasa dhe goll taklow poessa an lagha, ewnder ha tregeredh ha lenduri; an re ma y koedhsa dhywgh aga gul heb dispresya an re na.

Luk 11:42

‘Mes go-hwi Fariseow! Rag hwi a dhegev menta ha ruta ha losow oll, heb gul vri a wirvreus ha kerensa Duw; y tal dhywgh gul an re ma, heb dispresya an re na.

Luk 18:12

My a wra penys heb dybri diwweyth y'n seythun, my a re dega a bup-tra a dhendilav.”

Dewteronomi 18:8

I a dheber kevrennow kehaval, war-barth gans an prow dhiworth gwerth eretons y dasow.

Dewteronomi 26:12

Wosa kowlwul degevi pub dega a'th askorr y'n tressa blydhen, blydhen an dega, ena ty a re dhe'n Levyas, dhe'n alyon, dhe'n omdhivas ha dhe'n wedhwes, may tepprons y'th yetys ha bos gwalghys.