Levitikus 26:9 - An Bibel Kernewek 20234 (Kernewek Kemmyn)

⁹ My a dreyl dhywgh, ha'gas gul feyth, ha'gas ynkressya, ha fastya ow kevambos genowgh.

Levitikus 26:9 Iomraidhean Croise

Jenesis 1:28

Ha Duw a's bennigas; ha Duw a leveris dhedha, ‘Degewgh frut ha kressya ha lenwel an nor ha'y dhova, ha rewlya puskes an mor hag ydhyn an ayr ha pub kreatur bew ow kwaya war an dor.’

Jenesis 17:20

Ha rag Yshmael, my re'th klewas. Awotta, my a wra y venniga, ha gul dhodho doen frut, ha'y gressya dres eghenn. Ev a dhineyth dewdhek pryns ha my a'n gwra dhe vos kenedhel vras.

Jenesis 22:17

my a wra dha venniga yn surredi, ha kressya dha has kepar ha ster an nevow ha kepar ha'n tewes war dreth an mor, ha'th has a wra erita yet y eskerens.

Jenesis 26:4

Ha my a vynn ynkressya dha has kepar ha ster an nev, ha my a re dhe'th has oll an powyow ma. Oll kenedhlow an norvys a vydh owth omvenniga y'th has:

Jenesis 28:14

Ha'th has a vydh kepar ha doust an dor ha ty a wra omlesa dhe'n howlsedhes, dhe'n howldrevel, dhe'n kledh ha dhe'n dyghow, hag oll teyluyow an norvys a vydh benniges ynnos hag y'th has.

Jenesis 28:3

Ha re'th vennikko Duw Ollgalloesek ha gul dhywgh doen frut hag ynkressya ha dos ha bos kemmynieth a boblow,

Jenesis 48:4

ha leverel dhymm, “Awotta, my a vynn gul dhis doen frut ha kressya; ha my a wra dhis bos kemmynieth a genedhlow; ha my a re an tir ma dhe'th has war dha lergh dh'y berghenna bys vykken.”

Jenesis 6:18

Mes genes jy my a wra fastya ow hevambos; ha ty a wra dos a-bervedh y'n gorhel, ty ha'th vebyon ha'th wreg ha gwragedh dha vebyon genes jy.

1 Myghternedh 3:8

Hag yma dha was yn mysk dha bobel re dhewissys, pobel veur, mar niverus ma na yllons bos komptys na niverys.

2 Myghternedh 13:23

Grassyes orta o an Arloedh, hag ev a'n jevo truedh warnedha. Ev a dreylyas trohag i drefenn y gevambos gans Abraham, Ysak ha Yakob, ha ny vynnas aga distrui; ha ny's tewlis dhiworth y lok bys y'n eur ma.

Nehemia 2:20

Ena my a worthybis dhedha, ow leverel, ‘Duw nev a re dhyn sewena; ha ni, y servysi, a sev ha drehevel, mes ny'gas beus rann na titel na kovadh yn Yerusalem.’

Nehemia 9:23

Ty a gressyas aga mebyon avel ster an nev, ha'ga dri a-ji dhe'n tir a leversys dh'aga thasow dh'y entra ha dh'y erita.

Salmow 107:38

Hag ev a's bennik, mayth ynkressyons yn fras, ha ny as aga gwarthek dhe lehe.

Salmow 89:3

‘My re wrug kevambos gans an den dewisys genev, my re dos dhe Davydh ow gwas:

Eksodus 1:7

ha mebyon Ysrael a dhug frut, hesya a wrussons ha palshe, ha galloesek dres eghenn ens, ha'n tiredh o lenwys gansa.

Eksodus 2:25

Ha Duw a welas mebyon Ysrael, ha Duw a's aswonnis.

Eksodus 6:4

Ynwedh my re fastyas ow hevambos gansa, dhe ri dhedha pow Kanan, an pow may hwodrigsens ynno.

Ysay 55:3

Plegyewgh agas skovarn ha dewgh dhymm; goslowewgh rag may fewo agas enev. My a wra genowgh kevambos bys vykken, ow thregeredhow lel ambosys dhe Davydh.

Yeremia 23:3

Ha my a guntell remenant ow flokk yn-mes a'n tiryow ma's fesis ha'ga dri arta dh'aga horlann, hag i a dheg froeth ha kressya.

Yeremia 23:4

Ha my a worr bugeledh warnedha dh'aga bugelya; ha ny berthons own namoy na bos dyegrys, na fyllel, yn-medh an Arloedh.

Yeremia 33:3

Galow dhymm ha my a worthyp dhis, ha derivas dhis traow meur hag andrehedhadow na aswonnsys.

Ezekiel 16:62

My a fast ow hevambos genes, ha ty a woer my dhe vos an Arloedh;

Ezekiel 36:9

Yth ov vy ragowgh, ha my a dreyl dhywgh, ha hwi a vydh gonedhys ha hesys.

Levitikus 26:15

mar skonyowgh ow ordenansow, ha mar kwra agas enev kasa ow breusow, ma na wryllowgh ow gorhemmynnow oll, mes terri ow hevambos,

Luk 1:72

dhe wul tregeredh dh'agan tasow, ha dhe berthi kov a'y gevambos sans,

Dewteronomi 28:11

An Arloedh a'th wra dhe seweni yn frut dha gorf, yn frut dha jatel, yn frut dha dir war an tir a dos an Arloedh dhe'th tasow y ri dhis.

Dewteronomi 28:4

Benniges vydh frut dha gorf, frut dha dir, ha frut dha jatel, leughi dha vughes, hag eyn dha flokk.

Dewteronomi 7:13

Ev a'th kar ha'th venniga hag ynkressya dha niver. Hag ev a vennik frut dha gorf, ha frut dha dir, dha ys ha'th win ha'th olew, leughi dha jatel, hag eyn dha flokk war an tir a dos dhe'th tasow dhe ri dhis.

Ebrowyon 8:9

dihaval dhe'n kevambos a wrug gans aga thasow y'n jydh ma's kemmeris er an dhorn ha'ga hembronk yn-mes a bow Ejyp; rag ny drigsons y'm kevambos hag yndella ny wrug vri anedha, yn-medh an Arloedh.