Levitikus 26:7 - An Bibel Kernewek 20234 (Kernewek Kemmyn)

⁷ Ha hwi a jas agas eskerens hag i a goedh dheragowgh der an kledha.

Levitikus 26:7 Iomraidhean Croise

1 Kroniklys 19:15

Pan welas an Ammonysi Aram dhe fia dhiworth soudoryon Yoab, i ynwedh a fias a-rag Abishay y vroder, ha kildenna a-ji dhe'n sita. Ena Yoab a dhehwelis dhe Yerusalem.

Ester 9:16

Ha'n Yedhewon erell esa yn rannvroyow an myghtern a omguntellas war-barth rag omdhefendya, ha powes i a's teva dhiworth aga eskerens, ha ladha an re a's kasa, pymthek ha tri-ugens a vilyow; mes war an preydh ny settsons aga leuv.

Salmow 81:15

An re a gas an Arloedh a omwrussa gostydh dhodho, ha'ga thermyn a via bys vykken.

Levitikus 26:36

Ha my a dhannvon desper yn kolonn an re ahanowgh yw gesys yn tiryow aga eskerens; ha son delenn ow krena a's chas, hag i a fi kepar ha pan vens ow fia a'n kledha, hag i a goedh pan na's siw denvyth.

Levitikus 26:6

Ha my a re kres y'n pow, ha hwi a wrowedh, ha denvyth ny wra dhywgh perthi own. Ha my a bellha tebel bestes a'n tir, ha ny vydh an kledha ow tremena der agas pow.

Levitikus 26:8

Pymp ahanowgh a jas kans, ha kans ahanowgh a jas deg mil, ha'gas eskerens a goedh dheragowgh der an kledha.

Dewteronomi 28:7

An Arloedh a wra dhe'th eskerens, a sev er dha bynn, bos gweskys a-ragos. Yth ons mes er dha bynn yn unn fordh ha fia yn seyth fordh a-ragos.

Dewteronomi 32:30

Fatell allsa unn den chasya mil, po dew fesya deg mil, mar ny's gwerthas aga Harrek, ha'n Arloedh a's daskorras.

Yoshua 23:10

Unn gour mes a'gas mysk a yll chasya mil, rag an Arloedh agas Duw a omladh ragowgh, dell ambosas dhywgh.

Breusysi 15:15

Ena ev a gavas challa yr a asen, hag ev a ystynnas y leuv ha'y synsi, ha gansa ev a ladhas mil wour.

Breusysi 4:16

ha Barak a jasyas war-lergh an charettow ha'n lu bys Harosheth-ha-goyim. Oll lu Sisera a goedhas dre vin an kledha; nyns o nagonan gesys.

Breusysi 7:23

Ha gwer Ysrael a veu gelwys dhiworth Naftali ha dhiworth Asher ha dhiworth oll Manasse, hag i a jasyas war-lergh an Midyanysi.

1 Samuel 14:13

Ha Yonathan a yskynnas yn-bann war y dhiwdhorn ha war y dhewdroes, gans deger y arvow owth holya war y lergh. Ha'n Filistysi a goedhas a-dherag Yonathan, ha deger y arvow, ow tos war y lergh, a's ladhas.