Levitikus 26:5 - An Bibel Kernewek 20234 (Kernewek Kemmyn)

⁵ Ha'gas termyn fusta a bes bys yn termyn trevas an grappys, ha trevas an grappys a bes bys yn termyn hasa; ha hwi a dheber agas bara dhe walgh, ha triga yn agas tir yn saw.

Levitikus 26:5 Iomraidhean Croise

Salmow 144:13

Re bo agan skiberyow leun, ow ri boes a bub eghenn; ha re dhineyttho agan deves milyow ha degow a vilyow yn agan gwelyow.

Salmow 90:1

A Arloedh, ty re beu agan skovva a unn henedh dhe'n nessa.

Eksodus 16:8

Ha Moyses a leveris, ‘Pan re an Arloedh dhywgh gorthugherweyth kig dhe dhybri ha myttinweyth bara dhe walgh, rag an Arloedh dhe glewes an krodhvolyow a grodhvolowgh warnodho – pyth on ni? Nyns yw agas krodhvolyow warnan ni mes war an Arloedh.’

Lavarow Koth 1:33

mes neb a woslow orthiv a wra triga yn sawder, hag a vydh attes, heb euth a dhroktra.’

Lavarow Koth 18:10

Hanow an Arloedh yw tour krev, an den gwiryon a boen a-bervedh ynno hag yw saw.

Ysay 1:19

Mars yw agas bodh ha mar pydhowgh gostydh, hwi a dheber dader an tir;

Ysay 30:23

Ev a re glaw rag dha has a hesydh y'n dor, ha bara, askorr an dor, a vydh tew ha pals. Y'n jydh na dha jatel a beur yn peurva efan;

Yeremia 23:6

Yn y dhydhyow Yuda a vydh selwys hag Ysrael a vew yn sawder. Ha hemm yw an hanow may fydh gelwys: An Arloedh agan Ewnder.

Hosea 2:18

Y'n jydh na my a wra kevambos ragdha, gans bestes an gwel, gans ydhyn an ebron, ha pryves an dor. My a dhral an warak, an kledha ha'n gas dhiworth an tir, ha my a's gwrav dhe wrowedha yn saw.

Hosea 2:20

My a wra ambos dhe'th temmedhi yn lenduri, hag ena ty a aswonn an Arloedh.

Yoel 2:19

An Arloedh a worthybis ha leverel dh'y bobel, Awotta, my a dhannvon dhywgh ys ha gwin hag oyl, ha lenwys vydhowgh gansa: ha nevra namoy ny rov dhywgh disenor yn mysk an kenedhlow.

Yoel 2:22

Na berthewgh own, hwi vestes an gwel: rag peurvaow an gwylvos yw gwyrdh; an wydhenn a dheg hy frut, an figbrenn ha'n gwinbrenn a re aga nerth.

Yoel 2:26

Hwi a dheber ha bos lenwys, ha gormel hanow an Arloedh agas Duw, neb re'gas dyghtyas marthys da, ha ny wra ow fobel perthi meth bynitha.

Amos 9:13

Otta dydhyow ow tos, yn-medh an Arloedh, may teu an aradror nes dhe'n myser, ha trettyer an grappys dhe haser an has; ha'n menydhyow a dhinwa sugen grappys, ha teudhi a wra an brennow oll.

Matthew 23:37

‘Yerusalem, Yerusalem neb a ladh an brofoesi ha labydha an re yw dannvenys dhis! Peskweyth y yeunis vy kuntell dha fleghes war-barth, kepar dell guntell yar hy yerigow yn-dann hy eskelli, mes hwi ny vynnsowgh.

Oberow 14:17

byttegyns ny asas y honan heb dustuni, rag dader ev a wra, ow ri dhywgh glaw a nev ha prysyow ow toen frut, ow lenwel agan kolonnow a voes hag a heudhder.’

Dewteronomi 11:15

My a re gwels y'th wel rag dha jatel, may typpri ha bos gwalghys.

1 Timothi 6:17

Gorhemmynn dhe'n dus yw rych y'n bys ma na vons i goethus na trestya yn rychys nag yw sur, mes yn Duw, a brof dhyn pup-tra yn rych dhe wul devnydh 'vas anodho.

1 Peder 1:5

neb yw gwithys dre alloes Duw dre fydh dhe selwyans parys dhe vos diskwedhys y'n termyn diwettha.