Levitikus 26:4 - An Bibel Kernewek 20234 (Kernewek Kemmyn)

⁴ my a re dhywgh glawyow yn aga sesonyow ha'n tir a re y drevas, ha gwydh an gwel a re aga frut.

Levitikus 26:4 Iomraidhean Croise

1 Myghternedh 17:1

Lemmyn Elias an Tishbeyas, a Tishbe yn Gilead, a leveris dhe Ahab, ‘Dell vew an Arloedh, Duw Ysrael, mayth esov ow sevel a-dheragdho, ny vydh na gluth na glaw an blydhynyow ma, marnas my a re an ger’

Job 5:10

Ev a re glaw war an norvys ha dannvon dowrow war an gwelyow;

Salmow 104:13

Ev a dhowrha an menydhyow dhiworth y jambouryow; an nor yw lenwys a frut dha oberow.

Salmow 67:6

An dor re ros y drevas; Duw, agan Duw re'gan bennigas.

Salmow 67:7

Duw re'gan bennikko; ha perthes own anodho oll pennow an norvys.

Salmow 68:9

Ty, A Dhuw, a wrug glaw hel dhe goedha; ty a gennerthas dha ertach pan o skwith.

Salmow 85:12

Yn hwir an Arloedh a re dader, ha'gan tir a re y drevas.

Salmow 85:13

Ewnder a a-dheragdho, ha kres a gerdh yn fordh y olow.

Ysay 30:23

Ev a re glaw rag dha has a hesydh y'n dor, ha bara, askorr an dor, a vydh tew ha pals. Y'n jydh na dha jatel a beur yn peurva efan;

Ysay 5:6

My a's gwra difeyth; ny vydh skethrys, na ny vydh kravellys, mes spedhas ha spern a dyv ena. My a wra gorhemmynn dhe'n kommol ma na rollons glaw warnedhi.

Yeremia 14:22

Eus yn mysk idolyow an kenedhlow nebonan a yll gwruthyl glaw? Po a yll an nevow aga honan ri kowasow? A nyns yw ty, A Arloedh agan Duw? Ytho yma agan govenek ynnos, rag ty re wrug oll an traow ma.

Ezekiel 36:30

My a voghha froeth an gwydh hag askorr an gwel, ma na berthowgh arta skorn an kenedhlow drefenn divoetter.

Yoel 2:22

Na berthewgh own, hwi vestes an gwel: rag peurvaow an gwylvos yw gwyrdh; an wydhenn a dheg hy frut, an figbrenn ha'n gwinbrenn a re aga nerth.

Levitikus 25:19

Ha'n tir a re y frut ha hwi a dheber dha walgh ha triga ynno yn sawder.

Levitikus 25:21

ena my a ergh ow bennath dhe dhos dhywgh y'n hweghves blydhen, ha hi a re dhywgh frut rag teyr blydhen.

Zekaria 8:12

An has a wra tevi yn kres, an gwinbrenn a re y frut, an tir a re y drevas, ha'n nevow a re aga gluth. My a re oll an taklow ma avel eretons rag remenant an bobel ma.

Matthew 5:45

may hallowgh hwi bos mebyon agas Tas eus y'n nevow, rag ev a wra dh'y howl drehevel keffrys war an re dhrog ha'n re dha, hag a dhannvon an glaw war an re ewnhynsek ha'n re gammhynsek.

Oberow 14:17

byttegyns ny asas y honan heb dustuni, rag dader ev a wra, ow ri dhywgh glaw a nev ha prysyow ow toen frut, ow lenwel agan kolonnow a voes hag a heudhder.’

Dewteronomi 11:13

Mar koslewowgh devri ow gorhemmynnow esov ow korhemmynna dhywgh hedhyw, dhe gara an Arloedh agas Duw ha dh'y servya gans oll agas kolonn ha gans oll agas enev,

Dewteronomi 11:14

ena y rov glaw rag agas tiredh yn y dermyn, an glaw a-varr ha'n glaw diwedhes, rag may kuntelli dha ys ha'th win ha'th olew.

Dewteronomi 28:12

An Arloedh a iger y dresorva dha, an nevow, dhe ri glaw dhe'th tir yn y seson ha dhe venniga oll an ober a'th leuv; ty a brest dhe lies kenedhel mes ty, ny gevydh prestenn.

Jamys 5:7

Ytho, perthewgh, a vreder bys yn devedhyans an Arloedh. Otta, an tiek a worta frut drudh an dor, meur y berthyans yn y gever, erna dhegemmerro an glaw a-varr ha'n glaw diwedhes.

Diskwedhyans 11:6

Gans an re ma, yma galloes dhe dhegea an ebron, ma na goettho glaw yn dydhyow aga frofoesans, hag yma gansa galloes war dhowrow dh'aga threylya dhe woes, ha gweskel an dor gans pub pla mar venowgh dell vynnons.