Levitikus 26:39 - An Bibel Kernewek 20234 (Kernewek Kemmyn)

³⁹ Ha'n re ahanowgh yw gesys a wra yn aga hammweyth yn tiryow agas eskerens; hag i a beder yn kammweyth aga thasow keffrys.

Levitikus 26:39 Iomraidhean Croise

2 Kroniklys 34:24

Yndellma y lever an Arloedh: Otta, my a dhre terroesa war an tyller ma ha war y drigoryon, oll an mollothow yw skrifys y'n lyver a veu lennys a-rag myghtern Yuda.

Ezra 9:7

A-dhia dhydhyow agan tasow bys an jydh hedhyw agan kammweyth re beu meur; hag a-barth agan drogoberow re beu ni ha'gan myghternedh ha'gan oferysi delivrys yn leuv myghternedh an powyow, dhe'n kledha, dhe gethneth, ha dhe breydh, ha dhe uvelheans, dell yw y'n jydh hedhyw.

Nehemia 1:9

mes mar tehwelowgh dhymm ha gwitha ow gorhemmynnow ha'ga gul, kyn fens dha dhifresow fesys dhe'n pella rann a'n nev, my a vynn aga huntell alena ha'ga dri bys y'n tyller may tewisis dhe worra ow hanow.”

Eksodus 20:5

Na ombleg a-ragdha na'ga servya; rag my an Arloedh dha Dhuw yw Duw avius, ow kessydhya kammweyth an tasow war an fleghes bys an tressa ha peswora henedh a'n re a'm kas,

Eksodus 34:7

ow kwitha tregeredh rag milyow, ow kava kammweyth ha kammdremenans ha pegh, mes neb na as an re gablus heb kessydhyans, ow korra kammweyth an tasow war an fleghes, ha war fleghes an fleghes dhe'n tressa ha'n peswora henedh.’

Ysay 14:21

Pareusewgh ladhva rag y vebyon drefenn peghosow aga thasow; ma na saffons hag erita an tir ha lenwel enep an nor a sitys.

Ysay 24:16

Dhiworth finyow an nor ni a glew kanow, splannder dhe'n Gwiryon. Yn-medhav, Tanowhes ov, tanowhes, go-vy! Traytours a drayt, traytours a drayt yn pur dhevri.

Yeremia 29:12

Ena hwi a elow warnav, hag yth ewgh ha pysi warnav, ha my a'gas klew.

Yeremia 3:25

Ni a wrowedh yn agan meth, ha'gan despit a'gan kudh: rag ni re beghas erbynn an Arloedh agan Duw, ni ha'gan tasow, a-dhia agan yowynkneth ha hwath bys y'n jydh ma, ha ny obayson lev an Arloedh agan Duw.’

Yeremia 31:29

Y'n dydhyow na ny leverons namoy: ‘Tasow re dhybris gwinreun trenk, ha dyns fleghes a dheuth ha bos sogh.’

Kynvannow 1:3

Yuda res eth yn divroedh wosa galar ha wosa gwasonieth kales; hi a drig yn mysk an kenedhlow; mes ny gyv powesva; hy helghysi oll re settyas dalghenn ynni yn kres hy foenvos.

Kynvannow 4:9

Gwynnvys an re yw ledhys gans an kledha drefenn fowt askorr an gwel.

Ezekiel 18:19

Mes hwi a lever, ‘Prag na dheg an mab anewnder an tas?’ Pan wrug an mab an pyth yw lafyl hag ewn, ha re waytyas gul oll ow ordenansow, ev a vew yn surredi.

Ezekiel 20:43

Ena hwi a berth kov a'gas fordhow, hag oll agas drogoberow may fewgh defolys dredha; ha kasadow dhywgh agas honan a vydh oll agas drogoberow a wrussowgh.

Ezekiel 24:23

Agas tulyfantys a vydh war agas pennow, ha'gas sandalyow war agas treys. Ny gynowgh na ny oelowgh, mes hwi a wra pedri yn agas kammweythresow, ha hanasa an eyl dh'y gila.

Ezekiel 33:10

Ha ty, A vab den, lavar dhe ji Ysrael, Yndella y leversowgh, ‘Beghys on i gans agan kammweythresow ha'gan peghosow, ha ni a wra pedri ynna: ytho fatell vewyn?’

Ezekiel 36:31

Ena hwi a berth kov a'gas drog fordhow ha'gas gweythresow na vons da; ha hwi a wra divlasa agas honan rag agas kammweythresow ha'gas gwriansow kasadow.

Ezekiel 4:17

rag bara ha dowr a fyll; skruth a's kemmer, ow mires an eyl orth y gila, hag i a wra pedri yn aga hammweyth.

Ezekiel 6:9

An re ahanowgh a skap a wra ow kovhe y'n kenedhlow mayth yns i degys yn kethneth, fatell ov vy terrys gans aga holonn avoutrek a dreylyas a-dhiworthiv, ha gans aga dewlagas ow horya war-lergh aga idolys. Kasa aga honan a wrons dre reson an drogow a wrussons rag oll aga thaklow kasadow.

Hosea 5:15

My a wra mos ha dehweles dhe'm tyller, bys mayth aswonnons aga offens, ha hwilas ow fas; yn aga ahwer i a'm hwila dihwans.

Zekaria 10:9

Kyn y's skattrav avel has yn mysk an poblow, hwath yn gwlasow pell i a berth kov ahanav. I ha'ga fleghes a vew, hag i a dhehwel.

Niverow 14:18

“An Arloedh yw lent ow serri, lenwys a dregeredh, ow kava kammweyth ha peghadow, mes ny vynn war neb kor klerhe an re gablus, ow kessydhya kammhynseth tasow war fleghes, war an tressa ha'n peswora henedh.”

Dewteronomi 28:65

Hag yn mysk an kenedhlow ma ny' fydh powes, ha ny vydh powesva dhe wodhen dha droes. Ena an Arloedh a re dhis kolonn a gren, ha dewlagas a fyll, hag enev ydhil.

Dewteronomi 30:1

Pan dheu oll an taklow ma warnas, an vennath ha'n mollothow a wrugavy aga settya a-ragos, ha ty a wra aga dri arta dhe'th kolonn yn oll an kenedhlow le may hwra an Arloedh dha Dhuw dha skattra dhi,

Dewteronomi 5:9

Na ombleg a-ragdha na'ga servya; rag my an Arloedh dha Dhuw yw Duw avius, ow tri kessydhyans kammweyth an tasow war an fleghes bys y'n tressa ha peswora henedh a'n re a'm kas,

Dewteronomi 8:20

Kepar ha'n kenedhlow usi an Arloedh orth aga distrui a-ragowgh, yndella y fydhowgh distruys, drefenn na woslewsowgh dhe lev an Arloedh agas Duw.