Levitikus 26:36 - An Bibel Kernewek 20234 (Kernewek Kemmyn)

³⁶ Ha my a dhannvon desper yn kolonn an re ahanowgh yw gesys yn tiryow aga eskerens; ha son delenn ow krena a's chas, hag i a fi kepar ha pan vens ow fia a'n kledha, hag i a goedh pan na's siw denvyth.

Levitikus 26:36 Iomraidhean Croise

Jenesis 35:5

Ena i eth yn-kerdh. Yth esa own Duw war an sitys a-dro dhedha, ha ny wrussons siwya mebyon Yakob.

Jenesis 4:12

Pan wonedhydh an dor, alemma rag ny vynn ev ri dhis y nerth. Ty a vydh gwandryas diannedh war an nor.’

2 Kroniklys 14:14

I a weskis oll an sitys yn kyrghynn Gerar, rag yth esa own an Arloedh warnedha. I a ravnas oll an sitys, rag yth esa meur a breydh ynna.

Job 13:25

A vynnydh tormentya delenn hwythys gans an gwyns? a vynnydh chasya kulyn sygh?

Salmow 53:5

Ena yth esens i yn own bras yn tyller ma nag esa own; rag Duw re skattras eskern an den a gampyas a-dro dhis; ty re wrug mewl dhedha, rag Duw dh'aga dispresya.

Salmow 53:6

A teffa selwyans Ysrael yn-mes a Sion! Pan dreyl Duw kethneth y bobel, Yakob a vydh lowen, ha heudhik vydh Ysrael.

Salmow 89:43

Ty re dreylyas min y gledha, ha ny'n gessys dhe sevel y'n gas.

Lavarow Koth 28:1

An debeles a fi dhe'n fo pan nag eus helghyas, mes an re wiryon yw maga hardh avel lew.

Ysay 30:17

Mil a fi a-rag godros onan; rag godros pymp hwi a fi, bys may fowgh gesys avel gwelenn-vaner war benn menydh, avel tokyn war vre.

Ysay 7:2

Y feu derivys dhe ji Davydh, ow leverel, ‘Aram yw keffrysyas Efraym’; ha'y golonn ha kolonn y bobel a grenas kepar dell gren gwydh an koes a-rag an gwyns.

Ysay 7:4

Ty a lever dhodho, Bydh war, hag omwith kosel. Na borth own, na vydh digolonnek drefenn an dhew stokk ma a yttewi ow megi, drefenn sorr fers Resin hag Aram ha mab Remalia.

Yeremia 37:10

Hwath mar fethsowgh lu kowal an Kaldeanys a omladh er agas pynn, ha ny wortas marnas gwer wanyes, pubonan yn y dylda, i a sev ha leski an sita ma gans tan.

Yeremia 46:16

Dha lu a drebuchyas ha koedha, ha leverel an eyl dh'y gila, ‘Dewgh, dehwelyn dh'agan pobel agan honan ha dhe dir agan genesigva, drefenn kledha an arwasker.’

Kynvannow 1:3

Yuda res eth yn divroedh wosa galar ha wosa gwasonieth kales; hi a drig yn mysk an kenedhlow; mes ny gyv powesva; hy helghysi oll re settyas dalghenn ynni yn kres hy foenvos.

Kynvannow 1:6

Omdennys yw dhiworth myrgh Sion oll hy meuredh, hy fennsevigyon yw kepar ha kerwys na yllons kavoes peurva; i a fias dhe'n fo heb galloes a-rag an helghyas.

Kynvannow 4:19

Skaffa veu agan helghysi ages eryon an nevow; war an menydhyow i a'gan chasyas, y'n difeythtir i a'gan kontrewaytyas.

Ezekiel 21:12

Garm hag oul, A vab den, rag yth yw erbynn ow fobel, yth yw erbynn oll pennsevigyon Ysrael. Tewlys yns dhe'n kledha war-barth gans ow fobel. Rakhenna hwett dha vordhos!

Ezekiel 21:15

Rag may teuttho kolonnow ha'n re a goedh bos lies. Orth oll aga yetys my re worras kledha rag ladhva. Ogh, gwrys yw rag lughesi, rutys splann rag an ladhva.

Ezekiel 21:7

Ha pan leverons dhis, ‘Prag yth esos ow hanasa?’ ty a lever, ‘Rag an nowodhow yw devedhys. Pub kolonn a deudh, ha pub leuv a vydh ydhil; pub spyrys a glamder, ha pub glin a dreyl dhe dhowr. Otta, hemma a dheu hag a hwyrvydh’, yn-medh an Arloedh Duw.

Hosea 8:3

Ysrael re naghas dader; eskar a wra y helghya.

Levitikus 26:17

Ha my a sett ow fas er agas pynn, ha hwi a vydh gweskys dherag agas eskerens. An re a'gas kas a rewl warnowgh, ha hwi a fi pan na'gas siw denvyth.

Levitikus 26:35

Oll dydhyow y dhifeythter ev a bowes, rag ny bowesas yn agas sabotys, pan esowgh hwi trigys ynno.

Dewteronomi 1:44

Ha'n Amorysi, esa trigys y'n menydh na, a dheuth yn-mes dh'agas metya ha'gas chasya kepar ha hes gwenen ha'gas terri dhe demmyn yn Seir bys yn Horma.

Yoshua 5:1

Pan glewas oll myghternedh an Amorysi a'n howlsedhes dhe'n Yordan, hag oll myghternedh an Kananysi ryb an mor, an Arloedh dhe dhesygha dowrow an Yordan a-rag mebyon Ysrael bys pan dreussens, aga holonn a deudhis, ha nyns esa ynna spyrys na fella, drefenn mebyon Ysrael.

Yoshua 7:5

Gwer Ay a ladhas a-dro dhe hwetek warn ugens anedha, ha'ga helghya dhiworth an yet bys y'n Shebarim ha'ga ladha war an leder. Kolonn an bobel a deudhis hag eth ha bos dowr.

1 Samuel 17:24

Oll gwer Ysrael, pan welsons an gour, a fias anodho, ha perthi own bras.