Levitikus 26:31 - An Bibel Kernewek 20234 (Kernewek Kemmyn)

³¹ Ha my a wra agas sitys magoryow ha'gas sentris dibobel, ha ny vynnav blasa agas saweryow plegadow.

Levitikus 26:31 Iomraidhean Croise

Jenesis 8:21

Ha'n Arloedh a vlasas an sawer plegadow, ha'n Arloedh a leveris yn y golonn, ‘Ny wrav vy mollethi an dor namoy drefenn mab-den; rag drog yw bodh kolonn mab-den a-dhia y yowynkneth. Ny wrav namoy gweskel pub tra vew, dell wrug vy.

2 Myghternedh 22:19

drefenn bos dha golonn medhel, ha ty dhe vos uvel a-dherag an Arloedh, pan glewsys an pyth a leveris vy erbynn an tyller ma, hag erbynn y annedhysi, mayth ellens ha bos euth ha molleth, ha skwardya dha dhillas, hag oela a-dheragov, my ynwedh re glewas, a lever an Arloedh.

2 Kroniklys 36:19

I a loskas chi Duw, i a dorras dhe'n dor fos Yerusalem; i a loskas oll hy falesyow gans tan, hag a dhiswrug oll hy lestri drudh.

Nehemia 1:3

Yn-medhons dhymm, ‘An remenant yw gesys a'n gethneth ena y'n rannvro yw yn galar bras ha mewl; ynwedh fos Yerusalem yw terrys dhe'n dor, ha'y yetow leskys gans tan.’

Nehemia 2:17

Ena my a leveris dhedha, ‘Hwi a wel an ahwer eson ni ynno, fatell yw Yerusalem difeyth, ha'y yetow leskys gans tan. Dewgh, ha drehevyn ni fos Yerusalem, ma na vydhyn synsys yn disenor namoy.’

Nehemia 2:3

My a leveris dhe'n myghtern, ‘Re vewo an myghtern bys vykken! Prag na via ow fas trist, pan yw difeyth an sita, tyller bedhow ow thasow, ha hy yetow re beu distruys gans tan?’

Ysay 1:7

Agas tir yw ynyal, agas sitys leskys gans tan; yn agas lok estrenyon a dhevor agas tir, hag ynyal yw, kepar dell ve domhwelys gans estrenyon.

Ysay 6:11

Ena my a leveris, ‘Pes termyn, A Arloedh?’ Hag ev a leveris, ‘Bys pan vydh sitys diswrys, heb annedhyas, ha chiow heb den, ha'n tir distruys ha difeyth;

Ysay 63:18

Rag termyn kott dha bobel sans a'n eritas, mes lemmyn agan eskerens re drettyas dha sentri yn-dann dreys.

Ysay 64:9

Na sorr dres eghenn, A Arloedh, ha na borth kov a anewnder bys vykken. Otta mir, ni oll yw dha bobel.

Ysay 66:3

Ladher ojyon yw kepar ha ladher gour; neb a sakrifi davas yw avello ev neb a derr konna ki; neb a dhrehav offrynn greun yw avello ev neb a offrynn goes hogh; neb a offrynn rann kovadh a frankynkys yw avello ev neb a vennik idol. I re dhewisas aga fordhow, hag yn aga thaklow kasadow aga enev y'n jeves delit.

Yeremia 22:5

Mes mar ny woslewowgh orth an geryow ma, my a de re'm honan, yn-medh an Arloedh, y fydh an chi ma magor.

Yeremia 26:6

ena my a wra an chi avel Shilo ha gul an sita ma bos molleth dhe oll genedhlow an nor.

Yeremia 26:9

Prag y profoessys yn hanow an Arloedh, ow leverel, “An chi ma a vydh avel Shilo, ha'n sita ma a vydh ynyal, heb annedhyas”?’ Hag oll an bobel a omguntellas a-dro dhe Yeremia yn chi an Arloedh.

Yeremia 4:26

My a viras, hag otta an tir feyth o gwylvos, hag oll y sitys o terrys a-rag an Arloedh, hag a-rag y sorr fers.

Yeremia 4:27

Rag yndella an Arloedh re leveris: An tir oll a vydh ynyal; mes hwath ny wrav vy kowldhistrui.

Yeremia 4:7

An lew yw devedhys yn-bann a-dhiworth y brysk, hag yma distruer an kenedhlow war y fordh: ev yw gyllys yn-rag a-dhiworth y dyller dhe wul dha dir ynyal; ha dha sitys a vydh gwastys, heb annedhyas.

Yeremia 44:2

Yndellma y lever Arloedh an luyow, Duw Ysrael: Hwi re welas oll an anfeusi a dhres war Yerusalem hag oll sitys Yuda. Hag otta, hedhyw ynyal yns, ha heb annedhyas ynna,

Yeremia 44:6

Ytho ow sorr hag ow honnar a veu dinewys hag enowys yn trevow Yuda ha stretow Yerusalem; hag i yw gwastys hag ynyal kepar hag y'n jydh hedhyw.

Yeremia 52:13

Ev a loskas chi an Arloedh, ha chi an myghtern, hag oll chiow Yerusalem; pub chi meur ev a loskas gans tan.

Yeremia 9:11

Ha my a wra dhe Yerusalem bos kalsow meyn, ha fow owrgeun; ha my a wra dhe sitys Yuda bos ynyal, heb annedhyas.

Kynvannow 1:1

1 Ass yw an sita owth esedha digoweth hag o leun a dus! Ass yw hi gyllys kepar ha gwedhwes, hag o meur y'n kenedhlow! Neb o pennseviges y'n powyow re beu gorrys yn keth dhe hwel krev.

Kynvannow 1:10

An eskar re ystynnas y dhorn war oll hy fythow drudh; rag hi re welas an kenedhlow dhe entra yn hy thyller sans, an re a dhifennsys jy orta mayth entrons y'th kuntelles.

Kynvannow 2:6

Ev re ravnas y skovva kepar ha lowarth, ev re dhistruis y dabernakel; an Arloedh re wrug dhe woel ha sabot bos ankevys yn Sion, ha fell y sorr ev re dhispresyas myghtern hag oferyas.

Kynvannow 2:7

An Arloedh re skonyas y alter, ha nagha y sentri; ev re ros yn leuv an eskar fosow hy lysyow; i a dhrehevis tros yn chi an Arloedh kepar dell ve yn dy'goel.

Ezekiel 12:20

An trevow annedhys a vydh ynyal ha'n tir a vydh gwastyes; ha hwi a woer my dhe vos an Arloedh.

Ezekiel 21:15

Rag may teuttho kolonnow ha'n re a goedh bos lies. Orth oll aga yetys my re worras kledha rag ladhva. Ogh, gwrys yw rag lughesi, rutys splann rag an ladhva.

Ezekiel 21:7

Ha pan leverons dhis, ‘Prag yth esos ow hanasa?’ ty a lever, ‘Rag an nowodhow yw devedhys. Pub kolonn a deudh, ha pub leuv a vydh ydhil; pub spyrys a glamder, ha pub glin a dreyl dhe dhowr. Otta, hemma a dheu hag a hwyrvydh’, yn-medh an Arloedh Duw.

Ezekiel 24:21

Lavar dhe ji Ysrael, Yndellma y lever an Arloedh Duw: Awottavy ow tisakra ow sentri, goeth agas nerth, desir agas dewlagas, ha delit agas enev. Agas mebyon ha'gas myrghes, a wrussowgh aga gasa, a goedh der an kledha.

Ezekiel 6:6

Yn oll agas annedhow an sitys a vydh difeythys; agas tylleryow ughel a vydh distruys, may fydh agas idolys terrys ha diswrys, agas alteryow ynkys treghys dhe'n dor, ha'gas oberow defendys dhe-ves.

Ezekiel 9:6

Ledhewgh henavek, den yowynk, ha gwyrghes, ha flogh, ha benynes; mes pub gour may ma an merk warnodho na dhewgh nes dhodho. Dallethewgh dhiworth ow sentri.’ Ytho i a dhallathas gans an henavogyon esa a-rag an chi.

Daniel 2:46

Ena myghtern Nebukadnessar a goedhas war y fas, hag omblegya a-rag Daniel; hag erghi may fe res dhodho offrynn hag ynkys.

Amos 7:9

Tylleryow ughel Ysak a vydh forsakys, ha sentris Ysrael a vydh difeythys ha my a sev erbynn chi Yeroboam gans an kledha.

Mika 3:12

Rakhenna, a-barth dhywgh hwi, Sion a vydh erys par ha gwel; Yerusalem a dheu ha bos bern a vagoryow, Arloedh ha menydh an chi a vydh drumm gwydhyel.

Sefania 3:6

My re droghas an kenedhlow yn-mes: forsakys yw aga thouryow; my a dhifeythyas aga stretow ma na dremen denvyth: distruys yw aga sitys, heb denvyth, heb annedhyas.

Luk 21:24

i a goedh dre vin an kledha hag a vydh kemmerys yn keth dhe oll an kenedhlow, ha Yerusalem a vydh trettys yn-dann dreys an Jentilys, bys pan vo termynyow an Jentilys kowlwrys.

Oberow 6:14

Rag ni re'n klewas ow leverel y hwra an Yesu ma a Nazareth distrui an tyller ma ha chanjya an usyow a ros Moyses dhyn.’

Ebrowyon 10:26

Rag mar peghyn a'gan bodh wosa degemmeres aswonnvos leun a'n gwiryonedh, nyns eus gesys namoy sakrifis rag peghosow,