Levitikus 26:30 - An Bibel Kernewek 20234 (Kernewek Kemmyn)

³⁰ Ha my a dhiswra agas tylleryow ughel, ha terri dhe'n dor agas alteryow ynkys, ha tewlel agas korfow war gorfow agas idolys, ha'm spyrys a wra agas aborrya.

Levitikus 26:30 Iomraidhean Croise

Jenesis 19:13

rag ni a vynn distrui an tyller ma rag bos aga garm gyllys bras dherag an Arloedh, ha'n Arloedh re'gan dannvonas dh'y dhistrui.’

1 Myghternedh 13:2

Ev a grias erbynn an alter dre er an Arloedh, ha leverel. ‘A alter, alter, yndellma y lever an Arloedh: “Mab a vydh genys dhe ji Davydh, Yosia y hanow; hag ev a sakrifi warnas oferysi an tylleryow ughel a lesk offrynnow warnas, hag eskern denel a vydh leskys warnas.” ’

1 Myghternedh 13:32

Rag an lavar a grias dre er an Arloedh erbynn an alter yn Bethel hag erbynn oll chiow an tylleryow ughel usi yn sitys Samaria, yn sur a dheu ha hwarvos.’

2 Myghternedh 23:16

Yosia a dreylyas ha gweles an bedhow esa ena war an vre, hag ev a dhannvonas tus dhe gemmeres an eskern dhiworth an bedhow ha'ga leski war an alter ha'y defola, herwydh ger an Arloedh kewsys gans gour Duw, a dharganas an taklow ma.

2 Myghternedh 23:20

Ev a ladhas war an alteryow oll oferysi an tylleryow ughel esa ena, ha leski eskern denel warnedha. Ena ev a dhehwelis dhe Yerusalem.

2 Myghternedh 23:8

Ev a dhros oll an oferysi yn-mes a sitys Yuda, ha defola an tylleryow ughel may losksa an oferysi sakrifisow, dhiworth Geba bys Beer-sheba; ev a dorras dhe'n leur tylleryow ughel an yetow esa orth entrans yet Yoshua, governour an sita, esa a'n kledh orth yet an sita.

2 Kroniklys 23:17

Ena oll an bobel eth dhe ji Baal ha'y denna dhe'n dor; y alteryow ha'y imajys a dorrsons yn temmigow, hag i a ladhas Mattan, oferyas Baal, a-rag an alteryow.

2 Kroniklys 31:1

Pan veu oll henna gorfennys, oll Ysrael esa ena eth yn-mes dhe sitys Yuda hag a droghas an peulveyn, ha terri dhe'n dor an Asherim, ha distrui an tylleryow ughel ha'n alteryow der oll Yuda ha Benyamin hag yn Efraym ha Manasse, bys pan y's diswrussens oll. Ena pobel Ysrael a dhehwelis dh'aga sitys, pubonan dh'y berghennogeth y honan.

Salmow 106:40

Rakhenna sorr an Arloedh a dhewis erbynn y bobel, hag ev a aborryas y ertach y honan.

Salmow 89:38

Mes ty re dewlis dhe-ves ha skonya; ty re sorras orth dha Untys.

Ysay 27:9

Rakhenna, yndellma anewnder Yakob a vydh prenys, ha hemma a vydh an frut leun ow treylya dhe-ves y begh: pan worr oll meyn an alter avel meyn krey dralyes, ny sev Asherim nag alteryow ynkys.

Yeremia 14:19

A wruss'ta denagha Yuda yn tien? A wrug dha enev kasa Sion? Prag y hwruss'ta agan gweskel ma na vydh yaghheans dhyn? Ni a hwilas kres mes nyns eus dader: rag termyn yeghes, hag otta browagh.

Yeremia 16:18

Hag yn kynsa my a attal rag aga hammhynseth ha'ga fegh yn tewblek; drefenn i dhe dhefola ow thir gans korfow aga idolys, ha lenwel ow eretons gans aga thaklow kasadow.

Ezekiel 16:39

My a'th re yn aga leuv, hag i a dewl yn-nans dha wrowedhva, ha terri dha dylleryow ughel; i a dhestrypp dha dhillas, ha kemmeres dha emmweyth, hag i a'th as noeth ha lomm.

Ezekiel 43:7

Yn-medh ev dhymm: Mab den, hemm yw tyller ow thron ha tyller godhnow ow threys may trigav ena yn mysk mebyon Ysrael bys vykken. Ny wra chi Ysrael defola ow hanow sans, naneyl i na'ga myghternedh, gans aga horyans, ha gans peulveyn aga myghternedh wosa i dhe verwel.

Ezekiel 6:13

Ena hwi a woer my dhe vos an Arloedh, pan vydh aga re ledhys yn mysk aga idolys a-dro dh'aga alteryow, war bub bronn ughel, war oll pennow an menydhyow, hag yn-dann bub gwydhenn las, hag yn-dann bub terebinthenn dhelyek, le may rosons ena sawer plegadow dhe oll aga idolys.

Hosea 10:2

Aga holonn yw fals; lemmyn i a berth an kessydhyans a'ga offens. Ev a wra dralya aga alteryow, ha distrui aga feulveyn.

Levitikus 20:23

Ha ny wrewgh hwi kerdhes war-lergh ordenansow an genedhel a dowlav yn-mes dheragowgh, rag i re wrug oll an taklow ma, ha my a's kasas.

Levitikus 26:11

Ha my a sett ow thabernakel yn agas mysk, ha ny wra ow spyrys agas aborrya.

Levitikus 26:15

mar skonyowgh ow ordenansow, ha mar kwra agas enev kasa ow breusow, ma na wryllowgh ow gorhemmynnow oll, mes terri ow hevambos,

Amos 6:8

An Arloedh Duw re dos ren y enev y honan (yn-medh an Arloedh, Duw an luyow): Kas genev yw goeth Yakob, ha kas genev yw y balesyow; ha my a dhaskorr an sita ha pup-tra eus ynni.

Amos 7:9

Tylleryow ughel Ysak a vydh forsakys, ha sentris Ysrael a vydh difeythys ha my a sev erbynn chi Yeroboam gans an kledha.

Dewteronomi 32:19

Mes an Arloedh a welas ha'ga skonya, serrys gans y vebyon ha'y vyrghes.