Levitikus 26:25 - An Bibel Kernewek 20234 (Kernewek Kemmyn)

²⁵ Ha my a dhre kledha warnowgh dhe dhiella an kevambos; ha pan owgh hwi kuntellys war-barth a-berth yn agas sitys, my a dhannvon an pla yn agas mysk, ha hwi a vydh res a-ji dhe dhorn an eskar.

Levitikus 26:25 Iomraidhean Croise

2 Samuel 24:15

Ytho an Arloedh a dhannvonas pla war Ysrael dhiworth an myttin na bys y'n termyn apoyntys, hag y ferwis ena a'n bobel dhiworth Dan bys yn Beer-sheba deg ha tri-ugens a vilyow a dus.

1 Myghternedh 8:33

‘Pan vydh tryghys dha bobel Ysrael a-rag eskerens, wosa pegha er dha bynn, ha treylya arta dhis hag avowa dha hanow, ha pysi ha pledya genes y'n chi ma,

1 Myghternedh 8:37

‘Mars eus divoetter y'n tir, mars eus pla, kleves losk, kleves melynheans, hes a lokustes, po lokustes distruel; mar pydh aga eskerens yn esedhva warnedha yn onan a'ga sitys; py pla pynag po kleves pynag yma;

2 Myghternedh 17:3

Shalmaneser myghtern Assyria a dheuth yn-bann er y bynn; Hoshea re bia y omajer ha re rosa trubyt dhodho.

2 Kroniklys 24:24

Lu Aram re dhothya gans niver byghan a wer, mes an Arloedh a ros ynter aga diwla lu fest bras, drefenn i dhe asa an Arloedh, Duw aga thasow. Yndella i a gowlwrug breus war Yoash.

Salmow 94:1

A Arloedh, ty Dhuw a dhial, ty Dhuw a dhial, omdhiskwa.

Eksodus 5:3

Ena y lavarsons, ‘Duw an Ebrowyon re vetyas genen; gas ni dhe vones, ni a'th pys, vyaj a dri dydh y'n gwylvos hag offrynna dhe'n Arloedh agan Duw ma na goettho warnan gans pla po gans an kledha.’

Ysay 1:20

mes mar skonyowgh ha rebellya, hwi a vydh dybrys gans an kledha; rag ganow an Arloedh re gewsis.

Ysay 65:12

My a wra agas destna rag an kledha, ha hwi oll a ombleg dhe'n ladhva; rag my a'gas gelwis, mes ny worthybsowgh, my a gewsis mes ny glewsowgh. Hwi a wrug drog a-wel dhymm ha dewis an dra na veu plegadow dhymm.

Yeremia 19:7

Ha my a wra euver kusul Yuda ha Yerusalem y'n tyller ma; ha my a wra dhedha koedha gans an kledha a-rag aga eskerens, ha gans leuv an re a hwila aga bewnans; ha my a re aga horfow marow dhe vos boes rag ydhyn an nev, ha rag bestes an nor.

Yeremia 24:10

Ha my a dhannvon an kledha, divoetter, ha'n pla yntredhon, bys pan vydhons distruys yn tien a'n tir a res dhedha ha dh'aga thasow.

Yeremia 50:28

Klewir son an re a fi, hag a skap yn-mes a bow Babylon, dhe dheklarya yn Sion dial an Arloedh agan Duw, dial rag y dempel.

Yeremia 51:11

Lymmewgh an sethow! Lenwewgh an goenyow! An Arloedh re dhrehevis spyrys myghternedh an Medys, rag y dowl a-dro dhe Babylon yw hy distrui, rag henn yw dial an Arloedh, dial rag y dempel.

Yeremia 9:16

My a wra aga skattra yn mysk an kenedhlow, na aswonnis naneyl i na'ga thasow: ha my a wra dannvon kledha war aga lergh bys pan y's diswrav yn tien.

Kynvannow 2:21

Yma tus yowynk ha tus koth a'ga growedh y'n stretys; ow morenyon ha'm gwer yowynk re goedhas der an kledha; tyb re's ladhas yn dydh dha sorr; ty re ladhas heb truedh.

Ezekiel 14:17

Po mar trov kledha war an pow na ha leverel, ‘Tremenes kledha der an pow’, ha my a dregh dhiworto den ha best,

Ezekiel 20:37

My a wra dhywgh tremena yn-dann an welenn, ha my a'gas dre yn kolm an kevambos.

Ezekiel 29:8

Rakhenna yndellma y lever an Arloedh Duw: Awottavy ow tri kledha er dha bynn, ha treghi dhiworthis den ha best.

Ezekiel 33:2

Mab den, kows dhe vebyon dha bobel, ha leverel dhedha, Pan dhrov kledha war neb tir, mar kemmer pobel a'n tir na neb unn gour a-dhiworth aga oryon ha'y wul goelyador ragdha;

Ezekiel 5:17

My a dhannvon divoetter ha tebel vestes er agas pynn, hag i a'th wra anvap. Plag ha goes a dremen dresos, ha my a dhre kledha warnas. My, an Arloedh, re gewsis.

Ezekiel 6:3

ha lavar, Menydhyow Ysrael, goslowewgh ger an Arloedh Duw. Yndellma y lever an Arloedh Duw dhe'n menydhyow ha dhe'n brennow, dhe'n goverow ha dhe'n nansow, Awottavy ow tri warnowgh kledha, ha my a dhistru agas tylleryow ughel.

Hosea 11:6

An kledha a wra troyllya erbynn y sitys, ha distrui an varrys a'y yetys, ha'ga dybri drefenn aga thowlow.

Levitikus 26:6

Ha my a re kres y'n pow, ha hwi a wrowedh, ha denvyth ny wra dhywgh perthi own. Ha my a bellha tebel bestes a'n tir, ha ny vydh an kledha ow tremena der agas pow.

Amos 4:10

Dannvon a wrug vy warnowgh pla dell wrug yn Ejyp; ladha a wrug vy agas tus yowynk gans an kledha, war-barth gans agas mergh kemmerys yn preydh. My a dhrehevis fler agas kaslysyow bys yn agas dewfrik; byttegyns ny dhehwelsowgh dhymm, yn-medh an Arloedh.

Habakkuk 3:5

A-dheragdho yth a an vall, hag yn-rag yth a an pla orth y dreys.

Niverow 14:12

My a's gwysk gans an pla ha'ga diserita, ha my a wra ahanowgh gwlaskor brassa ha galloesekka agessa.’

Niverow 16:49

Lemmyn an re a verwis der an pla o peswardhek mil ha seyth kans, dres niver an re a verwis yn negys Koragh.

Niverow 31:3

Ha Moyses a leveris dhe'n bobel, ‘Ervewgh gwer ahanowgh rag an vresel, mayth ellons erbynn Midyan, dhe gowlwul dial an Arloedh war Midyan.

Luk 21:11

y fydh dorgrysyow meur, ha divoetter ha plagys yn lies le, hag y fydh hwarvosow euthyk ha toknys meur dhiworth nev.

Dewteronomi 28:21

An Arloedh a wra dhe'n plag glena orthis bys ma'th tileas dhiwar an tir mayth esos ow tos di dh'y erita.

Dewteronomi 32:25

A-ves, an kledha a wra dhe dus bos anvap, hag a-ji, yma euth rag gour yowynk ha gwyrghes, an flogh ow tena, gans an gour a vlew loes.

Dewteronomi 32:35

Dial yw dhymm, hag attal, yn termyn may hwra aga throes trebuchya; rag ogas yw dydh aga therroes, ha'ga thenkys a fisten dhedha.

Dewteronomi 32:41

pan lymmav lughes ow kledha, ha'm leuv a sett dalghenn ynno yn breus, my a dal dial war ow eskerens, hag attyli an re a'm kas.

Breusysi 15:11

Ena tri mil wour a Yuda eth yn-nans dhe'n fols yn karrek Etam, hag i a leveris dhe Samson, ‘A ny wodhes bos an Filistysi rewloryon warnan? Ytho pandr'a wruss'ta dhyn?’ Ev a worthybis, ‘Par dell wrussons dhymmo, yndella re wrug vy dhedha.’